Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: «Լիդիան Արմենիան» ժամանակին հանրային քննարկումներ անցկացրել է

Վերադարձ լուրերի բաժին

16:15 , 25 Օգոստոս 2019

«Լիդիան Արմենա» ընկերությունը տարածել է 2015 և 2016 թթ. Ջերմուկ քաղաքում անցկացված հանրային քննարկումների տեսանյութը: Ընկերության ֆեյսբուքյան էջում տեղադրված հաղորդագրության մեջ նշված է.

«Արդեն երկար ժամանակ է տարբեր խմբերի կողմից շահարկվում է, թե իբր Լիդիանը Ջերմուկում ոչ մի հանրային քննարկում չի անցկացրել: Այս առիթով մեկընդմիշտ ցանկանում ենք փակել արհեստականորեն ստեղծված այս թեման և հիշեցնել: Որևէ համայնքի ազդակիր լինել-չլինելու հարցը օրենսդրության համաձայն որոշում է ոչ թե ընդերքօգտագործողը, այլ լիազորված պետական մարմինը՝ ՀՀ բնապահպանության (ներկայիս Շրջակա միջավայրի) նախարարությունը։ Ընկերությունը իր ՇՄԱԳ գործընթացներում առաջնորդվել է այս կամ այն համայնքն ազդակիր ճանաչել-չճանաչելու մասին լիազորված մարմնի դիրքորոշմամբ։

Միևնույն ժամանակ, անգամ այն դեպքերում, երբ Ջերմուկը լիազորված մարմնի կողմից ճանաչված չի եղել որպես ազդակիր համայնք, Ընկերությունը հանրային քննարկումներ է անցկացրել Ջերմուկում, հրավիրել է միջազգային մասնագետների և ներկայացրել Ծրագրի բնապահպանական կողմերը: Հանրային քննարկումների մասին հայտարարությունը եղել է հրապարակային, մասնակցելու առձեռն հրավեր է հանձնվել Ջերմուկի առնվազն 700 բնակչի: Քննարկումներին մասնակցել են բազմաթիվ ջերմուկցիներ, ավելին այսօր Ամուլսարի ծրագրի դեմ հանդես եկող որոշ ակտիվիստներ մասնակցել են նաև Երևանում կայացած հանրային քննարկումներին: Ապացույցը՝ տեսանյութում:

Բացի այդ Ընկերության կողմից իրականացված վերջին ՇՄԱԳ-ի դեպքում Ջերմուկն արդեն լիազորված մարմնի կողմից ճանաչված էր որպես ազդակիր համայնք, սակայն ՀՀ օրենսդրությունը չի պահանջում հանրային լսումներ անցկացնել բոլոր ազդակիր համայնքներում, եթե դրանց թիվը մեկից ավելի է։ Մասնավորապես, ՀՀ կառավարության 19.11.2014թ․ թիվ 1325-Ն որոշմամբ հաստատված կարգի 5-րդ կետի համաձայն ազդակիր համայնքների թիվը մեկից ավելի լինելու դեպքում հանրային ծանուցման և քննարկումների կազմակերպումը` ձեռնարկողի հետ համատեղ, ապահովում է այն համայնքի ղեկավարը, որի վարչական սահմաններում նախատեսվում է գործունեությունը` ապահովելով բոլոր ազդակիր համայնքների ներկայացուցիչների մասնակցությունը, ինչն էլ արվել է Ընկերության կողմից»։

ԱՄԵՆԱԿԱՐԴԱՑՎԱԾ ԼՈՒՐԵՐ

Ucom ընկերությունը հերքում է իր աշխատակիցներին քաղաքական որևէ ուժին սատարել ստիպելու մասին լուրերը

Ընկերություն ընդունվելիս աշխատակցի առջև դրվող միակ պայմանը արհեստավարժությունն է և Ընկերության արժեքներին հավատարիմ լինելը։

UCOM-ն առաջարկում է ձեռք բերել Alcatel 1S սմարթֆոնն ու նվեր ստանալ TWS Hiper Oki ականջակալներ

Ucom ընկերությունն առաջարկում է ձեռք բերել 2021թվականի արտադրության Alcatel 1S սմարթֆոնն ամսական ընդամենը 2000 դրամով և ստանալ նվեր` TWS Hiper Oki վարդագույն և կապույտ անլար ականջակալներից մեկը:

ՎՏԲ-Հայաստան Բանկը մեկնարկում է վարկավորման ծրագիր՝ ՀՀ կառավարության  19-րդ միջոցառման շրջանակներում

ՎՏԲ-Հայաստան Բանկը՝ ՀՀ էկոնոմիկայի նախարարության և «Ներդրումների աջակցման կենտրոն» հիմնադրամի հետ համատեղ COVID19-ի տնտեսական հետևանքների չեզոքացման ՀՀ կառավարության 19-րդ միջոցառման շրջանակներում, հայտարարում է փոքր բիզնեսի վարկավորման և այս սեգմենտի հաճախորդների բիզնես-ծրագրերին օժանդակություն ցուցաբերելու մասին: