Մուտք

Invalid username or password

Մոռացե՞լ եք գաղտնաբառը

ՍԴ-ն հակասահմանադրական է ճանաչել Կադաստրի կողմից տեղեկատվության տրամադրման դիմաց վճարումները

Վերադարձ լուրերի բաժին

19:50 , 23 Փետրվար 2016

2016թ.-ի փետրվարի 23-ին ՀՀ Սահմանադրական դատարանն Ինֆորմացիայի ազատության կենտրոնի դիմումի հիման վրա քննության առնելով «Գույքի նկատմամբ իրավունքների պետական գրանցման մասին» ՀՀ օրենքի 71-րդ հոդվածի սահմանադրականությունը, որոշեց «Գույքի նկատմամբ իրավունքների պետական գրանցման մասին» ՀՀ օրենքի 71-րդ հոդվածը և դրա հետ համակարգային առումով փոխկապակցված 32-րդ հոդվածի 2-րդ մասը ճանաչել Հայաստանի Հանրապետության Սահմանադրության 34, 51, 78, 79 և 80-րդ հոդվածներին հակասող, այնքանով, որ տարբերակված մոտեցում չեն սահմանում, երբ տեղեկատվությունը վերաբերում է անձի՝ իր մասին հայցվող տեղեկությանը, ինչպես նաև տեղեկատվության ազատության` օրենքով սահմանված երաշխիքների իրացմանը:

Հոդված 71. Պետական գրանցման և տեղեկատվության տրամադրման վճարովիությունը

1. Սույն օրենքով սահմանված կարգով գույքի նկատմամբ իրավունքների և սահմանափակումների` դրանց ծագման, դադարման, փոխանցման կամ փոփոխման պետական գրանցման, ինչպես նաև անշարժ գույքի միասնական կադաստրի տեղեկատվության տրամադրման համար մատուցվող ծառայությունների համար պետական բյուջե գանձվում է վճար սույն օրենքով սահմանված չափերով՝ գանձապետարանում բացված համապատասխան հաշվին:

2. Դիմողները պարտավոր են վճարել սույն օրենքով սահմանված վճարները:

Այս որոշումը նշանակում է, որ անձի՝ իրեն վերաբերվող տեղեկությունները չպետք է վաճառվեն նրան՝ այդ կերպ սահմանափակելով անձի՝ ինքն իր մասին տեղեկություն ստանալու իրավունքը: Այս որոշումը նաեւ նշանակում է, որ չպետք է սահմանափակվեն այն սկզբունքները, որոնք ամրագրված են “Տեղեկատվության ազատության մասին” ՀՀ օրենքով որպես տեղեկատվության ազատության երաշխիքներ:

Սահմանադրական դատարանը «Գույքի նկատմամբ իրավունքների պետական գրանցման մասին» ՀՀ օրենքի վերոնշյալ հոդվածների ուժը կորցնելու վերջնաժամկետ սահմանել 2016 թվականի նոյեմբերի 1-ը, որպեսզի «Գույքի նկատմամբ իրավունքների պետական գրանցման մասին» օրենքի եւ դրա հետ փոխկապակցված այլ օրենքների ու նորմատիվ իրավական ակտերի իրավակարգավորումները համապատասխանեցվեն ՍԴ-ի որոշման պահանջներին: Սա նշանակում է, որ առավելագույնը մինչեւ 2016թ.-ի նոյեմբերի 1-ը դեռ սահմանադրությանը հակասող ճանաչված հոդվածները գործելու են՝ ուժի մեջ են եւ քաղաքացիները դեռ պետք է դրանցով առաջնորդվեն: Դա առավելագույն վերջնաժամկետն է, սական պետական մարմինները (Ազգային ժողովը եւ կառավարությունը) պետք է հնարավորինս շուտ վերացնեն սահմանադրության հետ հակասությունները:

ՀՀ Սահմանադրական դատարանի տարածած հաղորդագրությանը կարող եք ծանոթանալ այստեղ:

ԱՄԵՆԱԿԱՐԴԱՑՎԱԾ ԼՈՒՐԵՐ

Առաջիկայում անհրաժեշտ կլինի աստիճանաբար բարձրացնել վերաֆինանսավորման տոկոսադրույքը. ԿԲ

ԿԲ-ն 2017թ. հունվար-դեկտեմբեր ժամանակահատվածի համար տնտեսական աճը գնահատում է 6.4%

Խորհրդարանը մերժեց եկամտային հարկի դրույքաչափը նվազեցնելու՝ «Ծառուկյան» դաշինքի նախաձեռնությունը

Ծառուկյան դաշինքն առաջարկում է ցածր աշխատավարձ ստացողների համար եկամտային հարկի բեռը թեթևացնել։

Volterman-ի շուրջ կրքերը թեժանում են. դրամապանակները խոստացված ժամկետներում չեն հասել գնորդներին

Առաջին դրամապանակները պետք է մատակարարվեին դառ անցած տարվա դեկտեմբերին