Մուտք

Invalid username or password

Մոռացե՞լ եք գաղտնաբառը

Սիգարի արքա Ավո Ուվեզյանի ֆենոմենը. Սինատրայի հիթի հեղինակը տարեկան վաճառում է 3 մլն սիգար

Վերադարձ լուրերի բաժին

Հեղինակ

B4B.am

Խորագրեր

Դեմքեր

00:01 , 03 Մարտ 2017

Ավո Ուվեզյանը ծնվել է 1926թ. Թուրքիայում, երաժիշտների ընտանիքում։ 1942թ. Ուվեզյանի ընտանիքը տեղափոխվում է Լիբանան, որտեղ Ավոն հիմնում է իր առաջին ջազ խումբը։ Շուտով երիտասարդ երաժշտին հրավիրում են Թեհրան՝ ելույթ ունենալու Իրանի շահ Ռեզա Փահլևիի առաջ։

Շահի համակրանքը հայերի նկատմամբ մեծ դեր է կատարել Ավոյի կարիերայում։ Փահլևիի խորհրդով 1947թ. Ավո Ուվեզյանը ուղևորվում է Նյու Յորք ու ընդունվում «Ջուլիարդ» երաժշտական դպրոց։

20-րդ դարի 50-60-ականներին Ավո Ուվեզյանը ելույթ է ունենում ամերիկյան բարերում և դառնում բավական հայտնի երաժիշտ։ Հենց այդ ժամանակ էլ նա գրում է Ֆրենկ Սինատրայի՝ արդյունքում համաշխարհային հիթ դարձած Strangers in the Night երգի երաժշտությունը։

«Սկզբում իմ երգը կոչվում էր Broken Guitar («Կոտրված կիթառ»)։ Մեղեդին գրեցի ես, իսկ խոսքերը՝ մեկ այլ մարդ։ Երբ Ֆրենկը լսեց երգը, որոշեց որոշ փոփոխություններ անել տեքստում՝ փոխելով անվանումը։ Ահա այդպես ստեղծվեց հայտնի Strangers in the Night երգը»,- հիշում է Ավո Ուվեզյանը։

Strangers in the Night-ը տարածվեց ողջ աշխարհում, սակայն Սինատրայի անվան կողքին քչերն էին հիշում, որ երաժշտության հեղինակն Ավո Ուվեզյանն է, որը համաշխարհային հիթի համար ստացավ այդ ժամանակվա համար աննախադեպ գումար՝ 15 մլն դոլար։

1980-ականներին՝ կնոջ մահից հետո, Ուվեզյանը հիմնավորվում է Պուերտո Ռիկոյում, բացում ռեստորան ու հիմնում նոր ջազային նվագախումբ։ Կյանքը Պուերտո Ռիկոյում փոխում է Ուվեզյանին։ Նա առաջին անգամ սիգար է փորձում և անմիջապես որոշում նոր բիզնես հիմնել։

1988թ. Ավոն իր սիգարների ոչ մեծ խմբաքանակ է ուղարկում Նյու Յորք՝ Davidoff ընկերության հայտնի բուտիկ։

Սիգարներն այնքան արագ են սպառվում, որ խանութը նոր պատվեր է տալիս։ Այդ ժամանակ Ավոն արդեն գնել էր սեփական ծխախոտային պլանտացիան Դոմինիկյան Հանրապետությունում, որտեղ մինչ օրս աճեցվում է իր միկրոէլեմենտներով եզակի ծխախոտ։

1995թ. Davidoff ընկերությունը Ուվեզյանին վճարեց 10 մլն դոլար նրա սիգարները տարածելու իրավունքի համար, որի վաճառքի տարեկան ծավալը գերազանցում է 3 միլիոնը, հայտնում է Rusarminfo-ն։

ԱՄԵՆԱԿԱՐԴԱՑՎԱԾ ԼՈՒՐԵՐ

«Մենք ամեն օր պայքարում ենք՝ ապագայի համար». Alibaba-ի հիմնադիր

Ջեք Ման Դավոսում պատասխանել է լրագրողների հարցերին

«Պաշտոնապես հայտարարում եմ. Հայ-Ռուսական համալսարանում կոռուպցիա չկա, և երբևիցե չի՛ եղել»

«Տիկնայք և պարոնայք գրանտատուներ, գրանտաորսներ և գրանտակերներ, չհամարձակվեք այլևս ստվեր գցել Հայաստանյան համալսարանական հանրության վրա»

Պարկ Չոն Հի. Կորեական տնտեսական հրաշքի դաժան հայրը

Նախագահ-բռնապետ, տարեկան 350 աշխատանքային օր և պլանային տնտեսություն։ Խոսքը ոչ թե Հյուսիսային, այլ Հարավային Կորեայի մասին է: