Մուտք

Invalid username or password

Մոռացե՞լ եք գաղտնաբառը

Վիճակագրական կոմիտեն հունիսին մեկ աշխատավարձի նվազում է ցույց տալիս, մեկ՝ աճ

Վերադարձ լուրերի բաժին

09:01 , 06 Օգոստոս 2018

ՀՀ վիճակագրական կոմիտեն դեռ հուլիսի 20-ին հրապարակել էր 2018 թվականի հունվար-հունիս ժամանակահատվածի նախնական մակրոտնտեսական ցուցանիշները, որոնցից երևում էր, որ միջին ամսական անվանական աշխատավարձը այս տարվա հունիսին՝ նախորդ տարվա հունիսի համեմատ, նվազել է։

Մասնավորապես, 017 թվականի հունիսի համեմատ, հանրապետությունում միջին ամսական աշխատավարձը նվազել էր 6.1%-ով և կազմել է 171 950 դրամ ։ Այդ թվում, պետական հատվածի աշխատավարձը նվազել էր 9.1%-ով՝ կազմելով 143 904 դրամ, ոչ պետական հատվածինը՝ 12.4%-ով, և կազմել 189 271 դրամ։

6-1

Սակայն հուլիսի 31-ին հրապարակված մանրամասն զեկույցում նշված է, որ 2018 թվականի հունիսին՝ 2017 թվականի հունիսի համեմատ, միջին ամսական աշխատավարձը ոչ թե նվազել է, այլ աճել 4.9%-ով։ Այդ թվում՝ պետական հատվածում աշխատավարձն աճել է 0.8%-ով, ոչ պետական հատվածում՝ 6.6%-ով։

6-2

Ընդ որում, թե՛ հուլիսի 20-ի, թե՛ հուլիսի 31-ի զեկույցներում միջին աշխատավարձի չափը հունիս ամսվա համար նույնն է՝ 171 950 դրամ։

Բնականաբար, Վիճակագրական կոմիտեն մեթոդական կամ տեխնիկական բնույթի պատճառներով կբացատրի այս հակասությունը։

Սակայն նշենք, որ հուլիսի 20-ին, երբ Վիճակագրական կոմիտեին հղում անելով, ԶԼՄ-ները գրեցին, որ աշխատավարձը հունիսին նվազել է, սոցցանցերում բուռն քննարկումներ էին գնում՝ փորձելով բացատրություն գտնել այս նվազմանը։ Իսկ այժմ, պարզվում է, աշխատավարձը ոչ թե նվազել է, այլ բարձրացել։

Ինչ հիմնավորում էլ նշվի, համաձայնեք, որ այնքան էլ ճիշտ չէ, երբ նույն կառույցը նույն երևույթի վերաբերյալ 10 օրվա կտրվածքով հակասական ցուցանիշներ է հրապարակում։

ԱՄԵՆԱԿԱՐԴԱՑՎԱԾ ԼՈՒՐԵՐ

«Գիտություն-բիզնես» ժամանակակից պարադիգմը կամ ինչպե՞ս են մեր օրերում խոշոր կորպորացիաները նպաստում գիտության զարգացմանը

Այսօր կարիք կա վերաիմաստավորելու գիտությունն ու կրթությունը Հայաստանում, բարելավելու/ձևավորելու համապատասխան էկոհամակարգը:

ԱԺ-ն առաջին ընթերցմամբ ընդունեց «Կառավարության կառուցվածքի և գործունեության մասին» նախագիծը

ԱԺ ընդդիմադիր խմբակցությունները նախագծին դեմ քվեարկեցին: Առաջին ընթերցմամբ նախագիծն ընդունվեց 71 կողմ, 40 դեմ քվեարկությամբ։

Ազգային ժողովում ընթանում է հերթական քառօրյա նիստը. ՈՒՂԻՂ

Կքննարկվեն նաև «Կառավարության կառուցվածքի եւ գործունեության մասին» ՀՀ օրենքում փոփոխություններ եւ լրացումներ կատարելու մասին օրենքի նախագծի և կից ներկայացված նախագծերի փաթեթը, «2008 թվականի մարտի 1-ից 2-ը Երեւան քաղաքում տեղի ունեցած իրադարձությունների ժամանակ տուժած անձանց աջակցության մասին» օրենքի նախագիծն ու մի շարք այլ նախագծեր: