Մուտք

Invalid username or password

Մոռացե՞լ եք գաղտնաբառը

Տիգրան Խաչատրյանը վաղ է համարել կորոնավիրուսի տնտեսական ազդեցությանը գնահատականներ տալը

Վերադարձ լուրերի բաժին

19:23 , 12 Մարտ 2020

ՀՀ էկոնոմիկայի նախարար Տիգրան Խաչատրյանը դեռ վաղ է համարում կորոնավիրուսի պատճառով տնտեսության վրա ազդեցության վերաբերյալ գնահատականներ տալը: Այդ մասին Խաչատրյանն ասել է ճեպազրույցի ժամանակ: «Կորոնավիրուսն ազդում է ոչ միայն ռուբլու անկման, նավթի գների, այլև զբոսաշրջության վրա, վստահաբար այդ երևույթն անհետևանք չի լինի: Դեռևս վաղ է գնահատականներ տալ այդ առումով: Կարծում եմ, որոշ ժամանակ անց, երբ լուծված կլինի կարևորագույն խնդիրը և մենք կանխարգելած կլինենք այդ վիրուսի տարածումը և կառավարելու մեխանիզմների հաշվին հասած կլինենք այն հավասարակշռությանը, որը թույլ կտա վստահ լինել, որ վտանգն անցավ, հենց այդ ժամանակ կհաշվարկենք, թե տնտեսության վրա ինչպիսի ազդեցություն է թողել և ինչ քայլեր է պետք ձեռնարկել իրավիճակը մեղմելու համար»,- նշել է ՀՀ էկոնոմիկայի նախարարը:

Նոր կորոնավիրուսի բռնկումը գրանցվել է 2019 թվականի դեկտեմբերի վերջին Կենտրոնական Չինաստանի ամենախտաբնակ քաղաքում՝ 12-միլիոնանոց Ուհանում: Առողջապահության համաշխարհային կազմակերպությունն այն բնութագրել է որպես համաճարակ՝ բազմաթիվ օջախներով: Աշխարհում կորոնավիրուսով վարակման դեպքերի թիվը հատել է 120 հազարի սահմանը: Վիրուսից մահացել է ավելի քան 4 հազար մարդ: Հայաստանում կորոնավիրուսի առաջին դեպքը հաստատվել է մարտի 1-ին, ևս 3 անձ հայտնաբերվել է մարտի 11-ին: Ընդհանուր առմամբ՝ Հայաստանում կորոնավիրուսով վարակվածների հետ շփում ունեցած 88 քաղաքացի մեկուսացված է:

Արմենպրես

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկի և Ucom ընկերության համագործակցությունը

Ucom ընկերության հետ համագործակցության շրջանակներում բոլոր ցանկացողները կարող են ձևակերպել ապառիկ վարկեր Ucom-ի 78 վաճառքի և սպասարկման կենտրոններում և ձեռք բերել ապրանքներ առանց Բանկ այցելելու:

1000 խոշոր հարկ վճարողների կողմից 2021 թ. առաջին եռամսյակում պետբյուջե է վճարվել ավելի քան 260 մլրդ 170 մլն դրամ

Պետական եկամուտների կոմիտեի կայքում հրապարակվել է 2021 թ. հունվար-մարտ ամիսներին 1000 խոշոր հարկ վճարողների կողմից պետական բյուջե վճարված գումարների վերաբերյալ ցանկը:

Թուրքիայից վերջնական սպառման ապրանքների ներմուծման արգելքի ժամկետը երկարաձգվելու է. փոխվարչապետ

Փոխվարչապետը նշեց, որ հումքի և կոմպոնենտների ներմուծման վրա սահմանափակումը չի տարածվում, որպեսզի արտադրողների մոտ խնդիրներ չառաջանան: