Մուտք
Invalid username or password
Սփյուռքահայերը Հայաստանում արտոնությամբ բացել են տեխնոլոգիական ոլորտի շուրջ 45 ընկերություն
Վերադարձ լուրերի բաժին
21:36 , 18 Դեկտեմբեր 2019
Դիտումներ596
ՀՀ բարձր տեխնոլոգիական արդյունաբերության նախարար Հակոբ Արշակյանը Հայաստանում տաղանդի ներհոսք է նկատում, 2019-ին տեխնոլոգիական ոլորտի սկսնակ ընկերությունների համար տրվող արտոնություններով մոտ 45 ընկերություն բացվել է սփյուռքահայերի կողմից: Արշակյանն այդ մասին հայտնել է իր տարեկան ասուլիսում:
«Այս տարի տեխնոլոգիական ոլորտի շուրջ 230 նորաստեղծ ընկերություն դիմել է հարկային արտոնություններ ստանալու համար: Ընդհանուր առմամբ, իրենց ներկայացրած թվերով շուրջ 1200 նոր աշխատատեղ են ստեղծել: Մենք ունենք սփյուռքից դիմած անհատների և ընկերությունների մեծ թիվ՝ դիմածների շուրջ 15-20 տոկոսը: Սա նշանակում է, որ տաղանդի ներհոսք ունենք»,-ասել է Արշակյանն ու դա համարել շատ լավ նորություն:
Հարկային արտոնություն ստանալու ծրագրով դիմել են Ֆրանսիայից, ԱՄՆ-ից, Ռուսաստանից, Հոլանդիայից, Ավրստալիայից, Վրաստանից, Շվեյցարիայից, Իրանից, Գերմանիայից, Նիդերլանդներից, Միացյալ Թագավորությունից: Դիմող ընկերությունները գործունեություն են ծավալում տարբեր ուղղություններով՝ ծրագրային ապահովման, էլեկտրոնիկայի, միկրոէլեկտրոնիկայի, արհեստական բանականության և այլն: Հայաստանում բացվել են նաև միջազգային ընկերությունների նոր գրասենյակներ:
ՏՏ ոլորտի պետական աջակցության մասին ՀՀ օրենքն ուժի մեջ է մտել 2015 թ., որի արդյունքում ՏՏ ոլորտում նոր ստեղծվող տնտեսավարող սուբյեկտներին տրամադրվում են հարկային արտոնություններ: 2019-ի ապրիլին ԱԺ-ն ընդունել է օրենք, որով նորաստեղծ ընկերությունների համար հնարավորություն է ստեղծվում հարկային արտոնություններից օգտվելու ժամկետը երկարացնել մինչ 2022 թ. դեկտեմբերի 31-ը ներառյալ:
Արմենպրես
Դիտումներ 596
Ucom-ն առաջարկում է ձեռք բերել 4 սուպեր տեսախցիկով Xiaomi Redmi 10 և ստանալ անլար բարձրախոս
Հավելենք, որ 5000 մԱ/ժ հզոր մարտկոցով Xiaomi Redmi 10-ը հնարավոր է օգտագործել ողջ օրվա ընթացքում և չանհանգստանալ սմարթֆոնը լիցքավորելու մասին։ Իսկ շնորհիվ 18 Վտ/ժ լիցքավորման տեխնոլոգիայի` այն լիցքավորվում է շատ արագ։
SME Banking Club-ը Յունիբանկին ընդգրկել է լավագույն բիզնես վարկեր առաջարկող բանկերի ցուցակում
Յունիբանկի կողմից տրամադրված բիզնես վարկերի ծավալը 2020 թվականի նույն ժամանակահատվածի համեմատ աճել է 30%-ով։
Յունիբանկն առաջարկում է 4.8% արժեկտրոնային եկամտաբերությամբ դոլարային պարտատոմսեր
Յունիբանկը թողարկել է դոլարային պարտատոմսեր արժեկտրոնային բարձր եկամտաբերությամբ՝ 4.8% տարեկան:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։