Մուտք

Invalid username or password

Մոռացե՞լ եք գաղտնաբառը

Փաշինյանն իր գումարը դրամով որպես ավանդ պահում է բանկում

Վերադարձ լուրերի բաժին

21:29 , 16 Մայիս 2020

ՀՀ վարչապետ Նիկոլ Փաշինյանն իր ավտոմեքենայի վաճառից գոյացած գումարը դրամով որպես ավանդ պահում է բանկում: Փաշինյանն այդ մասին ասաց առցանց ասուլիսում:
«Վերջին երկու տարիներին բանկային համակարգում դոլարիզացիայի մակարդակի նվազման միտումներ են նկատվում։ 2019թ. առևտրային բանկերի տրամադրած վարկերի դոլարիզացման մակարդակը կազմել է 53%՝ նախորդ տարվա 59.5 տոկոսի փոխարեն։ Ավանդների դոլարիզացման մակարդակը 2019թ-ին կազմել է 59.3 տոկոս՝ նախորդ տարվա 60 տոկոսի փոխարեն։ 2017թ-ին դոլարիզացման մակարդակն ըստ ավանդների կազմել էր 62.4 տոկոս։ Սա նշանակում է, որ մեր հայրենակիցներն ավելի ու ավելի շատ են վստահում դրամին և նախընտրում են իրենց ավանդները պահել դրամով, վարկերը ևս վերցնել դրամով: Ես էլ նույն կերպ եմ վարվում: Օրինակ վերջերս իմ ավտոմեքենան՝ «Հունդաի»-ն, վաճառեցի և դրանից գոյացած գումարը որպես ավանդ դրամով պահում եմ բանկում»,- ասաց Փաշինյանը:

Վարչապետը նաև նշեց, որ ՀՀ առևտրային բանկերի կողմից տրամադրված վարկերի մեջ ժամկետանց վարկերի կշիռը 2019 թվականի ընթացքում նվազել է և դեկտեմբերին կազմել ռեկորդային ցածր՝ 0.85%։ 2018թ-ի դեկտեմբերին նույն ցուցանիշը կազմել էր 1%: 2020 թվականի մարտին նախորդ տարվա նույն ամսվա համեմատ իրավաբանական եւ ֆիզիկական անձանց տրամադրված վարկերն ավելացել են 20.3%-ով, գյուղատնտեսական ուղղվածության վարկերը՝ 14.3%-ով: «Այս ցուցանիշը ցույց է տալիս, որ ՀՀ քաղաքացիներն ավելի, քան երբևէ նախկինում, ոչ միայն վարկեր են վերցնում, այլ նաև ի վիճակի են նորմալ պատշաճ ձևով սպասարկել այդ վարկերը, ինչը նշանակում է, որ ունեցել են պատշաճ եկամուտներ»,-նկատեց Փաշինյանը:

«Արդշինբանկը» նախորդ տարվա ընթացքում հաջողությամբ տեղաբաշխել է 300 միլիոն դոլար ընդհանուր ծավալով եվրապարտատոմսեր, որը հայաստանյան մասնավոր կազմակերպության համար աննախադեպ ցուցանիշ է: Այս թողարկումը կապիտալի միջազգային շուկայում ճանաչվել է Եվրոպայում իր տեսակի մեջ լավագույնը և Financial Times Group-ի համաշխարհային առաջատար The Banker բիզնես ամսագրի կողմից արժանացել է «Տարվա գործարք» մրցանակին։

Վարչապետը հիշեցրեց, որ Եվրաբոնդերի թողարկման շատ հաջող դեպք կա: «Եվ այդ ժամանակ ասում էինք, որ Հայաստանի վարկանիշների բարձրացումը և Եվրաբոնդերի հաջորդ թողարկումը հնարավորություն կտա, որ Հայաստանի մասնավոր սեկտորի ընկերությունները նույնպես թողարկեն Եվրաբոնդեր և ներգրավեն միջոցներ: Եվ ահա, ունենք այսպիսի առաջին օրինակը»,-ասաց Փաշինյանն ու հույս հայտնեց, որ մյուս կազմակերպությունները ևս այդ ճանապարհով կգնան:

Արմենպրես

ԱՄԵՆԱԿԱՐԴԱՑՎԱԾ ԼՈՒՐԵՐ

5000 նոր աշխատատեղեր կամ չվարձատրվող արձակուրդից վերադարձածներ

ՀՀ վիճակագրական կոմիտեի կողմից հրապարակված հուլիս ամսվա պաշտոնական թվերը փաստում են, որ 2020թ.-ի հուլիսին գրանցված աշխատողների թվաքանակը հունիսի նկատմամբ նվազել է 554-ով։

25.09.2020: Շաբաթական ամփոփ տվյալներ

Սեպտեմբերի 14-20-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 99.4 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 39.6 մլն ԱՄՆ դոլար:

Հայաստանի ստարտափ ակադեմիայի «Traction» ծրագիրը կներկայացնի իր 9 շրջանավարտ-ընկերություններին առցանց անցկացվող Դեմո օրվա ընթացքում

Եվրոպական միության և Վիվա-ՄՏՍ-ի աջակցությամբ իրագործվել է Հայաստանի ստարտափ ակադեմիայի «Traction» ծրագրի առաջին շրջանը: