Մուտք

Invalid username or password

Մոռացե՞լ եք գաղտնաբառը

Վարչապետը շնորհավորել է գյուղոլորտի ներկայացուցիչներին

Վերադարձ լուրերի բաժին

Խորագրեր

Պաշտոնական

17:01 , 19 Հոկտեմբեր 2015

ՀՀ վարչապետ Հովիկ Աբրահամյանի ուղերձը Գյուղատնտեսության աշխատողի օրվա առթիվ

* * *

Գյուղատնտեսության ոլորտի հարգելի ներկայացուցիչներ,
Ջերմորեն շնորհավորում եմ ձեզ Գյուղատնտեսության աշխատողի օրվա առթիվ, որն արդեն հինգերորդ տարին է, ինչ պետականորեն նշվում է մեր երկրում:
Այսօր մեր երախտագիտությունն ենք հայտնում Ձեզ՝ նվիրված և քրտնաջան աշխատանքի համար: Որքան էլ ժամանակակից տեխնոլոգիաներն առաջնային նշանակություն ստանան տնտեսության տարբեր ոլորտներում, միևնույն է, հողի նկատմամբ սերը, մարդկային ջերմությունն ու հոգատարությունն են, որ ապահովում են առավել որակյալ գյուղատնտեսական արտադրանք:
Գյուղատնտեսությունը մեր երկրի համար ռազմավարական նշանակություն ունեցող ոլորտ է: 2015 թվականի առաջին ութ ամիսների արդյունքներով Հայաստանի Հանրապետության տնտեսության մեջ այն արձանագրել է աճի ամենաբարձր տեմպերը, ինչն, անխոս, նաև Ձեր անխոնջ աշխատանքի արդյունքն է:
Վստահեցնում եմ, որ գյուղատնտեսության և գյուղի զարգացման հարցերը մշտապես գտնվում են Հայաստանի Հանրապետության կառավարության ուշադրության կենտրոնում: Մեր հետևողական և շարունակական քայլերը ուղղված են գյուղատնտեսության ոլորտի բարեփոխմանը և արդիականացմանը, ինչպես նաև գյուղացու բարեկեցության ապահովմանը և սոցիալական խնդիրների լուծմանը: Հավատացած եղեք, որ պետությունը դժվարին պահերին միշտ եղել ու լինելու է Ձեր կողքին:
Կրկին շնորհավորելով ձեզ Գյուղատնտեսության աշխատողի օրվա կապակցությամբ՝ մաղթում եմ քաջառողջություն, բարօրություն և բեղուն աշխատանք:

ԱՄԵՆԱԿԱՐԴԱՑՎԱԾ ԼՈՒՐԵՐ

Չինաստանի Ցինտաո քաղաքում ներկայացվում է հայկական էնոզբոսաշրջությունը

Հայկական տաղավարում այցելուները ծանոթանում են հայկական գինեգործությանը և գինու մշակույթի պատմությանը, Հայաստանը հյուրերին ներկայացվում է որպես էնոզբոսաշրջության համար նոր և գրավիչ ուղղություն։

Քննարկվել են հարկային համակարգի բարեփոխմանն ուղղված նախագծեր

Նախատեսվել է շահութահարկի բեռի նվազում՝ 20 տոկոսի փոխարեն սահմանվում 18 տոկոս շահութահարկ: Եկամտահարկը համահարթեցվում է՝ կկազմի 23 տոկոս, որը տարեցտարի կնվազի մինչեւ 20 տոկոս: Յուրաքանչյուր տարի ծխախոտի եւ ալկոհոլային խմիչքների ակցիզային հարկի դրույքաչափը կբարձրանա:

Երևանում կստեղծվի թեթև արդյունաբերության ուսուցման և ծառայությունների մատուցման կենտրոն

Նախատեսված կենտրոնը հնարավորություն կտա արտահանման շուկաներում ապահովել մրցունակ արտադրանք՝ պատրաստելով որակավորված մասնագետներ՝ ոլորտի ընկերություններին համապատասխան ծառայությունների մատուցման նպատակով: