Մուտք

Invalid username or password

Մոռացե՞լ եք գաղտնաբառը

Փողերի լվացման վիճակագրությունը

Վերադարձ լուրերի բաժին

13:25 , 14 Մայիս 2017

ՀՀ Կենտրոնական բանկի Ֆինանսական դիտարկումների կենտրոնը (ՖԴԿ) 2016 թվականին շարունակել է իրականացնել փողերի լվացման և ահաբեկչության ֆինանսավորման  (ՓԼ/ԱՖ) հնարավոր տարրեր պարունակող բազմաբնույթ ազդակների վերլուծություններ: Այս մասին նշված է ՀՀ Կենտրոնական բանկի 2016 թվականի տարեկան հաշվետվության մեջ։

Նշենք, որ ՀՀ ԿԲ Ֆինանսական դիտարկումների կենտրոնը Հայաստանի Հանրապետության ֆինանսական հետախուզության ազգային մարմինն է, որի նպատակը փողերի լվացման և ահաբեկչության ֆինանսավորման (ՓԼ/ԱՖ) դեմ պայքարի մեխանիզմների ներդնումը և կիրարկումն է։

ՖԴԿ-ն ֆինանսական (բանկեր, վարկային կազմակերպություններ և այլն) և ոչ ֆինանսական (օրինակ՝ նոտարներ, շահումով խաղեր և խաղատներ կազմակերպող անձինք) ստանում է կասկածելի գործարքների վերաբերյալ հաշվետվություններ և այլ տեղեկատվություն, վերլուծում և տեղաբաշխում է դրանք։

ՖԴԿ-ի կողմից կատարված վերլուծությունների արդյունքներով ՓԼ/ԱՖ վարկածների առաջադրմամբ համապատասխան տեղեկացումներ են ուղարկվել ինչպես իրավապահ մարմիններին, այնպես էլ օտարերկրյա ֆինանսական հետախուզության մարմիններին (ՖՀՄ):

Վերլուծություններում հաճախակի հանդիպող սխեմաներից կարելի է առանձնացնել հետևյալները.

Խարդախության տարատեսակ սխեմաներ, այդ թվում՝

– Կեղծ քարտերի, արտասահմանյան բանկերի կողմից թողարկված քարտերի գողացված տվյալների ապօրինի օգտագործումներ,

– Զանգվածային մարքեթինգի տարբեր մոդելների կիրառմամբ հանցավոր ճանապարհով ստացված միջոցների օրինականացման սխեմաներ,

– Ֆինանսական բուրգին μնորոշ հատկանիշներ պարունակող գործառնություններ,

– Չլիցենզավորված ֆինանսական միջնորդային ծառայությունների մատուցման փորձեր,

–  Հնարավոր հարկային պարտավորություններից խուսափելու, ապօրինի ձեռնարկատիրություն իրականացնելու, տնտեսական գործունեության ծավալները թաքցնելու միտում պարունակող ֆինանսական գործարքներ,

– ՀՀ կենտրոնական բանկի կողմից հրապարակված տիպաբանություններով նկարագրված սխեմաներին համապատասխանող այլ դեպքեր:

ՖԴԿ կողմից ՓԼ/ԱՖ ռիսկերի զսպման նպատակով շարունակվել են միջոցառումներ իրականացվել ՀՀ բանկային համակարգի հնարավոր օգտագործման միջոցով անհայտ ծագում ունեցող գումարների՝ մի երկրից մյուսը տեղաշարժման փորձերը կանխելու ուղղությամբ:

Իրականացված վերլուծությունների արդյունքում, փողերի լվացման վարկածով 2016 թվականին իրավապահ մարմիններին տրամադրված տեղեկացումների, ՖԴԿ կողմից իրավապահ մարմիններից խնդրարկված և իրավապահ մարմինների կողմից ՖԴԿ-ից խնդրարկված տեղեկատվության, ինչպես նաև ՓԼ հանցադեպով հարուցված քրեական գործերի վերաբերյալ կազմված վիճակագրությունը ներկայացվել է աղյուսակում:

fdk

ՖԴԿ-ն շարունակել է օտարերկրյա ՖՀՄ-ների հետ համագործակցությունը, որի շրջանակներում 2016 թվականի ընթացքում ստացել է 26 և ուղարկել 20 հարցում:

Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը

Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։

Նոր տուն՝ նոր հույսերով

2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:

Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք

Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին: