Մուտք

Invalid username or password

Մոռացե՞լ եք գաղտնաբառը

«Փակեք ձեր հեռախոսի տեսախցիկը». ՏՏ անվտանգության փորձագետ Իգոր Աշմանով. АиФ

Վերադարձ լուրերի բաժին

Հեղինակ

B4B.am

Խորագրեր

Դայջեսթ

21:31 , 13 Մարտ 2018

Ինչպես են ձեզ հետևում սմարթֆոնները, և ինչու է վտանգավոր սոցցանցերում թեստեր անցնելը։ Այս մասին և ոչ միայն «Аргументы и Факты»-ն զրուցել է տեղեկատվական անվտանգության հայտնի փորձագետ Իգոր Աշմանովի հետ։

– Ասում են, որ տեսախցիկներ ունեցող բոլոր սարքերը՝ նոթբուքեր, պլանշետներ հեռախոսներ, պլանշետներ, հետևում են մեզ, ֆոտո և վիդեո նկարում, երբ ցանկանում են։ Դա ճի՞շտ է։

-Այո։ Պատահական չէ, որ Ֆեյսբուքի հիմնադիր Մարկ Ցուկերբերգը, տեխնիկական նորույթներին քաջատեղյակ մարդ, կպչուն ժապավենով փակում է իր նոթբուքի տեսախցիկը։ Նա սկսել է այդ կերպ վարվել 7 տարի առաջ։ Ձեր հեռախոսը մշտապես ձեզ «լսում» է, ֆիքսում է ձեր գտնվելու վայրը և մշտապես նայում է ձեզ տեսախցիկի միջով։ Ընդ որում, հեռախոսը հասկանում է՝ երբ է գտնվում գրպանում, և էկրանը մութ է։ Հետո հեռախոսը դեմքերի, մարդկանց, կոնկրետ իրավիճակների այդ լուսանկարները ուղարկում է «կենտրոնական սերվերներին»:

Թե ովքեր են այդ ինֆորմացիայի ստացողները, կարելի է միայն ենթադրել։ Օրինակ, Android օպերացիոն համակարգով աշխատող սարքերի ինֆորմացիան հասանելի է ոչ միայն արտադրողներին, այլ նաև ԱՄՆ Ազգային անվտանգության գործակալությանը (օպերացիոն համակարգի սեփականատերը օրենքով պարտավոր է այդ տվյալները տրամադրել ԱԱԳ-ին):

– Ստացվում է, որ հեռախոսը պետք է անջատե՞լ, երբ այն չես օգտագործում։

– Դա չի օգնի։ Պետք է հասկանալ, որ հետևելու ուղիները շատ են։ Պետք է փորձել վարկաբեկիչ որևէ բան չանել։ Որովհետև եթե անգամ համոզված եք, որ հեռախոսն անջատված է, փաստ չէ, որ դա այդպես է։ Վստահ լինելու համար պետք է հանել մարտկոցը, սակայն ժամանակակից սմարթֆոնների մեծ մասի դեպքում մարտկոցը հանելու հնարավորություն չկա։

Անջատելու դեպքում էլ ամեն ինչ այդքան պարզ չէ։ Ապարատը կարող է անջատման անիմացիա ցույց տալ և հանգցնել էկրանը, սակայն մնա ակտիվ։ Կա նաև գաղտնալսումից խուսափելու մեկ այլ եղանակ՝ հրաժարվել սմարթֆոններից և օգտագործել «տատիկի հեռախոս», օրինակ, Nokia-6610:

– Դուք թվային անվտանգության ոլորտի հայտնի փորձագետ եք։ Ցույց կտա՞ք՝ ինչ հեռախոս եք օգտագործում։

– Կներեք, ես փորձագետ չեմ։ Ինձ մոտ ամենավերջին կորեական սմարթֆոններից է։ Տեսախցիկն էլ չեմ փակել, ահա՝ կարող եք նայել։ Գաղտնալսումն ու հետևելը ռիսկ են պարունակում այն մարդկանց համար, որոնք գործ ունեն ինչ-որ գաղտնիքների հետ։ Դրանք կարող են լինել պաշտոնյաներ, հատուկ ծառայությունների աշխատակիցներ, խոշոր գործարարներ, հանցագործներ…

Սերվերները մեծածավալ տեղեկատվություն են հավաքում՝ դրանից չառանձնացնելով կոնկրետ ինձ որպես անհատ (դեռ): Չեմ կարծում, որ սմարթֆոն արտադրողներն ու ԱՄՆ ԱԱԳ-ն հետևում են իմ անձնական կյանքի մանրամասներին։ Ամեն դեպքում, ես աշխատում եմ չօգտագործել հեռախոսս որոշակի իրավիճակներում՝ բանակցությունների ժամանակ, սաունայում, ննջարանում և այլն։

– Արժի՞ անհանգստանալ, որ ինչ-որ մեկի կինը կիմանա ամուսնու դավաճանության մասին, քանի որ հեռախոսը հետևում է վերջինիս։

– Դե, կնոջը հասանելի չեն այն տվյալները, որոնք սմարթֆոնն ուղարկում է ԱՄՆ։ Կնոջ համար ավելի հեշտ է վերցնել ամուսնու հեռախոսն ու կարդալ, թե նա ում հետ և ինչի մասին է գրվում։ Իսկ ահա այդ ինֆորմացիան հավաքող հատուկ ծառայությունները կարող են շանտաժի ենթարկել ամուսնուն, եթե, իհարկե, նա իրենց համար կարևոր ֆիգուր է։

– Ասում են, որ մեսենջերները (Telegram, Whatsapp, Viber) գաղտնագրում են ինֆորմացիան՝ և ի տարբերության sms հաղորդագրությունների ու էլեկտրոնային նամակների ավելի անվտանգ են։ Այդպե՞ս է։

– Վստահ չեմ։ Ոչ ոք չի կարող դա հաստատ իմանալ։ Չէ՞ որ դա մարքեթինգ է։ Վստահելի՞ է արդյոք այն սերվերների գաղտնագրման ալգորիթմը, որտեղ պահպանվում է ձեր նամակագրությունը։ Պարզ օրինակ բերեմ. անվճար էլեկտրոնային փոստի ծառայությունները (օրինակ՝ gmail-ը) «կարդում են» ձեր նամակների բովանդակությունը։ Ու հետո ձեզ առաջարկում է այն ապրանքի գովազդը, ինչի մասին խոսվել է նամակի մեջ։ Իսկ Google-ը օրենքով պարտավոր է տվյալները տրամադրել հետախուզությանը։

Նույն կերպ են կառուցված կոմունիկացիոն բոլոր համակարգերը։ Իհարկե, նամակագրությունը կարդում են ոչ թե մարդիկ, այլ արհեստական ինտելեկտը՝ լինգվիստիկ վերլուծության ենթարկելով տեքստերը։ Իսկ Windows-10 համակարգը ի սկզբանե ունի ներկառուցված ստեղնաշարային լրտես, որը ձեր բոլոր սեղմումները ստեղներին ուղարկում է Microsoft-ին։

Շարունակությունը՝ կարող եք կարդալ այստեղ՝ ռուսերեն լեզվով

ԱՄԵՆԱԿԱՐԴԱՑՎԱԾ ԼՈՒՐԵՐ

10 հետաքրքիր փաստ միլիարդատերերի մասին

Անհավատալի է, բայց փաստ. եթե հիմնվենք վիճակագրության վրա, ապա մինչև այսօր կայացած միլիարդատերերի մեծ մասը ամեն ինչի հասել է սեփական ուժերով

Ինչ է նշանակում EAC նշանը ապրանքների վրա

Հայաստանում վաճառվող ապրանքների վրա կարելի է հանդիպել նաև EAC գրառումը։ Շատերը չգիտեն՝ ինչ է այն նշանակում։

Ինչպե՞ս ստուգել մեքենայի իրական վազքը (пробег)

Մեքենա գնելիս ամենակարևոր տեղեկություններից մեկն այն է, թե որքա՞ն է մեքենայի վազքը (քանի՞ կիլոմետր է այն անցել)