Մուտք

Invalid username or password

Մոռացե՞լ եք գաղտնաբառը

Վրացի գործարարը Հայաստանում McDonald’s բացելու լիցենզիա է ստացել

Վերադարձ լուրերի բաժին

15:54 , 06 Փետրվար 2017

2016 թվականի փետրվարին գրել էինք, որ վրացի գործարար Թեմուր Չկոնիան պատրաստվում է Հայաստանում McDonald’s ռեստորանների ցանց բացել։ «Sputnik Արմենիա»-ի հետ զրույցում Չկոնիան (ով նաև «Կոկա-Կոլա Բոթլերս Ջորջիա» ընկերության ղեկավարն է) նշել էր, որ  ապրիլին ԱՄՆ-ի Օռլանդո քաղաքում պետք է տեղի ունենար McDonald’s ընկերության ղեկավար կազմի և ներկայացուցիչների հանդիպում, որի ընթացքում քննարկման էր դրվելու այդ հարցը։

Ինչպես երևում է, հարցը դրական լուծում է ստացել։ վրացի գործարարը հայտնել է «Կոմերսանտին» հայտնել է, որ ստացել է Հայաստանում արագ սննդի McDonald’s ցանցի ռեստորաններ բացելու լիցենզիա։

Չկոնիայի խոսքով՝ McDonald’s Georgia-ն արդեն դիտարկվում է որպես ամերիկյան McDonald’s ցանցի գործընկեր, այդ իսկ պատճառով հնարավորություն ունի փոխադարձ պայմանագրի հիման վրա մուտք գործել երկիր, որտեղ ներկայացված չէ այդ ռեստորանային ցանցը։
Նրա խոսքով՝ McDonald’s Georgia-ի պատվիրակությունը փետրվարի 7-ին կայցելի Հայաստան, որի ընթացքում կորոշվի, թե որտեղ է կառուցվելու ռեստորանը և կլուծվեն տեղի հատկացման հետ կապված հարցեր։

«Միայն լիցենզիա ստանալը դեռ չի նշանակում, թե McDonald’s Georgia-ն արդեն կառուցված է, ներկայումս մեզ ավելի լուրջ աշխատանք է սպասվում։ Անհրաժեշտ է հարթել իրավական հարցեր»,- ասել է գործարարը։

Նրա խոսքով՝ 2017թ. պարտադիր կերպով Երևանում կսկսվի առաջին ռեստորանի շինարարությունը։ Սկզբնական փուլում նախատեսվում է Հայաստանում բացել 3-4 ռեստորան։
Չկոնիայի խոսքով՝ 1 օբյեկտի բացման համար անհրաժեշտ է 2.5-3 մլն եվրո։

Վրաստանում առաջին McDonald’s Georgia ռեստորանը բացվել է 1999թ.։ Ներկայումս ցանցը ներկայացված է Թբիլիսիում, Քութայիսում, Բաթումում, Զուգդիդիում։

ԱՄԵՆԱԿԱՐԴԱՑՎԱԾ ԼՈՒՐԵՐ

Փոքր վարկերի մեծ վտանգը և համակարգային լուծումների պահանջը. ICHD-ի համառոտագիրը

«Վարկ 10 րոպեում», «Վարկ միայն անձնագրով», «Անտոկոս շտապ վարկեր». այսօրինակ գովազդներով լեփ լեցուն են սոցիալական ցանցերն ու կայքերը:

QWERTY ստեղնաշարը ստեղծվել է անգլերեն տեքստը հնարավորինս դանդաղ տպելու համար

Պատճառն այն է, որ առաջին տպամեքենաներ ստեղծողները չէին ենթադրում, թե …

Բարձր վարձատրվող մասնագետը չպետք է ընկալվի որպես հանրության թշնամի․ Վարդան Արամյան (տեսանյութ). Sputnik Armenia

Ըստ Արամյանի` եթե արտագաղթի հետ մեկտեղ տեղի ունենա նաև ուղեղների արտահոսք, սա արդեն լուրջ խնդիր կդառնա երկրի համար։