Մուտք

Invalid username or password

Մոռացե՞լ եք գաղտնաբառը

Սերժ Չուրուկ. «Սիստեմայի» տնօրենների խորհրդի անդամը, Exxon Mobile, Total և Alcatel ընկերությունների ղեկավարը

Վերադարձ լուրերի բաժին

Հեղինակ

B4B.am

Խորագրեր

Դեմքեր

00:01 , 01 Օգոստոս 2017

Սերժ Չուրուկը (Չուրուկջյան) ծնվել է 1937թ. Մարսելում, որտեղ նրա ծնողները Թուրքիայից էին տեղափոխվել 1922թ.՝ փրկվելով Հայոց ցեղասպանությունից: Ապագա գործարարը փայլուն կրթություն է ստացել Պալեզոյի Պոլիտեխնիկական դպրոցում (l’École polytechnique)՝ ռազմական տեխնիկայի ինժեներ մասնագիտությամբ:

Կարիերան Չուրուկը սկսել է ամերիկյան նավթային ExxonMobile ընկերությունում 1960-ականներին, որտեղ տարբեր պաշտոններում աշխատել է մինչև 1979թ.:

1980-ականներին Սերժ Չուրուկը ղեկավար պաշտոններ է զբաղեցրել Ֆրանսիայի քիմիա-դեղագործական ընկերություններում, իսկ 1990-1995թթ. եղել է ֆրանսիական խոշորագույն նավթագազային Total ընկերության նախագահ և գործադիր տնօրեն: 1995թ. ֆրանսահայը գլխավորել է խոշորագույն եվրոպական Alcatel հեռահաղորդակցական ընկերությունը:

Որոշ եվրոպացի բիզնես վերլուծաբանների կարծիքով՝ Չուրուկի նախագահությամբ և DSL-տեխնոլոգիայի ներդրմամբ Alcatel-ը վերածվել է համաշխարհային շուկայում առանցքային խաղորդի հեռահաղորդակցական սարքավորումների գծով:

Սերժ Չուրուկը ֆրանսիական ընկերությունում աշխատել է ավելի քան 13 տարի, իսկ կարճ ժամանակ անց ղեկավարել ամերիկյան բիոտեխնոլոգիական Joule Unlimited ընկերությունը, որը 2007թ. հիմնադրվել է հայտնի հայ գործարար, Մասսաչուսեթսի տեխնոլոգիական համալսարանի բիոքիմիական ինժեներիայի դոկտոր Նուբար Աֆեյանի կողմից:

2012թ. Չուրուկը ընտրվել է ռուսական «Սիստեմայի» տնօրենների խորհրդի անդամ:

Ֆրանսահայ գործարարը Հայաստանի հետ սերտ կապեր է հաստատել դեռ պատանությունից: Նա հիանալի տիրապետում է հայերենին, պատանության տարիներին որոշ ժամանակ ապրել է Սուրբ Ղազար կղզում՝ Մխիթարյան միաբանությունում, որտեղ ուսումնասիրել է հայկական ձեռագրեր, գրաբար և քրիստոնեության պատմություն:

ԱՄԵՆԱԿԱՐԴԱՑՎԱԾ ԼՈՒՐԵՐ

Ռիմա Կազումյան. EMPORIO ARMANI-ի միակ հայուհին

Իտալիայում Ռիման հնարավորություն է ստացել մասնակցել լավագույն ուսանողների մրցույթին, որտեղ նրան նկատել են ու հրավիրել Frankie Morello ընկերություն՝ ստաժորություն անելու, այնուհետ Emporio Armani

Ցարական Ռուսաստանի ամենահարուստ հայը՝ Սեմյոն Աբամելեք-Լազարև

Սեմյոն Աբամելեք-Լազարևի կարողությունը գնահատվել է 44 մլն ռուբլի, ինչի շնորհիվ ընդգրկվել է ռուսական կայսրության ամենահարուստ մարդկանց եռյակում

«Մենք ամեն օր պայքարում ենք՝ ապագայի համար». Alibaba-ի հիմնադիր

Ջեք Ման Դավոսում պատասխանել է լրագրողների հարցերին