Մուտք

Invalid username or password

Մոռացե՞լ եք գաղտնաբառը

Սփյուռքի նախարարությունը լուծված է համարում «Քայլ դեպի տուն» ծրագրի խնդիրները

Վերադարձ լուրերի բաժին

17:51 , 29 Օգոստոս 2018

ՀՀ սփյուռքի նախարարությունը «Քայլ դեպի տուն» ծրագրով սահմանված խնդիրները համարում է լուծված: Այնուամենայնիվ, արդյունքների վերջնական ամփոփումից հետո գերատեսչությունը կանի հետևություններ թերացումների և հետագա անելիքների վերաբերյալ: «Արմենպրես»-ի հարցին ի պատասխան՝ նման գնահատական է տվել ՀՀ սփյուռքի նախարար Մխիթար Հայրապետյանը:

««Քայլ դեպի տուն» ծրագրի վերջնական ամփոփման համար որոշակի ժամանակ պետք է, սակայն, իհարկե, արդյունքը դրական էր: Այն խնդիրները, որ մեր առաջ սահմանել էինք, միանշանակ լուծվել են: Սակայն, կարծում եմ՝ կամփոփենք այն թերացումները, որոնք եղել են և կորոշենք՝ հետագայում ինչ ֆորմատով պետք է շարունակվի ծրագիրը: Կհասկանանք՝ պետք է արդյոք քվոտավորում սահմանել տարածաշրջանների համար, կրթական ինչ նոր ծրագրեր են պետք, ինչ այցեր պիտի հանվեն կամ ավելացվեն: Պետք է կիրառենք նաև բոլոր արդյունավետ մեթոդները՝ դասընթացների, կրթության շարունակականությունն ապահովելու համար»,- ասել է նախարար Հայրապետյանը:

Նրա խոսքով՝ ծրագրի վերաբերյալ իրենց նախնական գնահատականը չափազանց դրական է: Նշեց՝ սա ոչ միայն իրենց գնահատականն է, այլ մասնակիցներից, հանրությունից, հյուրընկալ ընտանիքներից ստացած արձագանքը: «Ծրագրի առաջին իսկ օրվանից մենք փոխել ենք վերաբերմունք: Շատ երեխաներ վարչապետի, մարզպետների, գյուղապետերի տանը ջերմ ընդունելության են արժանացել: Պետական մոտեցումը ևս փոխվել է»,- ասել է Հայրապետյանը:

ՀՀ սփյուռքի նախարարությունը օգոստոսի 10-24-ն իրականացրել է «Քայլ դեպի տուն» ուսումնաճանաչողական ծրագիրը, որը նախատեսված էր 13-21 տարեկան սփյուռքահայ պատանիների և երիտասարդների համար:

ԱՄԵՆԱԿԱՐԴԱՑՎԱԾ ԼՈՒՐԵՐ

«Կառավարության գործողությունները և անգործությունը Լիդիանի ներդրումային ծրագրի դեմ թիրախավորած արշավի մաս են»,- Լիդիան

«Կաշխատենք նաև ELARD-ի հետ, որը ինչպես ներկայացվում է կառավարության կողմից, իրականացնելու է վերջին աուդիտը»,- Լիդան:

Կուսումնասիրեն Հայկական ԱԷԿ-ի՝ մինչև 600 մեգավատ հզորությամբ էներգաբլոկ ունենալու հնարավորությունը

Հայկական ատոմային էլեկտրակայանում շարունակվում են շահագործման ժամկետի երկարաձգման աշխատանքները, որի համար դեռ 2014-2015 թվականներին Հայաստանը Ռուսաստանի Դաշնության հետ ստորագրել է համագործակցության և ֆինանսավորման մասին երկու համաձայնագիր: b4b.am-ի հաղորդմամբ` Հայաստանում ատոմային էներգետիկայի զարգացման հեռանկարները պանելային քննարկման ժամանակ լրագրողների հետ զրույցում Հայաստանի էներգետիկ ենթակառուցվածքների և բնական պաշարների նախարարության էներգետիկայի վարչության ատոմային էներգետիկայի բաժնի պետ Արտեմ Պետրոսյանն ասաց, […]

Քննարկվել են ՀՀ կառավարության և Գերմանական զարգացման բանկի միջև համագործակցության ընդլայնմանը վերաբերող հարցեր

Վարչապետ Նիկոլ Փաշինյանն ընդունել է Գերմանական զարգացման բանկի (KfW) տարածաշրջանային տնօրեն Օլաֆ Ցիմելկայի գլխավորած պատվիրակությանը: Այդ մասին b4b.am-ին հայտնեց կառավարության մամուլի բաժինը։ Կառավարության ղեկավարն ընդգծել է, որ մի քանի ամիսների ընթացքում երկու երկրների միջև տեղի են ունեցել բարձր մակարդակի փոխայցելություններ, որոնք նոր թափ կհաղորդեն հայ-գերմանական բարեկամական հարաբերություններին: Նիկոլ Փաշինյանի խոսքով՝ այդ հարաբերություններում կարևոր տեղ ունի […]