Մուտք

Invalid username or password

Մոռացե՞լ եք գաղտնաբառը

Ցանկացած պարագայում անհրաժեշտ են հնարավորինս հստակ հիմնավորումներ

Վերադարձ լուրերի բաժին

22:16 , 21 Մարտ 2020

ՀՀ էկոնոմիկայի նախկին նախարար, տնտեսագետ Կարեն Ճշմարիտյանը Ֆեյսբուքի իր էջում անդրադարձել է արտակարգ դրության պայմաններում տնտեսության կենսունակության պահպանման անհրաժեշտ քայլերին: Ճշմարիտյանը գրել է.

Առանց մանրամասնելու, շատ ընդհանրացված

Առայժմ հայտնի չէ, թե տնտեսության կենսունակության պահպանման համար ինչ արտակարգ միջոցառումներ կձեռնարկվեն, բայց որպեսզի դրանք լինեն գործունակ, արդյունավետ և ճիշտ ժամանակին` ցանկացած պարագայում անհրաժեշտ են հնարավորինս հստակ հիմնավորումներ:
Հիմնավորումների համար, ի թիվս այլ տարրերի անհրաժեշտ կլինի ապահովել նաև` հետևյալ մեթոդաբանությունը և սկզբունքային մոտեցումները:

Մեթոդաբանությունը.
1. Իրավիճակի գնահատական` ընդհանուր և ըստ ոլորտների…
2. Կանխատեսվող սցենարներն` ըստ ժամկետների և ոլորտների վրա փաստացի ու կանխատեսվող ազդեցությունների աստիճանի.
ազդեցության գնահատականները պետք է հաշվի առնեն.
ա) ոլորտների դիմադրողականության աստիճանը,
բ) բոլոր ուղղություններով նոր պոտենցիալների հայտնաբերումը և հնարավորությունները (վերապրոֆիլավորում, սպառման և արտահանման նոր ուղղություններ, և այլն),
3. 1-ին և 2-րդ կետերի հիման վրա` միջոցառումների առաջնահերթություններն` ըստ ժամանակային սցենարների և ոլորտների.
ա) միջոցառումների գործողության ժամկետների` կարճաժամկետ, միջնաժամկետ և երկարաժամկետ` ըստ 2-րդ կետում նշված կանխատեսումների,
բ) ոլորտները` անվտանգային, սոցիալական (ներառյալ` սոցիալական ապահովություն, առողջապահություն, մշակույթ, կրթություն, և այլն) իրական հատված (արտադրություն, առևտուր, ծառայություններ, ենթակառուցվածքներ), ֆինանսաբանկային, և այլն,
գ) իրական հատվածի աջակցության ճյուղային և տարածքային առաջնայնություններն ու դրանց հիմնավորումները,
4. Հարցի «գինը», այսինքն` միջոցառումների արդյունքում պետական բյուջեի վրա ծանրաբեռվածության կանխատեսումները:
Սկզբունքները.
1. Բացառել որևէ ոլորտի համար ջերմոցային պայմանների ապահովումը ի հաշիվ մյուսի, հատկապես` վերջնարդյունքում ֆինանսաբանկային ոլորտի վրայի հնարավոր ծանրաբեռնվածության փոխադրումը իրական հատվածի վրա,
2. Կարճաժամկետ այսրոպեական աջակցությունը չպետք է վերածվի հետագայում տվյալ սուբյեկտի, կամ պետբյուջեի համար անհաղթահարելի, կամ ծանր բեռի (արտոնությունների սահմանում, վարկի և տոկոսների վճարման հետաձգում, առանձին ծրագրերի համաֆինանսավորում և այլն),
3. Գնահատականները, սցենարները և աջակցության ձևերը պետք է մշակվեն բացառապես գործարարների հետ խորհդակցելով, և իրականացվեն ըստ ոլորտների, տարածքների և դրանց կարևորության:

Հ.Գ.
Պատրաստ լինել նաև` անհրաժեշտության դեպքում պետական բյուջեում վերաբաշխումներ կատարելուն:
Հ.Գ.
Ռազմարդյունաբերության մասով պետք է նախատեսել առանձին միջոցառումներ:

Ինտելեկտուալ խաղերի միջազգային փառատոնում հայաստանյան թիմերը արժանացան արծաթե և բրոնզե մեդալների

Եռօրյա փառատոնն անցավ տոնական մթնոլորտում, հայկական հյուրասիրության լավագույն ավանդույթների համաձայն:

Ամենամյա բարեգործական ընթրիք՝ հասարակության խոցելի խավին աջակցելու համար

Ամենամյա հերթական ընթրիքից հետո, նոր ծրագրերի մեկնարկը տրված է, իսկ աշխատանքային ժամանակացույցը՝ հագեցած:

«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար

2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա: