Մուտք

Invalid username or password

Մոռացե՞լ եք գաղտնաբառը

Փոխվարչապետ Ավինյանը ՎԶԵԲ տարեկան ժողովում ներկայացրել է ՀՀ տնտեսական կյանքի արմատական փոփոխությունները

Վերադարձ լուրերի բաժին

00:06 , 15 Մայիս 2019

ՀՀ փոխվարչապետ Տիգրան Ավինյանի գլխավորած պատվիրակությունը մասնակցել է ՎԶԵԲ տարեկան ժողովի բացմանը և լիագումար նստաշրջանին: Նստաշրջանի օրակարգային հարցերը ներառել են կառույցի ռազմավարական, ինստիտուցիոնալ ու ֆինանսական հարցերը: Մասնավորապես, առանցքային քննարկման առարկա է եղել 2021-2025 թթ. ՎԶԵԲ ռազմավարական և կապիտալ շրջանակի ձևավորման նախապատրաստական աշխատանքները:

Տիգրան Ավինյանի գրասենյակը տեղեկացրեց, որ նա ներկայացրել է ՀՀ տնտեսական կյանքում տեղի ունեցող արմատական փոփոխությունները: Ավինյանը շեշտել է, որ ՎԶԵԲ 2021- 2025 թթ. Ռազմավարական և կապիտալ շրջանակի միջնաժամկետ թեմատիկ առաջնահերթությունները լավագույն կերպով ներդաշնակ են Հայաստանի ազգային առաջնահերթությունների հետ: Նա համոզմունք է հայտնել, որ բանկի եզակի գործարար մոդելի և մանդատի արդեն իսկ ապացուցված արդյունավետությունը խոսուն փաստ է տարածաշրջանի զարգացման մարտահրավերների հասցեագրմանը և առավել մրցունակ տնտեսություններ կառուցելուն միտված աջակցությունը շարունակելու համար: Կայացել է փոխվարչապետ Տիգրան Ավինյանի հանդիպումը ՎԶԵԲ փոխնախագահ Ալեն Պիլլոյի հետ:

Հանդիպման ընթացքում փոխվարչապետ Ավինյանն ընդգծել է մասնավոր հատվածի հետ ՎԶԵԲ համագործակցությունը շարունակելու և երկուստեք արդյունավետ պայմաններով այն խորացնելու կարևորությունը: Զրուցակիցները նաև քնարկել են շուրջ ջանքերը համատեղելու հնարավորույունները, մասնավորապես՝ ճանապարհային ենթակառուցվածքների, «խելացի» գյուղատնտեսության, վերականգնվող ու արևային էներգետիկայի ոլորտներում:

Փոխվարչապետը նաև հանդիպում է ունեցել Համաշխարհային բանկի` Արևելյան Եվրոպայի և Կենտրոնական Ասիայի տարածաշրջանի գծով փոխնախագահ Սիրիլ Մյուլլերի հետ: Քննարկվել են ջրային ոլորտի քաղաքականության ու ռազմավարական առաջնահերթությունների նույնականացման, ինչպես նաև` երկրի արտահանման ներուժը լիարժեք իրացնելու համար առկա խոչընդոտների բացահայտման ու դրանց ուղղությամբ համալիր լուծումների հարցերը, այդ թվում` տարածաշրջանային լոգիստիկ ենթակառուցվածքների ու կարգավորող ընթացակարգերի արդյունավետության բարձրացման համատեքստում:

ԱՄԵՆԱԿԱՐԴԱՑՎԱԾ ԼՈՒՐԵՐ

Այս տարի նվազել է առաջին անգամ Եմ երկրներում ապաստն հայցած ՀՀ քաղաքացիների թիվը

Անցած երեք տարիներին առաջին անգամ այդ թիվը 2000-ից պակաս է եղել:

Արմեն Սարգսյանն ընդունել է HSBC բանկի միջազգային հարցերով գործադիր տնօրենին

Քրիստոֆեր Դեյվիսն իր հերթին նշել է, որ HSBC-ն Հայաստանում ներդրել է լավագույն չափանիշները, և բանկի հայաստանյան թիմը համարվում է ամենապատրաստվածներից մեկը: