Այն դեպքում, եթե Ռուսաստանը հեռացվի SWIFT կամ այլ սահմանափակումներ կիրառվեն, երկրի բանկային համակարգը կկարողանա աշխատել: Այս մասին հայտարարել է Ռուսաստանի Կենտրոնական բանկի նախագահ Էլվիրա Նաբիուլինան:

«Մենք մշակել ենք նաև մեր դրամական համակարգը, և եթե ինչ-որ բան տեղի ունենա, երկրի ներսում SWIFT ձևաչափով բոլոր օպերացիաները կգործեն, մենք նման անալոգ ենք ստեղծել»,- հայտարարել է նա:

Ինչպես հայտարարել են ՌԴ ԿԲ-ից, Ռուսաստանի դեմ պատժամիջոցները ի հայտ են բերել բանկային ենթակառուցվածքների թույլ կողմերը:

«Ներկայումս բանկոմատների և վճարային տերմինալների արդեն ավելի քան 90 տոկոսը պատրաստ է ընդունել մեր սեփական “Мир” քարտերը»,- ասել է Նաբիուլինան:

Առաջին անգամ Ռուսաստանին SWIF համակարգից հեռացնելու մասին առաջարկը հնչել է Եվրախորհրդարանի 2014թ. սեպտեմբերի 18-ի բանաձևում:

ԵՄ-ում երկիրը SWIF վճարային համակարգից հեռացնելու մասին հայտարարություններ արվել են նաև 2015թ.: