Մուտք

Invalid username or password

Մոռացե՞լ եք գաղտնաբառը

Սուրեն Պապիկյանը Եվրոպական ներդրումային բանկի ներկայացուցիչների հետ քննարկել է ծրագրերը

Վերադարձ լուրերի բաժին

22:19 , 05 Փետրվար 2020

Տարածքային կառավարման և ենթակառուցվածքների նախարար Սուրեն Պապիկյանն այսօր ընդունել է Եվրոպական ներդրումային բանկի պատվիրակությանը՝ ՀՀ պետական հատվածի վարկավորման գործառնությունների պատասխանատու Բարբորա Զեմանովայի գլխավորությամբ: Այդ մասին հայտնեց նախարարության մամուլի ծառայությունը:

Նախարարը կարևորել է բանկի հետ բազմաոլորտ համագործակցությունը և Տարածքային կառավարման և ենթակառուցվածքների նախարարության հետ համատեղ իրականացվող մի շարք ծրագրերը: «Մենք հաստատակամ ենք առաջիկայում էլ ավելի ընդլայնել հարաբերությունները Եվրոպական ներդրումային բանկի հետ և ավարտին հասցնել մեր ծրագրերը»,-նշել է Սուրեն Պապիկյանը:

2

Հանդիպման ընթացքում կողմերը քննարկել են Հայաստանում ԵՆԲ ծրագրերը` տրանսպորտային, էներգետիկ և ջրային ենթակառուցվածքների բարելավման, կոշտ կենցաղային թափոնների կառավարման ոլորտներում: Անդրադարձ է եղել Հայաստան-Վրաստան բարձրավոլտ էլեկտրահաղորդման գծի կառուցման, ջրամատակարարման և ջրահեռացման ենթակառուցվածքների վերականգնման, Հյուսիս-Հարավ ճանապարհային միջանցքի 3-րդ և 4-րդ Տրանշերում իրականացվող աշխատանքներին:

3

Զրուցակիցները մտքեր են փոխանակել նաև նախորդ տարեվերջին ստորագրված Հայաստանի ճանապարհային անվտանգության բարելավման դրամաշնորհային համաձայնագրի վերաբերյալ, որի նպատակն է հանրապետության առավել վթարավտանգ կետերում իրականացնել ճանապարհային անվտանգության միջոցառումներ:

«Ճանապարհային անվտանգության չափանիշների փոփոխությունը և դրանց համապատասխանեցումը եվրոպական չափորոշիչներին բխում է Հայաստանում ճանապարհային անվտանգության բարելավման անհրաժեշտությունից: Մենք բարձր ենք գնահատում այս ուղղությամբ բանկի կողմից տրամադրվող ֆինանսատեխնիկական ու խորհրդատվական աջակցությունը»,-ընդգծել է նախարարը: Կողմերը պայմանավորվել են փոխանակվել վերոնշյալ ծրագրերում ապագա փոխգործակցությանը միտված անհրաժեշտ տեղեկատվությամբ:

ԱՄԵՆԱԿԱՐԴԱՑՎԱԾ ԼՈՒՐԵՐ

Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը

Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։

Նոր տուն՝ նոր հույսերով

2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:

Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք

Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին: