Մուտք

Invalid username or password

Մոռացե՞լ եք գաղտնաբառը

Փողերի լվացման մասին. Հայաստանը համապատասխանում է 40 հանձնարարականներից 35-ին

Վերադարձ լուրերի բաժին

Խորագրեր

Պաշտոնական

18:32 , 30 Հունվար 2016

Հունվարի 28-ին Եվրոպայի խորհրդի (այսուհետ՝ ԵԽ) ՄԱՆԻՎԱԼ հանձնախմբի կողմից հրապարակվել է 2015 թ. դեկտեմբերի 10-ին հաստատված Հայաստանի Հանրապետության փողերի լվացման և ահաբեկչության ֆինանսավորման (ՓԼ/ԱՖ) դեմ պայքարի համակարգի 5-րդ փուլի գնահատման հաշվետվությունը, որով Հայաստանը հանդես է եկել որպես 2012 թ. վերանայված ՖԱԹՖ մեթոդաբանությամբ գնահատվող ԵԽ առաջին անդամ երկիր:

2014 թ. դեկտեմբեր ամսից մեկնարկած գնահատման գործընթացը առանձնանում էր նրանով, որ առաջին անգամ ՓԼ/ԱՖ դեմ պայքարի համակարգը պետք է գնահատվեր ոչ միայն ՖԱԹՖ-ի 40 Հանձնարարականներին տեխնիկական համապատասխանության, այլև դրանից բխող 11 Անմիջական արդյունքների իրագործման արդյունավետության տեսանկյունից: Հաշվետվությամբ արձանագրվել է՝

Տեխնիկական, մասնավորապես՝ օրենսդրական համապատասխան մեխանիզմների առկայության տեսանկյունից, Հայաստանը լիովին կամ հիմնականում համապատասխանում է ՖԱԹՖ-ի 40 Հանձնարարականներից թվով 35-ին:
Արդյունավետության գնահատման տեսանկյունից՝ Հայաստանն ապահովել է արդյունավետության զգալի կամ բավարար մակարդակ 11 Անմիջական արդյունքից թվով 9 Անմիջական արդյունքի մասով:

Արդյունավետության զգալի կամ բավարար մակարդակ է արձանագրվել միջազգային համագործակցության, ֆինանսական համակարգում ներդրված կանխարգելիչ միջոցառումների, իրավաբանական անձանց թափանցիկության, ԱՖ դեմ պայքարի հետ կապված միջազգային պարտավորությունների կատարման և ԱՖ կանխարգելիչ միջոցառումների ներդրման, ինչպես նաև զանգվածային ոչնչացման զենքի տարածման ֆինանսավորման դեմ պայքարի ոլորտներում: Ընդգծվել է ֆինանսական հետախուզության արդյունավետության բարձր մակարդակի առկայությունը:
Միևնույն ժամանակ արձանագրվել է, որ ՓԼ հետ կապված գործերի քննության և հետագա դատաքննության, ինչպես նաև միջոցների բռնագանձման առնչությամբ անհրաժեշտ է իրականացնել լրացուցիչ միջոցառումներ:
Համաձայն ՄԱՆԻՎԱԼ հանձնախմբի որոշման՝ Հաշվետվության հիման վրա ձեռնարկված քայլերի վերաբերյալ ՀՀ կողմից առաջընթացի հաշվետվություն կներկայացվի 2018 թ-ի ապրիլին, իսկ որոշ հարցերով միջանկյալ հաշվետվություն՝ 2016 թ-ի դեկտեմբերին:

ՄԱՆԻՎԱԼ հանձնախմբի կողմից ՀՀ ՓԼ/ԱՖ դեմ պայքարի նախորդ գնահատումը անց է կացվել 2009 թ-ին՝ համաձայն ՖԱԹՖ 2004 թ. մեթոդաբանության:

ԿԲ հասարակայնության հետ կապերի ծառայություն

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Քայլեր են ձեռնարկվելու քաղաքացիների ֆինանսական գրագիտությունը բարձրացնելու ուղղությամբ

Կառավարության մարտի 21-ի նիստում Նիկոլ Փաշինյանն անդրադարձել է վարկերի իրական տոկոսների հարցին և նշել. «Մենք Կենտրոնական բանկի հետ կարևորել ենք քաղաքացիների ֆինանսական գրագիտության բարձրացումը։ Մի բանում վստահ ենք՝ մենք պետք է պետական ծրագրեր իրականացնենք՝ քաղաքացիների ֆինանսական գրագիտությունը բարձրացնելու առումով»: Կենտրոնական բանկի նախագահ Արթուր Ջավադյանը նշել է, որ այս ուղղությամբ բազմաթիվ ծրագրեր են իրականացվում և մանրամասներ […]