Մուտք

Invalid username or password

Մոռացե՞լ եք գաղտնաբառը

Սմարթֆոնների մահը. Փոխարինելու է գալիս նոր անհավանական տեխնոլոգիա

Վերադարձ լուրերի բաժին

Հեղինակ

B4B.am

Խորագրեր

Դայջեսթ

23:01 , 15 Մայիս 2017

Ժամանակի հետ, ոչ շատ շուտ, բայց ոչ էլ այնքան ուշ, որքան կարող եք պատկերացնել, սմարթֆոնները կմահանան և կհիշեցնեն ինչ-որ հին սարքավորում հեռավոր անցյալից: Մոտակա տասնամյակների ընթացքում մարդը չի կարողանա բաժանվել այդքան հարմար գադջետից, բայց ժամանակի ընթացքում այն պարզապես անպետք կդառնա: Սմարթֆոնների մահվան համար արդեն այսօր հող են պատրաստում Էլոն Մասկը, Microsoft, Facebook, Amazon ընկերությունները և մի շարք ոչ հայտնի, բայց շատ ամբիցիոզ ստարտափները:

Առաջին հերթին մտածում ենք, թե ի՞նչը կարող է փոխարինել սմարթֆոններին: Այն, ինչ  սպասվում է մեզ ապագայում, նման է գիտական ֆանտաստիկայի:

Վիրտուալ օգնականներ

Samsung Galaxy S8-ը, որն արդեն հասանելի է պատվերների համար, կներկայացվի նոր վիրտուալ օգնականի՝ Bixby-ի հետ, որը թույլ կտա կարգավորել բոլոր գործառույթներն ու հնարավորությունները միայն ձեր ձայնի միջոցով: Ընդհանրապես, ընկերությունը S8-ի հետ ներկայացնում է սարքավորումների համակարգ, որոնք կղեկավարվեն միայն բառերի միջոցով: Սա արդեն սմարթֆոն չէ, այլ նոր համակարգ, որը թույլ է տալիս մարդուն համագործակցել շրջակա տեխնոաշխարհի հետ:

Պողպատե էկոհամակարգ

Հաջորդ  iPhone-ը ևս կենտրոնացած կլինի լրացված իրականությունը մեր կյանք բերելու վրա: Եվ նկատեք, որ խոսքը ոչ թե հաջորդ հարյուրամյակի, այլ առաջիկա մի քանի տարիների մասին է:  Եվ, քանի որ այնպիսի սարքերը, ինչպիսիք են Amazon Echo-ն, Sony PlayStation VR-ը և  Apple Watch-ը, հաջողություններ են գրանցում, մասնագետները պնդում են, որ հաջորդ գադջետները կլինեն ստեղծված այս բոլորի միասնությունից:

Լրացված իրականություն

Microsoft-ը, Facebook-ը, Google-ը  և Google-ի կողմից աջակցություն ստացող Magic Leap ստարտափն աշխատում են լրացված իրականության մի նախագծի վրա, որը թույլ է տալիս մանրամասն ներկայացնել  3D պատկերը ձեր աչքի առաջ: Շշուկներ են պտտվում, որ Apple-ը նույնպես զբաղվում է այս գործով:

Թվային տեսողություն

Microsoft-ի ներկայացուցիչ Ալեքս Կիպմանը Business Insider-ի հետ հարցազրույցում վերջերս նշել է, որ շուտով լրացված իրականությունը կարող է ամբողջությամբ փոխարինել սմարթֆոնին, հեռուստացույցին և մնացած բոլոր գադջետներին, որ էկրան ունեն:

Սա տրամաբանական է, քանի որ գրպանում գտնվող առանձին գադջետի օգուտներն այնքան էլ շատ չեն, այն դեպքում, երբ ֆիլմերը,պատկերները, չաթերը և զանգերը գալիս են անմիջապես ձեր աչքի առաջ:

Աուդիոխաղեր

Միևնույն ժամանակ՝ աշխարհում շատ կարևոր են դառնում այնպիսի սարքավորումները, ինչպիսին է  Amazon Echo-ը կամ սեփական  AirPod-ը: Քանի որ արհեստական բանականության սարքեր, ինչպիսք են  Siri-ն, Alexa-ն,Bixby-ն կամ Cortana-ն, կդառնան ավելի կատարելագործված և խելացի, օգատատերերն ավելի շատ կունենան աուդիո կոնտենտի կարիք: Այդ ժամանակ կսկսեն զարգանալ աուդիո խաղերը, որոնք կզուգադրվեն աչքերի առաջ հայտնվող տեսանյութերով:

Թվային աշխարհ

Ժամանակի հետ թվային և իրական աշխարհի միաձուլումն անխուսափելի կդառնա: Խոշոր տեխնոլոգիական ընկերությունների հիմնադիրները նշում են, որ ապագայի աշխարհը կլինի քիչ տեխնոլոգիական շեղումներով և շատ բալանսավորված, քանի որ իրական աշխարհը պարզապես կփլուզվի թվային իրականության ճնշման տակ, եթե, իհարկե, այն չպաշտպանենք: Վայչովսկի եղբայրները կանխատեսել էին նման մի բան «Մատրիցա» ֆիլմում:

Տելեպատիա

Իսկ հիմա խոսքը, իրոք, խելագարության մասին է: Էլոն Մասկը ներկայացրել է իր նոր Neuralink ընկերությունը: Մասկը հայտարարել է, որ առաջիկա 10 տարիների ընթացքում կներկայացվի նեյրոինտերֆեյս, որի միջոցով մարդիկ կկարողանան փոխանակվել մտքերով: Այլ խոսքերով՝ Մասկը մեզ խոստացել է տելեպատիա: Բարի գալուստ ապագա:

Սիրարփի Աղաբաբյան

Ըստ 168.am-ի

ԱՄԵՆԱԿԱՐԴԱՑՎԱԾ ԼՈՒՐԵՐ

Մարքեթինգի 10 մահացու սխալեր, որոնք անում են ընկերությունները՝ ըստ Ֆիլիպ Կոտլերի

Ըստ Ֆիլիպ Կոտլերի, գոյություն ունեն մարքեթինգի 10 մահացու սխալեր, որոնք անում են ընկերությունները

Հավաքական ուժի մասին

2016 թվականին մահանում է ԱՆդրեաս Գրաֆի կինը, իսկ երեխայի մոտ հայտնաբերվում է լեյկոմիա։ Կնոջ մահից

Ոստիկանությունը հատուկ գործողություններ է իրականացնում «Սեքյուրիթի Դրիմ»-ում. Lurer.com

Այս տեղեկությունը հաստատել է Ոստիկանության լրատվական վարչության ԶԼՄ-ների հետ կապի բաժնի պետ Էդգար Ջանոյանը