Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: Իլոն Մասկը 750 միլիոն դոլար է կորցրել դագաղանման ամենագնացի պատճառով

Վերադարձ լուրերի բաժին

23:07 , 24 Նոյեմբեր 2019

Նոյեմբերի 21-ին Տեսլա ընկերության ղեկավար Իլոն Մասկը ներկայացրեց նոր մեքենան՝ Cybertruck կոչվող ֆուտուրիստական ամենագնաց-փիկափը: Սակայն ներկայացումից հետո Տեսլայի արժեթղթերի բորսայում արժեզրկվեցին, ինչը Մասկի կարողությունը պակասեցրեց 750 միլիոն դոլարով: Արժեզրկման պատճառը, մասնագետների գնահատմամբ, ոչ միայն ամենագնացի շոկային տեսքն էր: «Ձեզ անհրաժեշտ է հուսալի ամենագնաց, այլ ոչ թե ինչ-որ կեղծ ապրանք: Ձեզ անհրաժեշտ է բեռնատար, որը չի վնասվի մուրճի հարվածներից, որի վրա երբևէ փոսեր և քերծվածքներ չեն լինի»,- վստահեցրել է Մասկը և անցել ասածն ապացուցելուն:

Երբ Տեսլայի դիզայները մուրճով հարվածել է մեքենայի դռանը, այն դույզն ինչ չի տուժել: Սակայն երբ Մասկը նրան խնդրել է մետաղական գունդ նետել մեքենայի ապակու վրա, տեղի ունեցել անսպասելին՝ ապակին կոտրվել է: Երկրորդ գունդը նետել են ավելի թույլ, սակայն դրանից էլ ապակին ճաքել է: «Անհասկանալի պատճառով ապակին կոտրվեց, և ես չգիտեմ՝ ինչու: Ավելի ուշ մեն դա կուղղենք»,- ներկայացման ժամանակ բեմից ասել է Մասկը:

Ցուցադրությունը խարխլել է ներդրողների վստահությունը,մանավանդ՝ հաշվի առնելով նրա արմատական դիզայնը: Նոյեմբերի 22-ին ֆոնդային բորսաների գործարքների ավարտից հետո Տեսլայի արժեթղթերն արժեզրկվել են 6%-ով: Դրա պատճառով Մասկի կարողությունը կրճատվել է 768 միլիոն դոլարով և հասել 23,6 միլիարդ դոլարի: Իլոն Մասկը Ֆորբսի՝ իրական ժամանակում թարմացվող ամենահարուստ մարդկանց ցուցակում զբաղեցնում է 41-րդ տեղը:

Ուոլ սթրիթի 35 վերլուծաբաններից 16-ը Bloomberg-ի հետ զրույցում Տեսլայի արժեթղթերին տվել են «վաճառել» վարկանիշը, 12-ի կարծիքով՝ այն «գնել» վարկանիշն ունի, իսկ ևս 9- վերլուծաբանի կարծիքով Տեսլայի արժեթղթերն ունեն «պահել» վարկանիշը: Մասնագետների մի մասը պնդում է, որ դեռևս պետք չէ շտապել արժեթղթերը վաճառելու հարցում: Որոշ փորձագետներ էլ համոզված են, որ պետք է գնել նոր արժեթղթեր, քանի որ փիկապն ի վերջո կարողանա գրավել նոր գնորդների, իսկ ցուցադրության ժամանակ տեղի ունեցածը պարզապես տհաճ մանրուք էր:

ԱՄԵՆԱԿԱՐԴԱՑՎԱԾ ԼՈՒՐԵՐ

Գեյթսը` չիպավորման ու կորոնավիրուսի պատվաստանյութերի մասին

«Ես երբեք չեմ զբաղվել այնպիսի գործունեությամբ, ինչպիսին միկրոչիպերի արտադրությունն է։ Այդ հայտարարություններն անգամ հերքելն է բարդ, քանի որ դրանք միաժամանակ և՛ հիմարություն են, և՛ տարօրինակ»,- ասել է Բիլլ Գեյթսը։

Հայաստանում Կալաշնիկով են արտադրելու

Հայաստանում հուլիսի առաջին տասնօրյակում կբացվի «Կալաշնիկով» ինքնաձիգներ արտադրող գործարանը:

Հայաստանի ավիափոխադրողների վերաբերյալ որոշումը չի անդրադառնալու ոչ հայկական ավիաընկերություններին

Վարչապետին պարզաբանումներ են ներկայացվել քաղավիացիայի ոլորտում տեղի ունեցող գործընթացների վերաբերյալ: