Մուտք

Invalid username or password

Մոռացե՞լ եք գաղտնաբառը

Սերժ Սարգսյանը բացառել է ԵՄ հետ կնքվելիք համաձայնագրում ԵԱՏՄ հետ հակասությունների առկայությունը

Վերադարձ լուրերի բաժին

14:53 , 02 Նոյեմբեր 2017

Հայաստանի և Եվրամիության միջև նոյեմբերի վերջին կնքվելիք համաձայնագիրը նպատակ ունի խորացնել համագործակցությունն այդ կառույցի հետ: Այս մասին ռուսական BFM-ին տված հարցազրույցում հայտարարել է Հայաստանի Հանրապետության Նախագահ Սերժ Սարգսյանը:

«Առաջին հերթին խոսքը մեր հասարակության արդիականացման մասին է՝ արդյունավետ կառավարում, մարդու իրավունքներ: Տնտեսությանը դա գրեթե չի առնչվում: Ասում եմ գրեթե, քանի որ համաձայնագրում իսկապես կա մի դրույթ, համաձայն որի՝ այդ համաձայնագրով նախատեսվող պարտավորությունները ոչ մի կերպ չեն կարող հակադրվել այն պարտավորություններին, որն ավելի վաղ ստանձնել է Հայաստանը»,- ասել է ՀՀ Նախագահը:

Նա մանրամասնել է, որ համաձայնագրով նախատեսվող դրույթները չեն կարող հակասել այն պարտավորություններին, որոնք Հայաստանն ունի այլ ինտեգրացիոն միությունների առջև: «Այստեղ հակասություններ չեն կարող լինել: Մեր երկրում կգործեն այն օրենքները, համաձայնագրերը, պայմանագրերը, որոնք մենք ստորագրում ենք Եվրասիական տնտեսական միության շրջանակում»,- հայտարարել է Սերժ Սարգսյանը:

Նախագահն ընդգծել է, որ այստեղ առարկայական տարբերություններ չկան՝ թե Հայաստանը, թե Ռուսաստանը, Ղազախստանը կամ Ղրղզստանը Առևտրի համաշխարհային կազմակերպության անդամ են:

«Կարծում եմ, որ ի վերջո ԵԱՏՄ-ն կհասնի նրան, որ կգործի ԱՀԿ օրենքներով, այն օրենքներով, որով ներկայում աշխատում են եվրոպացիները»,- նշել է Սարգսյանը՝ ևս մեկ անգամ հավաստիացնելով, որ ԵՄ հետ ստորագրվելիք համաձայնագրում չկան ԵԱՏՄ հետ հակասություններ:

ԱՄԵՆԱԿԱՐԴԱՑՎԱԾ ԼՈՒՐԵՐ

Աշխարհի բնակչությունը մինչև 2050 թվականը կավելանա 2.2 միլիարդ մարդով. ՄԱԿ

Այդ մասին ասված է «Աշխարհի ազգաբնակչությունը 2018 թվականին» զեկույցում, որը հրապարակվել է Ազգաբնակչության բնագավառում ՄԱԿ-ի հիմնադրամի կողմից:

ՀԲ-ն կոչ է արել նախապատրաստվել առևտրում իրադրության հնարավոր վատանալուն

Առեւտրային սահմանափակումները կբերեն գլոբալ տնտեսության աճի դանդաղման, եւ հարկ է, որ երկրներն այժմ մտածեն իրադրության վատանալու դեպքում ձեռնարկվելիք միջոցների շուրջ

Նավթի գները նվազել են – 06-09-18

Աշխարհի խոշորագույն հումքային բորսաների սեպտեմբերի 6-ի առևտրային նստաշրջանների արդյունքում սահմանվել են նավթի հետևյալ գները.