Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: Գնաճը մոտակա ամիսներին կմնա ցածր մակարդակի վրա

Վերադարձ լուրերի բաժին

00:27 , 21 Մարտ 2020

ՀՀ կենտրոնական բանկը երկրում արտակարգ դրության պայմաններում գնաճի ավելացման ռիսկ չի տեսնում: «Արմենպրես»-ի փոխանցմամբ` այս մասին հայտնեց ՀՀ կենտրոնական բանկի խորհրդի անդամ Արթուր Ստեփանյանը` արտակարգ դրության պայմաններում գնաճի և մակրոտնտեսական կայունության թեմայով ասուլիսում:

«Մարտի 17-ին մենք նվազեցրեցինք վերաֆինանսավորման տոկոսադրույքը` այն դեպքում, երբ մեր տարածաշրջանում շատ երկրներ բարձրացրեցին այն կամ թողեցին անփոփոխ: Պարզ է, որ ստեղծված իրավիճակում դրամավարկային քաղաքականության դերը սահմանափակ է, քանի որ դրամավարկային քաղաքականւթյան գործիքակազմով հնարավոր չէ ազդել առողջապահական խնդիրներով պայմանավորված իրական տնտեսական զարգացումների և տնտեսության առանձին հատվածների զարգացումների վրա: Սակայն կարևոր է շարունակել պահպանել մակրոտնտեսական կայունությունը, ինչը կառավարությանը թույլ կտա ավելի արդյունավետ ապահովել թիրախավորված միջոցառումները տնտեսության տարբեր սեկտորների հետ կապված: Միաժամանակ, քանի որ մենք 2015-ից բավականին ցածր գնաճային միջավայր ունենք, և ներկայում նույնպես գնաճը բավականին ցածր է, մենք այս քայլով հնարավորություն ենք տալիս հավասարակշռել տնտեսական ակտիվության և մեր գների կայունության, տնտեսության զարգացման նպատակները: Գնաճային սպասումները բավական ժամանակ խարսխված են, և մենք այստեղ որոշակի ընդլայնողական քաղաքականություն իրականացրինք: Կարող եմ հաստատապես ասել, որ մոտակա ամիսներին գնաճը մնալու է ցածր մակարդակի վրա»,- ասաց Ստեփանյանը:

Նա նշեց` նայելով արտաքին աշխարհի զարգացումներին և նրան, թե կառավարությունն ինչ ջանասիրաբար է առաջին անհրաժեշտության ապրանքների մատակարարումներին և գներին վերաբերում, ապա, ըստ էության, կարելի է արձանագրել, որ որևէ ռիսկ չենք տեսնում գնաճի ավելացման հետ կապված: Ստեփանյանը նաև վստահեցրեց, որ ԿԲ-ն ամենօրյա ռեժիմով իրականացնում է տնտեսության և ֆինանսական շուկաների մշտադիտարկում, քննարկում է տարբեր այլընտրանքային սցենարներ տնտեսության հետագա զարգացման համար և պատրաստ է արձագանքել ցանկացած իրավիճակի: Միևնույն ժամանակ իրականացվող քաղաքականության արդյունավետության համար ԿԲ-ն մշտապես հաղորդակցվում է բանկերի, վարկային կազմակերպությունների և ֆինանսական շուկայի մյուս մասնակիցների հետ:

ԱՄԵՆԱԿԱՐԴԱՑՎԱԾ ԼՈՒՐԵՐ

«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար

2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա:

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:

Ucom-ը երկարացնում է անասահմանափակ ինտերնետի առաջարկը Level up 4700 և Level up 5500 բաժանորդների համար

Բաժանորդները կշարունակեն օգտվել անսահմանափակ ինտերնետից մինչև 2022 թվականի հունվարի 31-ը: