2017 թվականի հունվարի վերջի դրությամբ ՀՀ բանկային համակարգն ունեցել է 2 մլն 459 հազար 112 հաճախորդ։ Այս մասին տեղեկանում ենք ՀՀ Կենտրոնական բանկի՝ 2017 թվականի հունվար ամսվա տեղեկագրից։

Հաճախորդների մեծ մասը՝ 2 մլն 382 հազար 161-ը, ֆիզիկական անձինք են։ Իրավաբանական անձի կարգավիճակ ունեցող հաճախորդների թիվը եղել է 76 հազար 951։

Բանկային համակարգի հաճախորդները հունվարի վերջին ունեցել են 881 860 վարկային հաշիվներ, որից 860 255-ը պատկանում են ֆիզիկական անձանց։

Ժամկետային ավանդների քանակը 195 362 է, որից 192 427-ը ֆիզիկական անձանց ավանդներն են։