Մուտք

Invalid username or password

Մոռացե՞լ եք գաղտնաբառը

Վիճակագրական կոմիտեն պարզաբանել է շինարարության և շինանյութի արտադրության ցուցանիշները

Վերադարձ լուրերի բաժին

23:56 , 22 Հոկտեմբեր 2019

Չնայած որ, ՀՀ վիճակագրական կոմիտեն սույն թվականի հուլիսի 15-ին պարզաբանում էր ներկայացրել շինարարության և շինանյութի արտադրության ցուցանիշներին, սակայն վերջին օրերին մամուլում նորից անդրադարձ եղավ՝ այս անգամ 2019 թ. հունվար-օգոստոսի ցուցանիշներին առ այն, որ ինչպե՞ս կարող է շինարարությունը նշված ժամանակաշրջանում աճի 4.4%-ով երբ ապրանքային բետոնի արտադրության ծավալը նվազել է 12%-ով:

Եվս մեկ պարզաբանում ստանալու նպատակով «Արմենպրես» լրատվական գործակալությունը դիմել է ՀՀ վիճակագրական կոմիտեի շինարարության վիճակագրության բաժնի պետ Մարիամ Պետրոսյանին:
– Նախ ինչպես նշեցիք, հարցին առավել մանրամասն պարզաբանում ներկայացվել է սույն թվականի հուլիսի 15-ին:

Նախորդ պարզաբանման մեջ նշված էր, որ շինարարության ծավալը (թողարկումը) բացի ցեմենտից, ամրաններից, բետոնից, քարից ու բազում այլ արտադրատեսակներից ներառում է բազմաթիվ այլ բաղադրիչներ շինմոնտաժային այդ թվում՝ ներքին և արտաքին հարդարման աշխատանքներ, սարքավորանք, գործիք, գույք, այլ աշխատանք և ծախսեր, դրանից՝ ճարտարապետաշինարարական նախագծում: Տարբեր ժամանակահատվածներում դրանց տեսակարար կշիռները կարող են տարբերվել, երբեմն էլ էապես, ինչի արդյունքում բետոնի արտադրության նվազման պայմաններում անգամ շինարարության թողարկումը կարող է աճել:

Բետոնի արտադրության ծավալները տարբեր ժամանակահատվածներում կարող են էապես տարբերվել՝ նաև կախված տվյալ ժամանակահատվածում իրականացվող շինարարության ոլորտային առանձնահատկություններից: Օրինակ՝ ճանապարհային շինարարության մեջ բետոնը հիմնականում օգտագործվում է Հյուսիս-հարավ ճանապարհային ծրագրում, իսկ մյուս ճանապարհային շինարարության ծրագրերում դրա տեսակարար կշիռը շատ փոքր է: Էներգետիկայում բետոնի օգտագործումը նշանակալի է շինարարության սկզբնական փուլում:

Նույնը բնութագրական է նաև բնակարանային շինարարությանը: Ընդ որում, բնակարանային շինարարության մեջ ներքին և արտաքին հարդարման աշխատանքների արժեքային ծավալներն առավել մեծ տեսակարար կշիռ ունեն քան շինարարության սկզբնական փուլում օգտագործվող բետոնի ծավալը:

ԱՄԵՆԱԿԱՐԴԱՑՎԱԾ ԼՈՒՐԵՐ

ՀՀ ներմուծման և արտահանման ծավալները զգալիորեն կկրճատվեն

Կենտրոնական բանկը նման կանխատեսում է արել 2020 թ-ի համար:

Տնտեսական աճի կանխատեսվող ցուցանիշն իջեցվել է մինչև -4 տոկոս

ՀՀ ԿԲ նման կանխատեսումը վերաբերում է 2020 թ.: