Մուտք

Invalid username or password

Մոռացե՞լ եք գաղտնաբառը

Տիգրան Խաչատրյանը հանդիպել է կոնյակագործների և գինեգործների հետ

Վերադարձ լուրերի բաժին

Հեղինակ

B4B.am

Խորագրեր

Լուրեր

17:55 , 22 Հուլիս 2019

ՀՀ էկոնոմիկայի նախարար Տիգրան Խաչատրյանը ոլորտային քննարկում է ունեցել Հայաստանի կոնյակագործության և գինեգործության ոլորտի ընկերությունների ներկայացուցիչների հետ: Այդ մասին տեղեկացրեց էկոնոմիկայի նախարարության մամուլի բաժինը:

Քննարկվել են շրջանառու միջոցներին առնչվող խնդիրները, ըստ ընկերությունների պահանջների պետական աջակցության ծրագրերի վերակառուցման հնարավորությունները: Հանդիպման ընթացքում անդրադարձ է եղել արտահանման խնդիրներին, հատկապես` ռուսական շուկայում արտահանման խթանման հնարավորություններին:

Ընկերություններն առաջարկներ են ներկայացրել արտաքին շուկաներում հայկական ոգելից խմիչքների առաջմղման միջոցառումների վերաբերյալ: Ոլորտի ներկայացուցիչներն մտահոգություններ են ներկայացրել այնպիսի խնդիրների առնչությամբ, ինչպիսիք են ֆակտորինգի ինստիտուտի կայացման անհրաժեշտությունը, արտարժույթի փոփոխությամբ պայմանավորված ռիսկերի նվազեցումը, շուկայում կեղծ արտադրանքի առկայությունը: Առաջարկվել է քննարկել նաև լոգիստիկ հարցերը, հարկային և մաքսային վարչարարության խնդիրները։

Որոշ կետերի առնչությամբ Տիգրան Խաչատրյանը հանձնարարականներ է տվել «Հայաստանի խաղողագործության և գինեգործության» հիմնադրամին: Նախարար Խաչատրյանը դիտարկել է որոշ երկրների շուկաներ թիրախավորելու նպատակահարմարությունը՝ հաշվի առնելով գործող առևտրային կարգավորումները և հետաքրքրությունը:

Պայմանավարվածություն է ձեռք բերվել, որպեսզի առաջարկներն ամբողջացվեն և գրավոր կփոխանցվեն նախարարությանը։

ԱՄԵՆԱԿԱՐԴԱՑՎԱԾ ԼՈՒՐԵՐ

4933 կազմակերպության գործունեության գործունեություն դադարեցվել է

Բոլոր ստուգվողներին տրամադրվել են խորհրդատվություն և խախտումների անհապաղ վերացման պարտադիր կատարման ցուցումներ։

04-08-20: Թանկարժեք մետաղների գներ եւ փոխարժեքներ. ԿԲ

Ոսկու գինը նվազել է 109.89 դրամով և կազմել 30581.45 դրամ:

Յունիբանկի դոլարային պարտատոմսերը ցուցակվել են Մոսկվայի բորսայում

Ֆիզիկական և իրավաբանական անձանց հետաքրքրությունն այս ներդրումայն գործիքի նկատմամբ պայմանավորված է նաև Յունիբանկի բարձր հեղինակությամբ: