Մուտք

Invalid username or password

Մոռացե՞լ եք գաղտնաբառը

Վաչե Գաբրիելյանը նոր կառավարությանը ժամանակ տալու կողմնակից է, շատ արագ արդյունքներ չեն լինելու

Վերադարձ լուրերի բաժին

20:08 , 14 Հունիս 2018

ՀՀ նախկին փոխվարչապետ Վաչե Գաբրիելյանը գնահատում է ներկայիս կառավարության եռանդն ու ոգևորությունը՝ լուծելու Հայաստանում վաղուց ծառացած խնդիրները: Ամերիկյան համալսարանում Հայաստանի տնտեսական քաղաքականության վերաբերյալ քննարկման շրջանակներում լրագրողների հետ կարճ ճեպազրույցի ժամանակ այս մասին ասաց նախկին պաշտոնյան: «Աշխատանքների համար կա մեծ ճակատ, մեծ եռանդով սկսել են աշխատել, կարծում եմ՝ պետք է որոշակի վստահությամբ ժամանակ տրամադրել, որ իրենք իրականացնեն այն գործունեությունը, որ ցանկանում են, որից հետո կարելի է գնահատական տալ: Հենց հիմա գնահատում եմ եռանդն ու ոգևորությունը, որով նրանք ուզում են Հայաստանում վաղուց ծառացած խնդիրները լուծել: Արդյունքները շատ արագ չեն լինի, կարևորը կա վստահությունը ժողովրդի կողմից ու օրակարգ, որը պետք է հստակեցնել ու իրականացնել»,-«Արմենպրես»-ի փոխանցմամբ՝ ասաց Վաչե Գաբրիելյանը:

Նրա խոսքով՝ կառավարության ծրագրում լավ սկզբունքներ են ամրագրված: «Ողջունելի են ոգևորվածությունն ու այն նպատակները, որ դրված են կառավարության ծրագրում»,-հավելեց նա:

Ինչ վերաբերում է ազգությամբ հայ աշխարհահռչակ տնտեսագետ Դարոն Աճեմօղլուի ներգրավվածությանը Հայաստանի տնտեսական զարգացման գործընթացներում, Վաչե Գաբրիելյանը կարծում է, եթե նա սկսի աշխատել Հայաստանում և ունենա մեծ ներգրավվածություն, դա կարող է արդյունք տալ: «Հայաստանը եզակի երկիր չէ, որ որևէ մեկը պետք է այստեղ ծնված-մեծացած լինի, որ ճիշտ բան ասի այստեղի մասին, բայց միևնույն ժամանակ, եթե ամենաճիշտ բաներն էլ ասի, բայց փաստերի հետ գործ չունենա, չի հաջողի: Կախված է նրանից, թե նա որքանով կընդգրկվի այդ գործընթացներում»,-հավելեց Վաչե Գաբրիելյանը:

Անդրադառնալով ներկայիս իր գործունեությանը՝ նախկին փոխվարչապետը նշեց, որ տարբեր քննարկումների է մասնակցում և հանրօգուտ աշխատանքով զբաղվելու տարբերակներ փնտրում: Այս առայժմ հանգստանում է և շարունակում դասավանդել Հայաստանի Ամերիկյան համալսարանում: Չի բացառվում, որ աշխատանքի անցի միջազգային կառույցում, այս պահին միջազգային կառույցներից աշխատանքի կարճաժամկետ ընդգրկման հնարավորություններ ունի:

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]