Մուտք

Invalid username or password

Մոռացե՞լ եք գաղտնաբառը

Տնտեսությունն աճում է, առևտուրը՝ նվազում

Վերադարձ լուրերի բաժին

13:31 , 21 Նոյեմբեր 2015

2015 թվականի հունվար-հոկտեմբերին Հայաստանի Հանրապետությունում տնտեսական ակտիվության ցուցանիշը աճել է 3,5%-ով՝ նախորդ տարվա նույն ժամանակահատվածի համեմատ։ Այս մասին տեղեկացնում է ՀՀ Ազգային վիճակագրական ծառայությունը:

Հոկտեմբերին՝ սեպտեմբերի համեմատ, ՏԱՑ-ը նվազել է 13,5%-ով։

Ինչ վերաբերում է տնտեսության առանձին ճյուղերին, ապա ամենատպավորիչ աճը շարունակում է գրանցել գյուղատնտեսությունը։ Ոլորտի արտադրանքը այս տարվա հունվար-հոկտեմբերին կազմել է 857,7 մլրդ դրամ, ինչը 11,6%-ով գերազանցում է նախորդ տարվա նույն ժամանակահատվածի ցուցանիշը։

Արդյունաբերական արտադրանքի ծավալն աճել է 4,6%-ով և կազմել 1 տրիլիոն 63 մլրդ դրամ։

Ծառայությունների ոլորտի արտադրանքն աճել է 2,8%-ով (ծավալը՝ 960 մլրդ դրամ), շինարարությունը՝ 0,1%-ով (ծավալը՝ 304 մլրդ դրամ)։

Բացասական դինամիկա ունի միայն ներքին առևտրաշրջանառությունը։ Հաշվետու ժամանակաշրջանում առևտրի ծավալը նվազել է 6,4%-ով և կազմել 1 տրիլիոն 816,7 մլրդ դրամ։

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը  

Հաճախորդի ցանկությամբ Բանկը տրամադրում է նաև թոշակային քարտ, որով հաճախորդը կարող է կանխիկացնել միջոցներ ոչ միայն Հայաստանում, այլ նաև արտերկրում:

Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի

Այդ մասին տեղեկացրել է փոխվարչապետի պաշտոնակատար Մհեր Գրիգորյանը: