Մուտք

Invalid username or password

Մոռացե՞լ եք գաղտնաբառը

Սամվել Կարապետյանը՝ աշխարհի 500 ամենահարուստ մարդկանց վարկանշային աղյուսակում. Bloomberg

Վերադարձ լուրերի բաժին

16:47 , 06 Մարտ 2017

«Տաշիր» ընկերությունների խմբի սեփականատեր, գործարար, միլիարդատեր Սամվել Կարապետյանը ներառվել է աշխարհի ամենահարուստ 500 մարդկանց վարկանշային աղյուսակում՝ ըստ Bloomberg-ի վարկածի։

Աշխարհի միլիարդատերերի ինդեքսում, որի հեղինակը գործակալությունն է, Սամվել Կարապետյանը զբաղեցրել է 394-րդ հորիզոնականը։ Նրա կարողությունը գնահատվում է 4.36 մլրդ դոլար։

Կարապետյանը հայկական ազգանունով միակ գործարարն է աշխարհի ամենահարուստ մարդկանց ցուցակում։
Bloomberg-ի վարկանիշով՝ աշխարհի ամենահարուստ մարդը, ինչպես նախորդ տարիներին, այս տարի ևս Microsoft ընկերության հիմնադիր Բիլ Գեյթսն (85.6 մլրդ դոլար) է։
Աշխարհի միլիարդատերերի առաջին եռյակը եզրափակում են ամերիկացի գործարար և ներդրող Ուորեն Բաֆեթը՝ 78.9 մլրդ դոլարով և ծագումով լիբանանցի մեքսիկացի գործարար Կառլոս Սլիմը (53.0 մլրդ դոլար)։

Bloomberg-ը ներկայացրել է նաև Սամվել Կարապապետյանի կարողության հարաբերական արժեքը՝ ինչ է հնարավոր դրանով գնել և ինչին է դա համարժեք (օրինակ, 4.63 մլրդ դոլարով կարելի է գնել 78.2 մլն բարել նավթ կամ ԱՄՆ-ում այս պահին վաճառվող տների 0.283%-ը)։

Karapetyan-Rel-Value

Հիշեցնենք, որ հունվարին Սամվել Կարապետյանն ընդգրկվել էր ՌԴ անշարժ գույքի «արքաների» ցանկում՝ Forbes-ի վարկածով:

Forbes-ի ռուսական տարբերակը հունվարի 26-ին հրապարակել է Ռուսաստանի տարածքում կոմերցիոն անշարժ գույքի ամենահարուստ սեփականատերերի թարմացված վարկանիշը, որոնք հաջողությամբ վարձակալության են տալիս գույքը: Կարապետյանը 3-րդն էր այդ ցանկում: Հիմնական օբյեկտներն են «Ռիո» առևտրի և զվարճանքի կենտրոնը Դմիտրովյան մայրուղում և Novotel Moscow City-ն: Եկամուտը գնահատվում է 670 մլն ԱՄՆ դոլար:

Forbes ամսագիրը 2010 թվականին առաջին անգամ Սամվել Կարապետյանին ներառել էր Ռուսաստանի ամենահարուստ գործարարների վարկանշային աղյուսակում: Այն ժամանակ նրա կարողությունը գնահատվել էր 0.75 մլրդ դոլար և նրան ապահովել 91-րդ հորիզոնականը:

Հիմնական բրենդները, որոնք պատկանում են «Տաշիր» ընկերությունների խմբին, ՌԻՈ-ն է, «Երևան Պլազան», «Ռայկին Պլազան», «Կալուգա XXI դար»-ը:
Ընդհանուր առմամբ՝ ընկերությանը պատկանում է 25 օբյեկտ, այն ներկայացված է ՌԴ 15 քաղաքներում:

ԱՄԵՆԱԿԱՐԴԱՑՎԱԾ ԼՈՒՐԵՐ

Բրիտանացի բարձրաստիճան պաշտոնյայի կարծիքը՝ Ամուլսարի հանքը շահագործող «Լիդիանի» մասին. Banks.am

Հայաստանում եւ Վրաստանում Միացյալ Թագավորության առեւտրի եւ ներդրումների հարցերով հանձնակատար, խորհրդարանական Մարկ Փրիթչարդն ասել է, որ Ամուլսարի ոսկու

Audi-ի սրամիտ պատասխանը՝ BMW-ի գովազդին (լուսանկար)

Ֆրանսիա, AUDI-ի սրահի մոտ BMW-ն այսպիսի մի բիլբորդ է տեղադրել ու գրել «Երբեք ուշ չէ փոխել ձեր կարծիքը»։

Գովազդային տեքստերում թվեր գրելու 16 կանոն

Մեծ թվերն ավելի լավ էֆեկտ են տալիս, քան փոքր թվերը։ Օրինակ՝ 1 տարի և 12 ամիս