Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: Բյուջեն կգերակատարվի առնվազն 89 միլիարդ դրամով

Վերադարձ լուրերի բաժին

01:10 , 27 Դեկտեմբեր 2019

2019 թվականին պետական բյուջեի եկամուտները կգերակատարվեն առնվազն 89 մլրդ դրամով, և կառավարությունը կարող է ձգտել մինչև 100 մլրդ դրամով գերակատարման: Այդ մասին կառավարության նիստում ասել է Վարչապետ Նիկոլ Փաշինյանը: «Բայց մենք որոշում ենք կայացրել 56 մլրդ դրամի նախկինում կուտակված ավելացված արժեքի հարկի պարտքերը վերադարձնել: Դրանք հուսահատ պարտքեր են, որոնք կուտակվել են տարիների ընթացքում: Այսինքն՝ բյուջեի կատարման զուտ փաստաթղթային առումով արտահայտվելու է հավաքագրված թվից հանած այն թիվը, որ վերադարձրել ենք տնտեսավարողներին: Սա նշանակում է, որ մենք այդ գումարը հավաքել ենք ու փոխանցել: Փաստացին այն է, որ 90 մլրդ դրամից ավելի լրացուցիչ հարկային հավաքագրումներ կունենանք»,- ասել է վարչապետը:

Պետական եկամուտների կոմիտեի նախագահ Դավիթ Անանյանը նշել է, որ այդ 89 մլրդ դրամն արդեն հասել է 101 մլրդ դրամի: Նա նաև ավելացրել է, որ այս տարի ավտոմեքենաների աննախադեպ ներհոսքի արդյունքում հարկային եկամուտների աճը 55 մլրդ դրամի շրջանակներում է: «Մի շատ կարևոր բան էլ եմ ուզում ասել. եթե նախորդ տարի տնտեսավարողներին վերադարձրել ենք 97 մլրդ ավելացված արժեքի հարկ, ապա այս տարի այսօրվա դրությամբ այդ ցուցանիշը արդեն 153 մլրդ դրամ է: Այսինքն՝ մենք ավտոմեքենաների հոսքից ունեցել ենք 55 մլրդ դրամ, որը հաջորդ տարի, ամենայն հավանականությամբ, չենք ունենա, միաժամանակ ետ ենք վերադարձրել 65 մլրդ դրամ»,- ասել է Անանյանը: Նա նաև տեղեկացրել է, որ հունվարի 1-ի դրությամբ գերավճարների հանրագումարային մեծությունը կազմել է 275 մլն դրամ: Դեկտեմբերի 25-ի դրությամբ այն կազմում է 82 մլրդ դրամ:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանն ապահովել է ֆինանսական համակարգի հուսալիությունն ու կայունությունը

Նոր թողարկման Եվրապարտատոմսերի արժեկտրոնի եկամտաբերությունն ընդամենը 3.95 տոկոս է՝ հետգնված պարտատոմսերի 6 տոկոսի փոխարեն, ինչը նշանակում է, որ Հայաստանի համար էականորեն նվազել են պարտատոմսերի սպասարկման ծախսերը:

Օտարերկրյա ներդրումների ներհոսքը մեկ տարվա ընթացքում ավելացել է 27,6 տոկոսով

Հայաստանում 2019 թվականի հունվար-սեպտեմբերին օտարերկրյա ներդրումների ներհոսքը կազմել է 2 մլրդ 174 մլն դոլար, ինչը 2018-ի նույն ժամանակահատվածի համեմատ ավելի է 465 մլն դոլարով կամ 27.6 տոկոսով:

Ռիսկերից կապահովագրվի ավելի քան 30 հազար հա գյուղատնտեսական հողատարածք

Դրանով գյուղացու ֆինանսական ծախսի առնվազն 50%-ը կհոգա պետությունը, իսկ ցրտահարության ռիսկի ապահովագրավճարն էլ կփոխհատուցվի 60%-ով։