Մուտք

Invalid username or password

Մոռացե՞լ եք գաղտնաբառը

ՏԵՍԱՆՅՈՒԹ: Արդարացի չէ ասել, թե ճգնաժամային պայմաններում գույքահարկ է ավելանում

Վերադարձ լուրերի բաժին

13:12 , 30 Հունիս 2020

ԱԺ տնտեսական հարցերի մշտական հանձնաժողովի նախագահ Բաբկեն Թունյանն այսօր անդրադարձել է Հարկային օրենսգրքի վերջին փոփոխություններին, որոնց արդյունքում նախատեսված է գույքահարկի աստիճանական բարձրացում: Խոսելով շրջանառվող տեսակետի մասին, թե ճգնաժամային պայմաններում իշխանությունը գույքահարկ է ավելացնում, Թունյանը նշել է. «Սա սխալ ընկալման արդյունք է, որոշ դեպքերում միտումնավոր մանիպուլյացիա է: Բուն նախագիծը, որ հանգեցրել է գույքահարկի ավելացման, կադաստրային արժեքների մոտարկման նախագիծն է, որ ընդունվել է անցած տարի: Հիմա այս նախագծով փորձում ենք մեղմել էդ նախագծի էֆեկտը»:

Ըստ Թունյանի՝ գործող համակարգը հարկման մի քանի շեմ ունի, բնակարանի դեպքում՝ առավելագույնը 40 մլն դրամ, որից հետո կիրառվում է առավելագույն 1 տոկոս գործակիցը: «Վերագնահատման արդյունքում գույքի զգալի մասն ընկնում է բարձր շեմից վերև, ըստ այդմ, հարկը բազմապատիկ անգամներով էր ավելանում: Բայց մենք էս պահին մեղմում ենք ազդեցությունը, սահուն ժամանակահատված ենք դնում՝ 6 տարվա, որ մարդիկ էդ բեռն աստիճանաբար չզգան: Վերջապես պետք է նկատի ունենանք, որ նոր կանոններով առաջին վճարումը քաղաքացիները կատարելու են 2021 թ. դեկտեմբերին, ընդ որում՝ նոր գույքահարկի 25 տոկոսի չափով: Այսինքն՝ խոսել ճգնաժամային պայմաններում գույքահարկի ավելացման մասին, այնքան էլ արդարացի չէ»,- շեշտել է Թունյանը:

Ըստ նրա՝ երկրորդ կարևոր հանգամանքն այն է, որ գումարները գնալու են համայնքային բյուջեն: «Եթե մենք ցանկանում ենք ունենալ ֆինանսապես անկախ, գոնե սեփական որոշակի միջոցներ ունեցող համայնքներ, պետք է ընդունել, որ դրանց պետք են որոշակի եկամուտներ: Այդ գումարները չեն ծախսվում պատգամավորների կամ նախարարների անձնական նպատակներով: Դրանք ծախսելու է համայնքի ավագանին՝ իր սեփական միջոցներով: Այլ հարց, որ համայնքների եկամուտների ավելացմանը զուգահեռ բոլորս պետք է ավելի պահանջատեր լինենք, հաշվետվողականության ավելի խիստ պայմաններ դնենք համայնքային ավագանիների առաջ: Մի բան է գումարները հավաքագրելը, մի բան է ծախսելը»,- ասել է նա:

1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Բագրատաշենի անցակետում դեկտեմբերի 1-ից վերականգնվել են ամեն տեսակի բեռնատար տրանսպորտային միջոցների անխափան մուտքը և ելքը

Դեկտեմբերի 1-ից վերականգնվել է նաև Գոգավանի մաքսակետի բնականոն աշխատանքը: Այն ժամանակավորապես դադարեցվել էր՝ վրացական հատվածում ճանապարհների վերանորոգման նպատակով։

04.12.2020: Շաբաթական ամփոփ տվյալներ կենտրոնական բանկից

Նոյեմբերի 23-29-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 79.3 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 31.5 մլն ԱՄՆ դոլար:

Տնտեսվարողների գործարքների փաստաթղթավորման մասին

Ընդհանրապես, 2020 թվականի նոյեմբեր ամսվա փաստաթղթավորման ցուցանիշները զիջում են միայն սեպտեմբեր ամսին` գերազանցելով մնացած բոլոր ամիսների ցուցանիշները: