Մուտք

Invalid username or password

Մոռացե՞լ եք գաղտնաբառը

Վրացի գործարարները շահագրգռված են հայ գործընկերների հետ համագործակցել տարբեր ոլորտներում

Վերադարձ լուրերի բաժին

18:34 , 28 Հունիս 2019

Վրացի գործարարները շահագրգռված են Հայաստանում գործընկերներ գտնելու հարցում, պատրաստ են նաև Հայաստանում ներդրումներ կատարել: Այդ մասին Դիլիջանում հայ-վրացական գործարար համաժողովի շրջանակում լրագրողների հետ զրույցում ասաց Վրաստանի առևտրաարդյունաբերական պալատի նախագահ Նինո Չիկովանին:

«Բոլոր ոլորտներում համագործակցության հետաքրքրություն կա: Այդ հնարավորությունն այսօր պետք է մաքսիմալ օգտագործվի, քանի որ վրացի գործարարներն էլ շահագրգռված են համագործակցելու»,-ասաց Չիկովանին:

Նրա խոսքով՝ վրացի գործարարները համաժողովի շրջանակում եկել են Հայաստան՝ փնտրելու գործընկերներ՝ թե Հայաստանում, թե Վրաստանում բիզնես սկսելու համար: Նրանք պատրաստ են նաև ներդրումներ կատարել Հայաստանում:

Պալատի նախագահի խոսքով՝ հայերը և վրացիներն ավանդաբար համագործակցում են առևտրի և ներդրումների ուղղությամբ: Եվ իրենց աշխատանքներն ուղղված են նրան, որ առևտրաշրջանառության ծավալներն աճեն: Նա նկատեց, որ բժշկության և առևտրի ոլորտում արդյունքներ կան:

Չիկովանիի կարծիքով՝ համաժողովը մեծապես կօգնի ծանոթանալու միմյանց պոտենցիալին, ավելացնելու ներդրումները, զարգացնելու համագործակցությունը:

Երևանում հունիսի 27-ին անցկացվել է Հայաստան-Վրաստան միջկառավարական հանձնաժողովի նիստ՝ ՀՀ փոխվարչապետ Տիգրան Ավինյանը և Վրաստանի փոխվարչապետ Մայա Ցկիտիշվիլիի մասնակցությամբ, իսկ հունիսի 28-ին Դիլիջանը հյուրընկալել է երկու երկրների 200 գործարարների:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: