Մուտք

Invalid username or password

Մոռացե՞լ եք գաղտնաբառը

Վարչապետը կառավարության անդամներին հանձնարարեց մինչև տարեվերջ հավաքագրել իրենց ոլորտներում Նոր Հայաստանի վերաբերյալ 100 փաստերը

Վերադարձ լուրերի բաժին

15:04 , 10 Մայիս 2019

ՀՀ վարչապետը կառավարության անդամներին, նախարարներին, առընթեր մարմինների ղեկավարներին հանձնարարեց հետևել իր օրինակին և մինչև տարեվերջ հավաքագրել իրենց ոլորտներում Նոր Հայաստանի վերաբերյալ 100 փաստերը: Նիկոլ Փաշինյանն այդ մասին ասաց կառավարության մայիսի 10-ին նիստի ընթացքում:

«Մայիսի 8-ին ես մամուլի ասուլիսով հանդես եկա, և հրապարակեցի 100 փաստ, և փորձեցի ամփոփել մեր կառավարության գործունեության մեկ տարվա արդյունքները: Եվ ես կարող եմ ասել, որ այդ փաստաթուղթը շատ կարևորում եմ, որովհետև այն շատ կոնկրետ ցույց է տալիս, թե ինչ ենք մենք արել այս մեկ տարվա ընթացքում, բայց ուզում եմ նաև ընդգծել, որ դրանով հաշվետվողականության նոր նշաձող է սահմանվել, և մենք պետք է հաշվետվողականության հենց այսպիսի ձևաչափ կիրառենք և որդեգրենք: Եվ ուզում եմ մեզ համար որպես խնդիր ձևակերպենք, որ իմ տարեվերջյան ասուլիսում պետք է մենք բոլորս միասին ևս 100 փաստ ունենանք հրապարակելու Նոր Հայաստանի մասին: Ակնկալում եմ, որ կառավարության բոլոր անդամները հենց այս չափանիշով պետք է աշխատեն: Մենք ոչ թե կսպասենք մինչև դեկտեմբեր, որպեսզի փաստերը հավաքենք ու հրապարակենք, այլ այդ փաստերի հավաքագրումն ու ստեղծումը կլինի մեր ամենօրյա աշխատանքը: Եվ ես նաև ըստ այդմ կգնահատեմ մեր կառավարության անդամների, առընթեր մարմինների աշխատանքը»,- ասաց Փաշինյանը:

Վարչապետը հայտնեց, որ կառավարության անդամներից աշխատանքային տեմպի բարձրացում ու արդյունավետություն է ակնկալում: «Այս մեկ տարին շատ կարևոր շրջան էր, այս ընթացքում չեմ զլանա ասել` տեղի են ունեցել բուռն քաղաքական ընտրություններ: 2018թ. վարչապետի 5 ընտրություն է տեղի ունեցել, Երևանի քաղաքապետի արտահերթ ընտրություն է տեղի ունեցել, հանրապետության խոշոր քաղաքներում տեղի են ունեցել արտահերթ ընտրություններ, խորհրդարանական արտահերթ ընտրություններ են տեղի ունեցել, և մեր կառավարությունը ձևավորվել է հենց դեկտեմբերին տեղի ունեցած խորհրդարանական արտահերթ ընտրությունների արդյունքում:

Այս առաջիկա մեկ տարվա ընթացքում ես ակնկալում եմ, որ մեր աշխատանքի և արդյունավետության տեմպն ավելի բարձր կլինի, և բոլորդ տեղյակ եք, որ խորհրդարանը վերջնական ընդունել է կառավարության նոր կառուցվածքի մասին օրենքը, և մենք առաջիկայում կառավարության կառուցվածքի փոփոխությունները պետք է կյանքի կոչենք, բայց այդ գործընթացը որևէ կերպ չպետք է նվազեցնի մեր աշխատանքի տեմպը: Այս առիթն օգտագործելով մենք պետք է առավել արդյունավետ դարձնենք մեր գործունեությունը»,- նշեց Փաշինյանը:

Նրա խոսքով` առաջիկայում կառավարության ամենակարևոր խնդիրը բյուջեի ծախսային մասին բնականոն ընթացքի կազմակերպումն է: «Մենք պետք է կարողանանք ոչ միայն լիարժեք ապահովել բյուջեով նախատեսված ծախսային մասը, այլև այն 62 մլրդ դրամը, որը հավելյալ գեներացվում է, որպես այս տարվա պետական բյուջեի եկամուտ, մենք պետք է այդ միջոցներն արդյունավետ ծախսելու կոնկրետ եղանակներ գտնենք: Ես արդեն հանձնարարություն տվել եմ, 30 մլրդ դրամի հետ կապված մենք, կարծես թե, կողմնորոշվել էինք, ևս 30 մլրդ դրամի մենք պետք է հավելյալ ծախսեր պլանավորենք, և դա պետք է անենք արագ, բայց նաև պետք է լուրջ քննարկումներ տեղի ունենան»,- նշեց վարչապետը:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանում գնաճը կառավարելի է

Ներսես Երիցյանը նկատել է, որ շատ անգամ քաղաքացիները դժգոհում են գնաճից։ Ըստ նրա՝ պատճառն այն է, որ մի քանի ապրանքներ, որոնք այդ խումբը սպառում է, ավելի շատ են թանկացել։

Առևտրային բանկերի ընդամենը վճարած հարկերի միջինը 3.4 անգամ գերազանցում է մնացած կազմակերպությունների միջին ցուցանիշին

2018 թ. առաջին եռամսյակին այս ցուցանիշը՝ 494 մլն դրամ, ևս գերազանցում է մնացած կազմակերպությունների միջինը, որը կազմել է 49 մլն դրամ:

Օլեգ Սմիրնովը գլխավորել է ՎՏԲ -Հայաստան Բանկի խորհրդը

2018 թ. նոյեմբերից աշխատում է ՎՏԲ խմբում: