Մուտք

Invalid username or password

Մոռացե՞լ եք գաղտնաբառը

Վիվա-ՄՏՍ-ը ներդրել է «Lucky Carrot» հարթակը

Վերադարձ լուրերի բաժին

18:16 , 19 Մայիս 2020

Հայտնի փաստ է, որ կազմակերպությունները, որոնք ունեն ներգրավված և արդյունավետ թիմ, կարողանում են ապահովել ավելի բարձր արտադրողականություն և նորարարություն: Կազմակերպական վարքագծի և աշխատուժի վերջին փոփոխություններով պայմանավորված` ընկերությունները կկարողանան լուծել նոր մարտահրավերներ` արդյունավետորեն աշխատող թիմերի օգնությամբ: Աշխատակիցների թիմային ոգին ու համագործակցությունը արդյունք են տալիս, երբ ապահովված է լինում յուրաքանչյուր աշխատակցի ներգրավվածությունը:

Վիվա-ՄՏՍ-ը փոխգործակցության հուշագիր է կնքել «Lucky Carrot» հայկական ստարտափի հետ՝ ներդնելու տեղեկատվական-վերլուծական հարթակ: Այս հարթակը կոչված է մոտիվացնելու և ներգրավելու անձնակազմը՝ թույլ տալով անհատներին գնահատել և գովել գործընկերների աշխատանքը և արժեքները: Ստեղծված արտակարգ դրության պայմաններում՝ Վիվա-ՄՏՍ-ը ձեռնարկում է բոլոր միջոցները` ապահովելու համար, որ աշխատանքի որակը և համապատասխան արժեքները պահպանվեն բարձր չափանիշներով, և որ աշխատակիցները շարունակաբար գնահատված լինեն:

Ի՞նչ է մարդկային ռեսուրսների կառավարման մեջ կիրառվող ներգրավվածությունը՝ որպես հասկացություն: Այն ենթադրում է կազմակերպության արժեքներին հավատարմություն, գիտելիք ու հմտությունները կիսելը, կազմակերպության առջև դրված նպատակներին ծառայեցնելը, պատասխանատվությունը թե՛ հաջողության, և թե՛ ձախողման համար, փոխադարձ հարգանքն ու գործընկերոջը ձեռք մեկնելը՝ թիմային առաջադրանքը բարեհաջող ավարտին հասցնելու համար:

«Առհասարակ, Վիվա-ՄՏՍ ասելով՝ մենք առաջին հերթին հասկանում ենք ընկերության ամենամեծ հարստությունը՝ մեր աշխատակիցներին: Նրանց շնորհիվ մեր ընկերությունում պահպանվում են աշխատանքային էթիկայի կանոնները, գործում են արժեքներ և կա հարգանք՝ ոչ միայն մեր հաճախորդների և շահագրգիռ կողմերի, այլև մեր համայնքի և շրջակա միջավայրի նկատմամբ: Մեզ համար աշխատակիցն առաջընթացի շարժիչ ուժն է: «Lucky Carrot» հարթակը հնարավորություն կընձեռի աշխատակիցներին արտահայտել իրենց գնահատանքը գործընկերներին, օգնել բարելավել մեր արտադրողականությունը և պարբերաբար ստանալ վերլուծական հաշվետվություններ, որոնք կօգնեն մեզ գտնել բարելավման նոր գործիքներ: Մենք հպարտ ենք, որ համագործակցում ենք «Lucky Carrot»-ի հետ, որն ապացուցել է, որը լուսավոր ու տաղանդավոր հայ երիտասարդների կողմից ստեղծված՝ նորաձև, թարմ, ժամանակակից և օգտակար ստարտափ է Հայաստանում», – ասել է Վիվա-ՄՏՍ-ի գլխավոր տնօրեն Ռալֆ Յիրիկյանը:

««Lucky Carrot»-ի առաջարկին ծանոթանալուն պես՝ Վիվա-ՄՏՍ-ը մեծ հետաքրքրություն ցուցաբերեց: Ընկերության արագ ու պրոֆեսիոնալ արձագանքին հետևեցին հանդիպումներ և բանակցություններ. ամիսների աշխատանքի արդյունքում այսօր մենք ստորագրում ենք փոխըմբռնման հուշագիր»,- նշել է «Lucky Carrot»-ի համահիմնադիր և տնօրեն Մարիամ Գյուլումյանը։

«Lucky Carrot» համակարգը թույլ է տալիս աշխատակիցներին շնորհակալություն հայտնել միմյանց՝ առցանց ուղարկելով խրախուսական միավորներ՝ «գազար» ստիկերներ՝ նշելով կազմակերպության հիմնական արժեքները, որոնք առնչվում են տվյալ աշխատակցի կողմից կատարված աշխատանքին:

«Վիվա-ՄՏՍ-ը գնահատում է այն օգուտները, որ «Lucky Carrot» համակարգն ընձեռում է, և այդ կերպ աջակցում է մեզ խթանել «Lucky Carrot»-ի առաջխաղացումը տեղական շուկայում: Մեր թիմի համար սա նաև ահռելի փորձ ձեռք բերելու հնարավորություն է։ Այս նախաձեռնությունը մեզ միանշանակ կօգնի պատրաստ լինել աշխատելու մեծ ընկերությունների հետ և արագ աճ գրանցելու միջազգային շուկայում՝ հատկապես ԱՄԷ-ում և Մերձբալթյան երկրներում, ինչպես և պլանավորել ենք»,- նշել է Մարիամ Գյուլումյանը։

ԱՄԵՆԱԿԱՐԴԱՑՎԱԾ ԼՈՒՐԵՐ

Ընթացիկ տարում Գողթանիկ գյուղն ամբողջությամբ կլուսավորվի

Երկրի տարբեր համայնքներում ենթակառուցվածքներ զարգացնող գործընկերները համոզված են, որ երկարաժամկետ արդյունավետություն ապահովող ծրագիրը կնպաստի նաև գյուղական կյանքի ակտիվացմանը:

ՎՏԲ-Հայաստան Բանկը մասնակցել է Հայկական գործարար համաժողով 2021-ին

Ֆորումը կդառնա տարբեր մակարդակներով գործարար համագործակցության ամենամեծ հարթակն, ինչը կնպաստի Հայաստանում տնտեսական ներուժի աճին և ներդրումային հնարավորությունների զարգացմանը, երկրում նորարար ձեռներեցության ոգու ամրապնդմանը:

Ինտելեկտուալ խաղերի միջազգային փառատոնում հայաստանյան թիմերը արժանացան արծաթե և բրոնզե մեդալների

Եռօրյա փառատոնն անցավ տոնական մթնոլորտում, հայկական հյուրասիրության լավագույն ավանդույթների համաձայն: