Մուտք

Invalid username or password

Մոռացե՞լ եք գաղտնաբառը

«Տնտեսական աճը այս տարի կլինի 4%-ի շրջակայքում». ԵՊՀ տնտեսագիտության և կառավարման ֆակուլտետի դեկան

Վերադարձ լուրերի բաժին

14:27 , 21 Հուլիս 2017

Ինչպես արդեն տեղեկացրել ենք, ՀՀ Ազգային վիճակագրական ծառայությունը երեկ հրապարակել է 2017 թվականի առաջին կիսամյակի նախնական մակրոտնտեսական ցուցանիշները, որոնց համաձայն՝ հունվար-հունիսին ունենք 6.1% տնտեսական աճ։

Երևանի պետական համալսարանի տնտեսագիտության և կառավարման ֆակուլտետի դեկան, տնտեսագիտության դոկտոր, պրոֆեսոր Հայկ Սարգսյանը B4B.am-ի հետ զրույցում նշում է, որ ընթացիկ տարին կեզրափակենք տնտեսական աճի շատ ավելի բարձր ցուցանիշով, քան ի սկզբանե կանխատեսվում էր։ «Մի քանի գործոններ կան, որոնք իսկապես լավատեսություն են ներշնչում։ Կիսամյակի կտրվածքով ունենք 6%-ից բարձր տնտեսական ակտիվության ցուցանիշ, և կարծում եմ՝ տարին կեզրափակենք շատ ավելի լավ, քան ի սկզբանե կանխատեսվում էր։ 3.2%-ի փոխարեն տնտեսական աճը այս տարի կլինի 4%-ի շրջակայքում»,- ասում է Հայկ Սարգսյանը։

Տնտեսագիտության դոկտորը նշում է, որ տնտեսական աճի աղբյուրը ներդրումներն են լինելու և կարծում է, որ դրանք հայտարարված չափով կլինեն՝ 830-840 միլիոն դոլար այս տարվա համար և 3.4 միլիարդ՝ առաջիկա 5 տարիների ընթացքում։

Հայկ Սարգսյանն ասում է, որ բարձր աճի նախադրյալները կային, և դրանց թվում առանձնացնում է առաջին հերթին վստահության մթնոլորտը. «Ես կուզենայի, որ այն թափ առներ և շարունակական լիներ»։

Խոսելով կառավարության ծրագրի մասին՝ տնտեսագետը համոզված է, որ մեխանիզմների, ձեռնարկումների առումով կառավարության ծրագիրն իսկապես ընձեռում է բարձր աճի հնարավորություններ։ Նա առանձնացնում է, օրինակ, ծրագրում տեղ գտած ներդրումային հիմադրամի գաղափարը և ընդգծում, որ դա չպետք է միայն հռչակվի, այլ պետք է դառնա ռեալ գործընթաց: «Որովհետև ներդրումային հիմնադրամը հնարավորություն է տալիս բացարձակապես այլ մեխանիզմներով միջոցներ ակումուլացնել ոչ միայն երկրի ներսում, այլև արտերկրից` նաև շատ փոքր նաև գումարներով, հստակ ծրագրերի տակ: Դա կարող է լուրջ շարժիչ ուժ հանդիսանալ, մանավանդ եթե նկատի ունենանք, որ հիմնադրամը գործում է բանկային համակարգից տարբերվող մեխանիզմներով, ինչը ավելի շահեկան է»։

Հայկ Սարգսյանի հետ ամբողջական հարցազրույցը՝ շուտով։

ԱՄԵՆԱԿԱՐԴԱՑՎԱԾ ԼՈՒՐԵՐ

Տնտեսական ակտիվության աճի տեմպը թուլացել է

2017 թվականի հունվար-օգոստոսին՝ 2016 թվականի նույն ժամանակահատվածի համեմատ, Հայաստանի Հանրապետության տնտեսական ակտիվությունն աճել է 5.5%-ով։

Կհաջողվի՞ արդյոք Կարեն Կարապետյանի կառավարությանը՝ մեծացնել հետաքրքրությունը լիզինգի նկատմամբ

Ֆինանսական վարձակալության՝ լիզինգի ծավալները վերջին 1.5 տարվա ընթացքում նվազել են

Բանկային ոլորտի կապիտալիզացիան հուլիսին նվազել է (գծապատկերներ)

Հայաստանում գործող 17 բանկերի հաշվեկշռային ընդհանուր կապիտալը 2017 թվականի հուլիսի վերջի դրությամբ կազմել է 653.7 մլրդ դրամ։