Մուտք

Invalid username or password

Մոռացե՞լ եք գաղտնաբառը

Տաջիկստանն արգելել է Արցախում արտադրված ապրանքների ներկրումը և վաճառքը

Վերադարձ լուրերի բաժին

Հեղինակ

B4B.am

Խորագրեր

Աշխարհ

16:25 , 14 Հուլիս 2017

Ադրբեջանը և Տաջիկստանը պայմանավորվել են արգելել Տաջիկստանի տարածքում Լեռնային Ղարաբաղում արտադրված ապրանքների ներկրումն ու վաճառքը: Այս մասին ասվում է արձանագրության մեջ, որը ստորագրվել է հուլիսի 13-ին Բաքվում՝ առևտրատնտեսական հարցերով ադրբեջանա-տաջիկական միջկառավարական հանձնաժողովի 4-րդ նիստում:

Բացի այդ՝ Բաքուն և Դուշանբեն նաև պայմանավորվել են արգելել տաջիկական ընկերություններին «Ադրբեջանի օկուպացված տարածքներում» որևէ տնտեսական գործունեություն ծավալել: Այս մասին տեղեկացնում է Interfax-ը՝ հղում անելով Ադրբեջանի էկոնոմիկայի նախարարության հաղորդագրությունը:

Փաստաթղթում նաև նշվում է ադրբեջանա-տաջիկական երկկողմ տնտեսական համագործակցությունը սերտացնելու անհրաժեշտությունը:

Այն ենթադրում է նաև երկու երկրների միջև առևտրա-իրավական բազայի ուժեղացում, առևտրի, ներդրումների, արդյունաբերության, տրանսպորտի, գյուղատնտեսության, կապի և բարձր տեխնոլոգիաների ոլորտներում համագործակցության զարգացում:

Ադրբեջանի էկոնոմիկայի նախարար Շահին Մուստաֆաևը նիստի ժամանակ հայտարարել է, որ երկու երկրները ստորագրել են 45 փաստաթուղթ, որը ընդգրկում է տարբեր ոլորտներում համագործակցությունը: Նրա խոսքով՝ վերջին տարիներին դիտվում է երկու երկրների միջև առևտրային հարաբերությունների ընդլայնում, և 2016թ. փոխադարձ առևտրաշրջանառությունը աճել է 91%ով:

Հիշեցնենք, որ 2017թ. փետրվարին նմանատիպ փաստաթուղթ, որն արգելում էր Արցախում արտադրված ապրանքների վաճառքը, ստորագրվել էր Ուկրաինայի և Ադրբեջանի միջև:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանը Եվրամիության հետ համաձայնագիրը կվավերացնի մինչև մայիս

Եվրանեսթում հունիսի 25-29-ը տեղի ունեցած լիագումար նիստից Հայաստանի պատվիրակությունը գոհ է վերադարձել։

ԱՄՆ պատրաստ է ուսումնասիրել Հայաստանը «Հազարամյակի մարտահրավերներ կորպորացիա»-ի ծրագրում ներառելու հարցը

Այդ մասին ի պատասխան ԱՄՆ Հայ դատի գրասենյակի նամակին՝ հայտարարել է ԱՄՆ պետքարտուղար Մայք Պոմպեոն, ով հանդիսանում է նշված կորպորացիայի խորհրդի ղեկավարը:

ԱՄՆ-ն վերագործարկում է GSP-ն Հայաստանի համար

GSP համակարգում ներառված ապրանքները կարող են մուտք գործել ԱՄՆ շուկա մաքսատուրքի իջեցված կամ զրոյացված դրույքաչափերով։