Մուտք

Invalid username or password

Մոռացե՞լ եք գաղտնաբառը

Տնտեսական հարցերի հանձնաժողովի նախագահի կարծիքով՝ գազավորված ըմպելիքների ակցիզային հարկումը բացասաբար կազդի փոքր ու միջին բիզնեսի վրա

Վերադարձ լուրերի բաժին

18:16 , 12 Մարտ 2019

ԱԺ տնտեսական հարցերի մշտական հանձնաժողովի նախագահ, տնտեսագետ Բաբկեն Թունյանը Հարկային օրենսգրքի փոփոխություններով նախատեսվող գազավորված ըմպելիքների ակցիզային հարկով հարկման հետ կապված վերապահումներ ունի: Նա կածում է՝ դա առողջապահական տեսանկյունից հիմնավորված չէ և բացասաբար կազդի փոքր ու միջին բիզնեսի վրա: «Արտադրողների կողմից մտահոգությունը տեղին է: Առողջապահական հիմնավորումը, որը ներկայացվում է ակցիզային հարկը նման կերպով տարածելու համար, շատ վիճահարույց է: Մենք, շաքարայնության փոխարեն, շեշտը դնում ենք ըմպելիքի գազավորված լինելու վրա: Շաքար պարունակող ավելի վնասակար ըմպելիքը կարող է դուրս մնալ ակցիզային հարկից, իսկ գազավորված մեկ այլ ըմպելիք հարկվել: Դա առողջապահական առումով հիմնավորում չունի: Իսկ փոքր ու միջին բիզնեսի վրա ազդելու է բացասաբար: Սա նշանակում է, որ դրանից կտուժեն ցածր գնային սեգմենտում աշխատողները»,- b4b.am-ի հաղորդմամբ՝ ասաց Թունյանը։

Նրա կարծիքով, այդ փոփոխության արդյունքում շուկայում խոշորները կարող են «կլանել» փոքրերին: Թունյանը նաև նկատեց, որ ֆինանսների նախարարությունը լսում է բոլոր կողմերի կարծիքները: Եվ հնարավոր է, որ մինչ ԱԺ հասնելն այդ հարցը լուծված լինի:

ՀՀ հարկային օրենսգրքի փոփոխությունների նախագծով առաջարկվում է ակցիզային հարկով հարկել բոլոր գազավորված ըմպելիքները՝ բացառությամբ հանքային ջրերի և ալկոհոլային խմիչքների՝ անկախ շաքարայնությունից: Սակայն նախագծի ավելի վաղ ներկայացված տարբերակում առաջարկվել էր հարկել 100 գրամ ծավալում 5 գրամից ավելի շաքար պարունակող ըմպելիքները:

Ավելի վաղ ֆինանսների փոխնախարար Արման Պողոսյանն «Արմենպրես»-ի հետ զրույցում փոփոխությունը մեկնաբանել էր հետևյալ կերպ՝ դիտարկումները ցույց են տվել, որ շաքարայնության հիման վրա հարկային վարչարարություն իրականացնելը կարող է ուղեկցվել որոշակի բարդություններով այն առումով, որ ըմպելիքների պիտակների վրա հազվադեպ է մակնշվում շաքարի պարունակությունը, իսկ գազավորված լինելն ավելի տեսանելի, ավելի վերահսկելի հատկանիշ է, և կարելի է ավելի արդյունավետ հարկային վարչարարություն իրականացնել:

ԱՄԵՆԱԿԱՐԴԱՑՎԱԾ ԼՈՒՐԵՐ

UCOM-ն առաջարկում է ձեռք բերել Alcatel 1S սմարթֆոնն ու նվեր ստանալ TWS Hiper Oki ականջակալներ

Ucom ընկերությունն առաջարկում է ձեռք բերել 2021թվականի արտադրության Alcatel 1S սմարթֆոնն ամսական ընդամենը 2000 դրամով և ստանալ նվեր` TWS Hiper Oki վարդագույն և կապույտ անլար ականջակալներից մեկը:

ՎՏԲ-Հայաստան Բանկը մեկնարկում է վարկավորման ծրագիր՝ ՀՀ կառավարության  19-րդ միջոցառման շրջանակներում

ՎՏԲ-Հայաստան Բանկը՝ ՀՀ էկոնոմիկայի նախարարության և «Ներդրումների աջակցման կենտրոն» հիմնադրամի հետ համատեղ COVID19-ի տնտեսական հետևանքների չեզոքացման ՀՀ կառավարության 19-րդ միջոցառման շրջանակներում, հայտարարում է փոքր բիզնեսի վարկավորման և այս սեգմենտի հաճախորդների բիզնես-ծրագրերին օժանդակություն ցուցաբերելու մասին:

EURO 2020-ի ընթացքում UCOM-ի բաժանորդները կմասնակցեն UMETER քվեարկություն-խաղարկությանը

Քվեարկությանը միացած բոլոր բաժանորդները կմասնակցեն յուրաքանչյուր ուրբաթ օրն ացկացվող խաղարկությանը, որի ընթացքում պատահականության սկզբունքով կընտրվեն 80 հաջողակներն, ովքեր և կստանան սպասված նվերը: Խաղարկությունը կցուցադրվի Ucom TV ֆեյսբուքյան էջի ուղիղ եթերով: