Մուտք
Invalid username or password
Փոփոխվել է մետաղի ջարդոնի արտահանման պետտուրքին առնչվող նախագիծը
Վերադարձ լուրերի բաժին
01:52 , 09 Հուլիս 2019
Դիտումներ281
Տեղի է ունեցել ԱԺ տնտեսական հարցերի մշտական հանձնաժողովի 17-րդ արտահերթ նիստը։ Օրակարգում եղել է նաև մետաղի ջարդոնի պետական տուրքին վերաբերող նախագիծը երկրորդ ընթերցումից առաջ հաստատելու հարցը։ Հանձնաժողովի նախագահ Բաբկեն Թունյանը տեղեկացրեց, որ ի սկզբանե նախատեսվում էր նախագիծը ընդունել արագացված ռեժիմով՝ առաջին և երկրորդ ընթերումները կազմակերպել 24 ժամում, սակայն կառավարության հետ ԱԺ-ն համաձայնության եկավ, որ երկրորդ ընթերցումը 24 ժամյա ռեժիմից հանվի, քանի որ ԱԺ-ին ժամանակ է պետք խնդրին ծանոթանալու համար։
«Այս կարճ ժամանակում որքանով հնարավոր է՝ հասցրեցինք ծանոթանալ խնդրին և առաջարկվող լուծման հետևանքներին։
Արդյունքում՝
1. Մետաղի ջարդոնի արտահանման պետական տուրքը նվազեցրեցինք՝ 1 տոննայի համար նախկին 80 000 դրամի փոխարեն սահմանելով 60 000 դրամ:
2. Հայկական ծագման ջարդոնի նկատմամբ տուրք կիրառելու դրույթի ուժի մեջ մտնելու ժամկետը հետաձգեցինք. ի սկզբանե նախատեսվում էր ուժի մեջ մտցնել հրապարակմանը հաջորդող 10-րդ օրը, լրամշակված տարբերակով ուժի մեջ կմտնի 2019 թվականի սեպտեմբերի 10-ից։ Սրանով ժամանակ տվեցինք մետաղի ջարդոնի արտահանմամբ զբաղվող փոքր ընկերություններին կատարել իրենց պայմանագրային պարտավորությունները և ադապտացվել նոր կանոններին։
3. Պայմանավորվեցինք, որ էկոնոմիկայի նախարարության հետ միասին առաջիկա ամիսներին կմշակենք մետաղի ջարդոնի արդյունավետ օգտագործման մեխանիզմ, որպեսզի և՛ տեղական արտադրողները հումք ունենան, և ջարդոնը չկուտակվի երկրում, այլ արտահանվի՝ համապատասխան եկամուտներ ապահովելով երկրի համար»,- մանրամասնեց ԱԺ տնտեսական հարցերի մշտական հանձնաժողովի նախագահը։
Դիտումներ 281
Քննչական կոմիտեն պարզաբանել է անիմացիոն հոլովակի թողարկումը
Ըստ կոմիտեի՝ հրապարակվել է հոլովակի նախական տարբերակը:
Շաբաթական ամփոփ տվյալներ Կենտրոնական բանկից
ՀՀ ԿԲ-ն ներկայացրել է օգոստոսի 19-23-ն ընկած ժամանակահատվածում իրականացված գործարքների մասին տեղեկագիրը:
ՎՏԲ-Հայաստան Բանկն արագացրել է ապառիկ վարկեր ձևակերպելու գործընթացքը
Պարզապես Բանկի հաճախորդները պետք է ուղարկեն ինքնությունը հաստատող փաստաթղթի լուսանկարը` Viber, WhatsApp մեսենջերով:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։