Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: Հունվարի 1-ից գործելու է միկրոբիզնեսի հարկային համակարգը

Վերադարձ լուրերի բաժին

ՊԵԿ-ը տեղեկացնում է, որ 2020 թվականի հունվարի 1-ից Հայաստանում կգործի միկրոձեռնարկատիրության հարկման արտոնյալ համակարգը: Նոր համակարգը փոխարինելու է ընտանեկան ձեռնարկատիրության, ինքնազբաղված անձանց, և որոշ դեպքերում նաև՝ արտոնագրային հարկի համակարգերին: Միկրոբիզնեսով զբաղվող ֆիզիկական անձանց գործունեության տեսակների ցանկն առանց փոփոխության ներկայացված է Հարկային օրենսգրքում. նրանք են՝ կոշկակարները, ժամացույց վերանորոգողները, ուսուցման տարբեր ծրագրեր իրականացնողները և այլն: Ընդ որում, վերջիններս միկրոձեռնարկատիրության սուբյեկտ համարվելու վերաբերյալ հայտարարությունը պետք է ներկայացնեն մինչև գործունեություն սկսելը: Նորույթներ կան ընտանեկան ձեռնարկատիրությամբ զբաղվողների համար:

Փոփոխություններով, սակայն, ընտանիքի անդամին արդեն անհրաժեշտ է որպես աշխատակից ձևակերպել: 2020 թվականից այլևս չի լինի արտոնագրային հարկով հարկման համակարգը: Այստեղ գործող տնտեսվարողները կտեղափոխվեն պետական տուրքի, շրջանառության կամ ընդհանուր հարկման և միկրոձեռնարկատիրության դաշտ: Եկող տարվանից՝ վարսավիրական, ավտոտեխսպասարկման և գործունեության մյուս տեսակները կգործեն միկրոձեռնարկատիրության համակարգում: Հարկման արտոնյալ համակարգից չեն կարող օգտվել խորհրդատվական և ֆինանսական ծառայություններ մատուցողները:

Երևանում՝ առևտրի ոլորտում գործունեություն իրականացնողները, ինչպես նաև հանրային սննդի կազմակերպմամբ զբաղվողները ևս չեն կարող համարվել միկրոբիզնես, մինչդեռ մարզերում կարող են նրանք, ովքեր գործունեությունը չեն իրականացնում տոնավաճառներում կամ առևտրի կենտրոններում:

Ի դեպ, եթե տարվա ընթացքում ՀԴՄ մեքենայի տուգանքի 3 դեպք գրանցվի, ընկերությունը կամ անհատը կդադարի լինել միկրոբիզնես: Միկրոձեռնարկատերերն ազատվում են բոլոր պետական հարկերից, այնուամենայիվ հարկային որոշ պարտավորություններ ունեն: Մասնավորապես, ներմուծումների մասով: Միկրոբիզնեսը հարկային պարտավորություն ունի նաև վարձու աշխատողի մասով:

Միկրոձեռնարկատիրության համակարգում գործող անձինք պետք է տարեկան հաշվետվություն ներկայացնեն տարվա ավարտից հետո մինչև փետրվարի 1-ը, իսկ եթե ունեն վարձու աշխատող՝ ամսական եկամտային հարկի հաշվետվություն՝ մինչև հաջորդ ամսվա 20-ը:

ԱՄԵՆԱԿԱՐԴԱՑՎԱԾ ԼՈՒՐԵՐ

1000 խոշոր հարկ վճարողների կողմից 2021 թ. առաջին եռամսյակում պետբյուջե է վճարվել ավելի քան 260 մլրդ 170 մլն դրամ

Պետական եկամուտների կոմիտեի կայքում հրապարակվել է 2021 թ. հունվար-մարտ ամիսներին 1000 խոշոր հարկ վճարողների կողմից պետական բյուջե վճարված գումարների վերաբերյալ ցանկը:

Թուրքիայից վերջնական սպառման ապրանքների ներմուծման արգելքի ժամկետը երկարաձգվելու է. փոխվարչապետ

Փոխվարչապետը նշեց, որ հումքի և կոմպոնենտների ներմուծման վրա սահմանափակումը չի տարածվում, որպեսզի արտադրողների մոտ խնդիրներ չառաջանան:

Փոխվարչապետը ներկայացրեց հակաճգնաժամային 25 միջոցառումների արդյունքները

2020 թվականին Կառավարությունը հաստատել է կորոնավիրուսի սոցիալ-տնտեսական հետևանքների չեզոքացմանն ուղղված 25 միջոցառում: Այդ մասին ԱԺ-ում Կառավարության ծրագրի 2020 թվականի կատարողականի զեկույցի քննարկմանն ասաց ՀՀ փոխվարչապետ Մհեր Գրիգորյանը: