Մուտք

Invalid username or password

Մոռացե՞լ եք գաղտնաբառը

Տիգրան Խուդավերդյանը կգլխավորի Яндекс-ի և Uber-ի միացյալ ընկերությունը

Վերադարձ լուրերի բաժին

18:02 , 14 Հուլիս 2017

Яндекс-ը և Uber-ը որոշում են կայացրել միավորել Ռուսաստանում և ԱՊՀ երկրներում (Ադրբեջան, Հայաստան, Բելառուս, Ղազախստան) օնլայն փոխադրումների բիզնեսները, հայտարարել է «Яндекс Տաքսիի» գլխավոր տնօրեն Տիգրան Խուդավերդյանը ընկերության պաշտոնական էջում:

Բացի այդ՝ նոր ընկերությանը կփոխանցվի նաև սննդի առաքման UberEATS ծառայությունը վերոնշյալ երկրներում: Գործարքի արդյունքում Яндекс-ը առաջին անգամ հնարավորություն կստանա դուրս գալ սննդի առաքման շուկա:

Ընկերության համատեղ հայտարարության մեջ ասվում է, որ «Яндекс Տաքսին» և Uber-ը ստորագրել են բիզնեսների միավորման համաձայնագիր:
Միավորման արդյունքում կստեղծվի նոր ընկերություն, որը կգլխավորի Խուդավերդյանը:

Տիգրան Խուդավերդյանի խոսքով՝ իրենք Uber-ի հետ պայմանավորվել են ռոումինգային համաձայնագրի վերաբերյալ բոլոր այն երկրներում, որտեղ գործում է ընկերությունը:
«Օրինակ՝ Լոնդոն կամ Բանգկոկ թռչելիս կարող եք «Яндекс Տաքսիի» հավելվածից պատվիրել Uber, իսկ Փարիզի զբոսաշրջիկները՝ պատվիրել «Яндекс Տաքսի» Uber-ի հավելվածից»,- ասում է Խուդավերդյանը:

Uber-ի ներդրումները նոր ընկերությունում կկազմեն 225 միլիոն դոլար, «Яндекс»-ինը՝ 100 միլիոն դոլար: Նոր ընկերության շուկայական արժեքը գնահատվում է 3.725 մլրդ դոլար:
Яндекс-ին կպատկանի ընկերության բաժնետոմսերի 59.3%-ը, իսկ Uber-ին՝ 36.6%-ը: Բաժնետոմսերի մնացած մասը՝ 4.1%-ը, կպատկանի ընկերության աշխատակիցներին:
Ինչպես բացատրել են Яндекс-ում, միավորումից հետո ծառայության օգտատերերի համար ոչինչ չի փոխվի՝ ուղևորությունների պատվերների համար նախկինի պես հասանելի կլինեն երկու հավելվածներն էլ: Վարորդները կմիավորվեն միասնական հարթակում, ինչը նրանց թույլ կտա մեկ հավելվածով պատվերներ ստանալ ինչպես «Яндекс Տաքսիից», այնպես էլ Uber-ից:

Ենթադրվում է, որ նման միավորումը կավելացնի հասանելի ավտոմեքենաների թիվը, կկրճատի սպասելաժամանակը:
Ինչպես սպասվում է, գործարքը կփակվի 2017թ. IV եռամսյակում: Գործարքը հավանություն է ստացել Uber-ի և Яндекс-ի տնօրենների խորհրդի կողմից:

ԱՄԵՆԱԿԱՐԴԱՑՎԱԾ ԼՈՒՐԵՐ

100-ի կանոնը` մարքեթոլոգների համար. ինչ սկզբունքով են գովազդում զեղչերը

Եթե 25 դոլարանոց շապիկ ենք վաճառում, ապա ավելի լավ է գրել 20 % զեղչ, թե՞ 5 դոլար զեղչ։ Ո՞րն ավելի մեծ ազդեցություն ունի

Որքան արտարժույթ են գնել և վաճառել հայաստանյան բանկերը այս շաբաթ

Փետրվարի 19-23-ն ընկած ժամանակահատվածում իրականացված գործարքներն են.

Հայաստան-ԵԱՏՄ առևտուրը 2017 թվականին. Ի՞նչ, ինչքա՞ն և ո՞ր երկրներ

Եվրասիական տնտեսական հանձնաժողովի պաշտոնական կայքում հրապարակվել են 2017 թվականի հունվար-դեկտեմբեր ժամանակահատվածի արտաքին առևտրի տվյալները։