Մուտք

Invalid username or password

Մոռացե՞լ եք գաղտնաբառը

«Վրիպակ է եղել. ռուսական կողմի հետ որևէ խնդիր չկա». Ջրպետկոմի նախագահ

Վերադարձ լուրերի բաժին

16:52 , 14 Դեկտեմբեր 2017

Լուսանկարը՝ Արմենպրեսի

Ինչպես արդեն տեղեկացրել ենք, կառավարությունը որոշել է թույլատրել Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեին` դադարեցնել «Մեղրու ՃՇՇՁ» կնքված գնման պայմանագիրը։

Ըստ պայմանագրի՝ «Մեղրու ՃՇՇՁ» ընկերությունը պետք է վերացներ Սյունիքի մարզում Մ-2 Երևան-Գորիս-Մեղրի-Իրանի սահման միջպետական ավտոմայրուղու 379+200 կմ երկարությամբ հատվածում Արաքս գետի ափի շուրջ 40 մ երկարությամբ հատվածի վթարային վիճակը։

Սակայն այդ աշխատանքները հնարավոր չի եղել իրականացնել, և, ըստ պաշտոնական հիմնավորման, «Կոմիտեի կարիքների համար աշխատանքների կատարման անհնարինությունը պայմանավորված է ՌԴ-ի 2393 սահմանապահ զորամասի կողմից համաձայնություն չստանալու հետ»:

Ի՞նչ կապ ուներ ՌԴ 2393 զորամասը։ Կրկին, ըստ պաշտոնական հիմնավորման, «Քանի որ վերոնշյալ հատվածը Արաքս գետով սահմանակից է Իրանի Իսլամական Հանրապետությանը, և մեր ափամերձ տարածքները հսկվում են ՌԴ-ի 2393 սահմանապահ զորամասի կողմից, ուստի անհրաժեշտ էր ձեռք բերել համաձայնություն կողմերի միջև նշված հատվածում աշխատանքների կատարման և ավարտման համար: Սակայն աշխատանքային կարգով հանդիպումների ընթացքում հնարավոր չի եղել արդյունավետ համագործակցել և կողմերի միջև համաձայնություն ձեռք չի բերվել»։

Կառավարության այսօրվա նիստից հետո լրագրողները Ջրային տնտեսության պետական կոմիտեի նախագահ Արսեն Հարությունյանից մեկնաբանություններ են խնդրել այս հարցով։ Վերջինս ասել է, որ բանակցություններն իրանական կողմի հետ շարունակվում են, իսկ ռուս սահմանապահները որևէ կապ չունեն այս ամենի հետ:

Դիտարկմանը, որ որոշման նախագծում այլ բան էր նշված, Արսեն Հարությունյանը պատասխանել է, որ դա վրիպակ է եղել։ «Ռուսական կողմի հետ որևէ խնդիր չկա: Ափապաշտպան աշխատանքների արդյունքում գետի հունը փոխվում է, և իրանական կողմն ունի որոշակի առարկություններ, քանի որ գետը թեքվում է Հայաստանի կողմը: Իրանական կողմը հարց է բարձրացել և հիմա քննարկումներ են ընթանում, խոսքը 40 մետրի մասին է: Իրանական կողմի բանակցությունները դադարեցնում ենք, քանի որ շինարարը տույժ-տուգանքի տակ է ընկնում»,- ասել է նա:

Սկզբնաղբյուր հոդվածն՝ այստեղ

ԱՄԵՆԱԿԱՐԴԱՑՎԱԾ ԼՈՒՐԵՐ

2020 թ-ին նվազագույն կենսաթոշակը միջինում կավելանա ևս 10 տոկոսով

2019-ի հունվարի 1-ից 40%-ով բարձրացել է նվազագույն կենսաթոշակը՝ կազմելով 25500 դրամ։

Արտակ Քամալյանը Մոսկվայում մասնակցել է ԱՊՀ ագրոարդյունաբերական համալիրի հարցերով միջկառավարական խորհրդի նիստին

ՌԴ գյուղնախարարի տեղակալ Ջամբուլաթ Խատուովի խոսքով` գյուղատնտեսական արդիական օրակարգի համատեղ քննարկումը կնպաստի համագործակցության հետագա խորացմանը:

13.12.2019: Շաբաթական ամփոփ տվյալներ Կենտրոնական բանկից:

Դեկտեմբերի 2-8-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 73.5 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 42.9 մլն ԱՄՆ դոլար: