Մուտք

Invalid username or password

Մոռացե՞լ եք գաղտնաբառը

Տնտեսական հեղափոխության «ֆինանսավորման աղբյուրներից» պետք է լինի բանկային համակարգը-ՏԵՍԱՆՅՈՒԹ

Վերադարձ լուրերի բաժին

Հեղինակ

B4B.am

Խորագրեր

Լուրեր

13:45 , 28 Մարտ 2019

Հայաստանում տնտեսական հեղափոխության «ֆինանսավորման» համար պետությունը մի քանի աղբյուրներ կգտնի: Դրանցից մեկը կլինի բանկային համակարգը: b4b.am-ի հաղորդմամբ` այդ մասին Ազգային ժողովում կառավարության ծրագրի կատարման ընթացքի և արդյունքների ներկայացմանն իր եզրափակիչ ելույթում ասաց ՀՀ վարչապետ Նիկոլ Փաշինյանը` անդրադառնալով «Բարգավաճ Հայաստան» խմբակցության պատգամավոր Միքայել Մելքումյանի դիտարկումներին:

Մելքումյանը նշեց, որ կառավարությունը քաղաքական հեղափոխությունից հետո հայտարարել է, որ պետք է իրականացնի նաև տնտեսական հեղափոխություն: «Ասել միայն, թե պետք է աշխատանքով ապահովել, որ մարդիկ կարողանան աշխատել, բավարար չի լինելու: Եթե մենք գյուղացուն ասում ենք, որ պետք է կառուցի անասնագոմ, հետո ինքն էլ անասուններ ձեռք բերի, նախ պետք է հասկանալ այդ պայմանները կան, թե ոչ: Մենք հայտնում ենք լավ ցանկություններ, որ պետք է փոփոխություններ կատարենք, բայց հարցադրում ենք անում` այդ գումարները որտեղից պիտի գան»,-հետաքրքրվեց Մելքումյանը:

Նիկոլ Փաշինյանը նշեց` շատ կարևոր հարց է բարձրացվում, թե ով պետք է ֆինանսավորի տնտեսական հեղափոխությունը: «Մենք ֆինանսական մեկ աղբյուր չէ, որ պետք է գտնենք: Մյուս կողմից ուզում եմ ասել, որ իմ կարծիքով այդ ֆինանսավորման կարևոր աղբուրներից մեկը մեր բանկային համակարգը պետք է լինի: Մեր հասցեին մեղադրանքներ են հնչում, որ թե մենք բանկային լոբիզմի հետ շատ ենք առնչվում և բանկերը լոբինգ անելու շատ հնարավորություն ունեն: Իրականում այդ գործընթացի սերտ համագործակցության նախաձեռնողը մենք ենք: Մենք անընդհատ բանկային համակարգի առաջ խնդիր ենք դնում, որ իրենք պետք է այս գործընթացները ֆինանսավորեն և ֆինանսական միջոցները դարձնեն ավելի մատչել»,-ասաց վարչապետը:

Նրա խոսքով` հաշվի առնելով Կենտրոնական բանկի մասնագիտական կարողությունները` նրանք նաև քաղաքացիների ֆինանսական գրագիտությունը բարձրացնելու ծրագրերին փորձաքննական միջամտություն անելու իմաստով պետք է առավել ներգրավված լինեն: Փաշինյանի խոսքով` ինքը բացասական բան չի տեսնում այս համագործակցության մեջ: Նա հավաստիացրեց, որ իրենք որևէ լոբինգի տրվող չեն:
ԱԺ նիստի տեսագրությունը կարող եք դիտել ստորև՝

ԱՄԵՆԱԿԱՐԴԱՑՎԱԾ ԼՈՒՐԵՐ

Մհեր Գրիգորյանը Մոսկվայում մասնակցել է ԱՊՀ տնտեսական խորհրդի նիստին

Ստորագրվել են մի շարք փաստաթղթեր ԱՊՀ մասնակից պետությունների էներգոռեսուրսների արտադրման և սպառման կանխատեսման, երկաթուղային տրանսպորտի համաձայնեցված սակագնային քաղաքականության, կրթական և գիտատեխնիկական ոլորտներում համագործակցության, հակաօդային պաշտպանության ընդհանուր համակարգի, ինչպես նաև տեղեկատվավերլուծական նյութերի վերաբերյալ:

06.12.2019: ԿԲ նախագահի այցը Վիենա

Ստորագրվելու են վարկային համաձայնագրեր՝ վերականգնվող էներգետիկայի, գյուղատնտեսության և բնակարանային ֆինանսավորման ոլորտներում:

Հնարավորություն է ստեղծվում ՀՀ ներմուծել աջ ղեկով տրանսպորտային միջոցներ

Սակայն դրանք պետք է փոխվեն ձախակողմյան ղեկային տեղաբաշխման: