Մուտք

Invalid username or password

Մոռացե՞լ եք գաղտնաբառը

Տնտեսական ակտիվության աճի տեմպը թուլանում է

Վերադարձ լուրերի բաժին

18:31 , 20 Հոկտեմբեր 2017

ՀՀ Ազգային վիճակագրական ծառայությունը այսօր հրապարակել է 2017 թվականի հունվար-սեպտեմբեր ամիսների նախնական մակրոտնտեսական ցուցանիշները։

Ըստ ԱՎԾ տվյալների՝ 2017 թվականի հունվար-սեպտեմբերին՝ նախորդ տարվա նույն ժամանակահատվածի համեմատ, տնտեսական ակտիվությունն աճել է 5.1%-ով (աճողական ցուցանիշ)։ Իսկ 2017 թվականի սեպտեմբերը՝ 2016 թվականի համեմատ, ցուցանիշը 2.4% է։

Գծապատկերում երևում է, որ վերջին ամիսներին տնտեսական ակտիվության աճի տեմպը գնալով թուլանում է։ Տարվա առաջին եռամսյակում ՏԱՑ-ը բավականին բարձր էր՝ 6.6-6.8%։ Ապրիլին տնտեսական ակտիվության աճը նվազեց մինչև 5.7% (հավանաբար՝ պայմանավորված խորհրդարանական ընտրություններով), հետո կրկին բարձրացավ մինչև 6.3%։

Իսկ վերջին 3 ամիսների կտրվածքով տեմպի թուլացումն արդեն ակնհայտ է՝ հունվար-հուլիս՝ 6.2%, հունվար-օգոստոս՝ 5.5% և հունվար-սեպտեմբեր՝ 5.1%։ Ամսական կտրվքով աճի տեմպն էլ վերջին 2 ամիսներին բավականին թույլ է՝ 2.4% օգոստոսին և սեպտեմբերին։

Հիշեցնենք, որ 2017 թվականի համար ՀՀ կառավարությունը ի սկզբանե կանխատեսում էր 3.2% տնտեսական աճ։ Ու չնայած տարվա ընթացքում աճի տեմպը շատ ավելի բարձր է եղել՝ 5.5-6%-ի սահմաններում, կառավարությունը վերջերս թարմացրեց կանխատեսումը՝ նշելով, որ տարին կփակվի 4.3% տնտեսական աճով։ Դատելով ցուցանիշների դինամիկայից և տնտեսական ակտիվությա աճի տեմպի թուլացումից՝ այդ կանխատեսումը իրատեսական է երևում։

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանի ՀՆԱ-ն նախորդ եռամսյակի համեմատ աճել է 38.6%-ով

Ըստ Վիճակագրական կոմիտեի՝ Հայաստանի բնակչության մեկ շնչի հաշվով ՀՆԱ-ն այս տարվա հուլիս-սեպտեմբերին կազմել է 588 հազ. 434 դրամ կամ 1212 ԱՄՆ դոլար։

«Հայաստան» համահայկական հիմնադրամի ֆինանսական միջոցների ծախսերի մասին տեղեկատվություն

Հաշվի առնելով այս օրերին լրատվամիջոցներից ստացված բազմաթիվ հարցումները, հարկ ենք համարում հրապարակել «Հայաստան» համահայկական հիմնադրամի կողմից կառավարությանը նվիրաբերած դրամական միջոցների տրամադրման կարգի ու այլ մանրամասների վերաբերյալ տեղեկատվությունը։

Կենտրոնական բանկը ՀՀ արտարժութային շուկայում կիրականցնի գործառնություններ

ՀՀ կենտրոնական բանկն անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների և ֆինանսական կայունությունը։