Մուտք

Invalid username or password

Մոռացե՞լ եք գաղտնաբառը

Տարօրինակ վիճակագրություն. Ըստ UN Comtrade-ի՝ Հայաստանն ու Ադրբեջանը էլեկտրաէներգիայի առևտուր են անում 

Վերադարձ լուրերի բաժին

21:45 , 07 Հունիս 2017

Ըստ ՄԱԿ-ի՝ միջազգային առևտրին վերաբերող տվյալների բազաների կայքի (UN Comtrade Database), Հայաստանն ու Ադրբեջանը վերջին 2 տարիներին զգալի ծավալի էլեկտրաէներգիայի առևտուր են արել։

Այսպես, ըստ այս բազայի, 2015 թվականին Հայաստանից Ադրբեջան է արտահանվել 84.2 մլն կվտ/ժ էլեկտրաէներգիա՝ 3 մլն 243.9 հազար դոլար մաքսային արժեքով։ Նույն տարում Ադրբեջանից Հայաստան ներկրվել է 13.7 մլն կվտ/ժ էլեկտրաէներգիա՝ 478.5 հազար դոլար մաքսային արժեքով։

2016-ին էլեկտրաէներգիայի առևտուրը շարունակվել է։ Հայաստանից Ադրբեջան արտահանվել է 49.5 մլն կվտ/ժ էլեկտրաէներգիա՝ 2 մլն 263.8 հազար դոլար մաքսային արժեքով։ Ադրբեջանից ներկրվել է 47 մլն կվտ/ժ էլեկտրաէներգիա՝ 2 մլն 76 հազար դոլար մաքսային արժեքով։

Բազայում ֆիլտրումը կատարվել է ըստ Հայաստանի ներկայացրած տվյալների (reporter: Armenia): Ուշագրավն այն է, որ նույն բազայում Ադրբեջանը որպես հաշվետու նշելու դեպքում տեղեկատվություն չի արտացոլվում։

Նշենք նաև, որ թե՛ ՊԵԿ մաքսային ծառայության, թե՛ Եվրասիական տնտեսական հանձնաժողովի տվյալներով՝ Հայաստանի և Ադրբեջանի միջև 2016-ին առևտուր չի եղել։

Կարծում ենք, այս վիճակագրությունը տեխնիկական բացատրություն կարող է ունենալ՝ կապված էլեկտրաէներգիայի տարանցման սխեմաների հետ։ Ամեն դեպքում, հուսով ենք պատկան մարմինները կմեկնաբանեն UN Comtrade Database-ի այս տվյալները։

ԱՄԵՆԱԿԱՐԴԱՑՎԱԾ ԼՈՒՐԵՐ

ՀԱՅԲԻԶՆԵՍԲԱՆԿ. մրցունակ առաջարկներ «Արմենիա Էքսպո 2021»-ի շրջանակներում

Բանկը կարևորում և գնահատում է իր հաճախորդներին:

Հայտարարություն-հերքում Վիվա-ՄՏՍ-ից

Գնորդի համաձայնությամբ՝ վերջինիս նույնականացման դեպքում, Վիվա-ՄՏՍ-ը պատրաստ է ներկայացնել ողջ եղելությունը՝ փաստերով ու ժամկետներով:

Ucom-ում գործում է «Մատչելին՝ զեղչով» առաջարկը

Հավելենք, որ 36 ամսով ապառիկ ձևակերպելու դեպքում գնորդներն առաջին 12 ամսվա ընթացքում կօգտվեն 0% կանխավճարի, 0% սպասարկման վճարի և 0% տարեկան տոկոսադրույքի հնարավորությունից։