Մուտք
Invalid username or password
Սամվել Կարապետյանի պետերբուրգյան նոր՝ եզակի նախագիծը. «ПЛЯЖ»
Վերադարձ լուրերի բաժին
00:01 , 18 Մայիս 2017
Դիտումներ 2571
Հայազգի գործարար Սամվել Կարապետյանի «Տաշիր» ընկերությունների խումբը Սանկտ Պետերբուրգում՝ «ՌԻՈ» առևտրային-զվարճանքների կենտրոնում, նոր՝ անսովոր նախագիծ է գործարկել՝ «Пляж» կոչվող մարզական կենտրոնը, որն ունի մոտ 3000 քմ մակերես և գործելու է ողջ տարին, հայտնում է zdanie.info պորտալը:
«ПЛЯЖ»-ը եզակի մարզական-զվարճանքների կենտրոն է ինչպես առևտրի կենտրոնի, այնպես էլ ողջ քաղաքի համար: Ինժեներական տեսակետից նման բարդ կառույցների կարելի է հանդիպել միայն Եվրոպայում և ԱՄՆ-ում: Ռուսաստանում դա նման ձևաչափով առաջին նախագիծն է առևտրա-զվարճանքային համալիրի համար:
Սպորտի «ПЛЯЖ» կենտրոնը ներառում է հանգստի և մարզական մեծամասշտաբ գոտիներ: Մարզական գոտում գտնվում է վոլեյբոլի 5 հարթակ և 1 ֆուտբոլային դաշտ: Ողջ տարածքը ձևավորված է որպես լողափ: Հանգստի գոտիներից բացվում են համայնապատկերներ բոլոր լողափային հարթակների վրա:
Ապագայում նախատեսվում է «ПЛЯЖ» կենտրոնի հրապարակներում բացել լողափի վոլեյբոլի մանկական բաժին, ինչպես նաև բարեգործական մրցություններ ու տոներ կազմակերպել մանկատների սաների համար:
«Վստահ եմ, որ «ՌԻՈ» առևտրի կենտրոնի «ПЛЯЖ» լողափային սպորտի կենտրոնը նշանակալի երևույթ կդառնա քաղաքի համար այնպես, ինչպես առևտրի կենտրոնի մյուս անսովոր նախագծերը: Չէ՞ որ այն գործելու է ողջ տարին: Դա փակ շինություն է, որի ջերմակարգավորումը թույլ է տալիս ամռանը ստեղծել զով մթնոլորտ, իսկ ձմռանը՝ պահել ջերմությունն ու ստեղծել ամռան լիարժեք պատրանք»,- ասում է Սանկտ Պետերբուրգի «ՌԻՈ» առևտրի կենտրոնի գլխավոր տնօրեն Մարատ Աբրահամյանը:
Դիտումներ 2571
ԱՄԵՆԱԿԱՐԴԱՑՎԱԾ ԼՈՒՐԵՐ
Աշխարհի ամենաաթեիստական երկրները. ինչ դիրքում է Հայաստանը
Ամենաաթեիստական երկրների շարքում Չինաստանին հաջորդում են Շվեդիան, Չեխիան եւ Միացյալ Թագավորությունը։
Հայաստանն Իրանի համար կամուրջ է Եվրասիայի ու Եվրոպայի շուկաներ մուտք գործելու համար. Ռոհանիի խորհրդական
«Հայաստանը պայծառ ապագայով երկիր է, և նրա տնտեսական ու առևտրային հարցերով պաշտոնական դեմքերն ունեն մինչև 2035 թվականը զարգացման հիանալի ծրագիր»,- ասել է Թորքանը
Դանիլ Խաչատուրովը «Ռոսգոսստրախը» փոխանցում է Վադիմ Բելյաեւին
«Ռոսգոսստրախի» սեփականատեր է դառնում ոչ թե «Открытие»-ն, այլ դրա սեփականատեր Վադիմ Բելյաեւը։
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։