Մուտք

Invalid username or password

Մոռացե՞լ եք գաղտնաբառը

Վարչապետն ընդունել է Բելառուսի հարկերի և վճարների նախարարին

Վերադարձ լուրերի բաժին

Խորագրեր

Պաշտոնական

20:21 , 19 Մայիս 2016

Վարչապետ Հովիկ Աբրահամյանն այսօր ընդունել է Բելառուսի Հանրապետության հարկերի և վճարների նախարար Սերգեյ Նալիվայկոյին:

Ողջունելով հյուրին՝ վարչապետը նշել է, որ Հայաստանը կարևորում է Բելառուսի հետ հարաբերությունների զարգացումը, և պարոն Նալիվայկոյի այցը կնպաստի երկու երկրների հարկային ծառայությունների միջև համագործակցության խորացմանը: Հովիկ Աբրահամյանի խոսքով՝ կառավարությունը շարունակական բարեփոխումներ է իրականացնում հարկային և մաքսային վարչարարության բարելավման, հարկային օրենսդրության կատարելագործման ուղղությամբ և կարևորում է միջազգային լավագույն փորձի կիրառումը:

Բելառուսի հարկերի և վճարների նախարարը փաստել է, որ Հայաստանի և Բելառուսի հարկային ծառայությունների միջև ձևավորվել է արդյունավետ համագործակցություն, և երկկողմ պարբերական հանդիպումներն ու փոխայցերը նպաստում են փորձի փոխանակմանը և գործակցության ընդլայնմանը:
Զրուցակիցները քննարկել են հայ-բելառուսական երկկողմ հարաբերությունների խորացմանը և Եվրասիական տնտեսական միության շրջանակում փոխգործակցության զարգացմանը վերաբերող հարցեր:

Երկուստեք ընդգծվել է առևտրատնտեսական կապերի ակտիվացման անհրաժեշտությունը և այս առումով կարևորվել է Տնտեuական համագործակցության հարցերով հայ-բելառուuական միջկառավարական համատեղ հանձնաժողովի աշխատանքը:

ԱՄԵՆԱԿԱՐԴԱՑՎԱԾ ԼՈՒՐԵՐ