Մուտք

Invalid username or password

Մոռացե՞լ եք գաղտնաբառը

ՏՏ ոլորտի ծառայությունները Հայաստանում երկնիշ աճ են գրանցել

Վերադարձ լուրերի բաժին

Տեղեկատվական տեխնոլոգիաներն այն քիչ ոլորտներից է, որոնք կորոնավիրուսային ճգնաժամին ոչ միայն դիմացել են, այլև աճ են գրանցել։

Այսպես, ՀՀ վիճակագրական կոմիտեի տվյալներով, Հայաստանում տեղեկատվական տեխնոլոգիաների ծառայությունների ծավալը 2020 թվականի առաջին կիսամյակում կազմել է 63.5 մլրդ դրամ, ինչը 23.9%-ով գերազանցում է նախորդ տարվա նույն ժամանակահատվածի ցուցանիշը։

Իսկ եթե դիտարկենք ամսական կտրվածքով, ապա աճն ավելի տպավորիչ է. այս տարվա հունիսին ՏՏ ոլորտի ծառայությունների ծավալը նախորդ տարվա հունիսի համեմատ աճել է 45%-ով և կազմել 12.6 մլրդ դրամ։

ՏՏ ոլորտի ծառայությունների հիմնական ուղղությունը ծրագրային ապահովման մշակումն ու հարակից գործողություններն են։

Նշենք, որ վերը նշված թվերը չեն ներառում հեռահաղորդակցության ոլորտը և վերաբերում են միայն ծառայություններին։
Եթե դիտարկենք նաև հեռահաղորդակցությունը, ինչպես նաև՝ առևտրի և արդյունաբերության մեջ ՏՏ ծավալները, ապա ընդհանուր ՏՀՏ ծավալը այս տարվա առաջին կիսամյակում կազմում է 149.4 մլրդ դրամ, որը 4%-ով ավելի է նախորդ տարվա առաջին կիսամյակի ցուցանիշից։

Հայաստանը կարևորում է ԵԱՏՄ ներքին շուկաների պաշտպանության ընդհանուր մոտեցման մշակումը. Նիկոլ Փաշինյան

Աշխատանքային այցով Ղազախստանում գտնվող վարչապետ Նիկոլ Փաշինյանն այսօր Ալմաթիում մասնակցել է Եվրասիական միջկառավարական խորհրդի հերթական նիստի աշխատանքներին:

Ավինյանը ներկայացրել է կորոնավիրուսի հետևանքների վերացման և տնտեսական ակտիվության միջավայրի վերականգնմանն ուղղված գործողությունները

ՀՀ փոխվարչապետ Տիգրան Ավինյանը Կառավարության նիստում ներկայացրեց «Տնտեսական արձագանքման ծրագիրը և գործողությունների նախնական պլանը հաստատելու մասին» որոշման նախագիծը:

ԵՄ-ն տրամադրում է ավելի քան 35 մլն. եվրոյի դրամաշնորհ՝ ՔՈՎԻԴ-19 համավարակի հետևանքների չեզոքացմանը

ԵՄ-ի արձագանքը բխում է «Team Europe» մոտեցումից , որի նպատակն է փրկել կյանքեր` այս համաճարակի դիմակայմանն ուղղված արագ և նպատակային աջակցություն ցուցաբերելով մեր գործընկերներին։