Մուտք

Invalid username or password

Մոռացե՞լ եք գաղտնաբառը

Սահմանվում են հիփոթեքային վարկավորման միասնական խիստ կանոններ

Վերադարձ լուրերի բաժին

00:01 , 02 Դեկտեմբեր 2016

Այսուհետ բնակարանային հիփոթեքային վարկ ունեցող քաղաքացիների իրավունքներն առավել պաշտպանված կլինեն` ՀՀ կառավարության կողմից հավանության է արժանացել «Բնակարանային հիփոթեքային կրեդիտավորման մասին» ՀՀ օրենքի նախագիծը, որով սահմանվում են հիփոթեքային վարկավորման միասնական խիստ կանոններ:

Նախագծով վարկատուներն այսուհետ պարտավոր են սպառողներին մինչև վարկը տրամադրելը մանրամասն ներկայացնել և բացատրել վարկի հետ կապված մի շարք կարևոր պայմաններ, ինչպիսիք են՝

– Վարկի արդյունավետ տոկոսադրույքը,

– Այն ծախսերը, որոնք քաղաքացին պետք է կատարի վարկ վերցնելիս,

– Ժամկետից շուտ մարելու հնարավորությունը, դրա իրականացման կարգն ու հետևանքները,

– Վարկի մարման կանոնները:

Նախագծով սպառողը հնարավորություն կունենա ժամկետից շուտ մարել վարկը՝ առանց էական ռիսկեր կրելու, իսկ վարկատուն չի կարող որևէ տույժ, վճար կամ հատուցում պահանջել: Վարկատուն հնարավորություն կունենա տույժեր կիրառել միայն այն դեպքում, երբ վարկը վաղաժամկետ մարվում է առաջին 3 տարիների ընթացքում և մարվող գումարի չափը ավելի է նախագծով սահմանված չափից:

Նախագծով նաև խիստ և հստակ կանոններ են սահմանվել անշարժ գույք գնահատողների ընտրության և գործունեության նկատմամբ: Օրինակ՝ գնահատողը չի կարող փոխկապակցվածլինել վարկատուի հետ կամ բանկը չի կարող ուղղորդել սպառողին՝ օգտվել իր նախընտրած գնահատողից:

Նախագծով ներդրվել են նաև վարկատուների կողմից սահմանված կանոնները չպահպանելու հետևանքով սպառողներին պատճառված վնասների հատուցման մեխանիզմ:

Այսպիսով, նոր կանոնների արդյունքում՝

– Հիփոթեքային վարկերի շուկան կլինի թափանցիկ,

– Սպառողը հիփոթեքային վարկ վերցնելիս կլինի առավել տեղեկացված,

– Սպառողը հնարավորություն կունենա ընտրել առավել բարենպաստ պայմաններով վարկ:

ԱՄԵՆԱԿԱՐԴԱՑՎԱԾ ԼՈՒՐԵՐ

Միջազգային անկախ փորձագետը պատասխանել է Ամուլսարի վերաբերյալ մտահոգող հարցերին

Լարրի Բրեքենրիջը ՀՀ Բնապահպանության նախարարությունում ներկայացրել է Ամուլսարի ծրագրում բնապահպանական կառավարման մանրամասները:

Կարեն Կարապետյանը կներկայացնի Հայաստանը Դավոսի ֆորումում .Banks.am

Վերջին անգամ Դավոսին Հայաստանը, ի դեմս նախագահ Սերժ Սարգսյանի, մասնակցել էր 2009-ին:

Խորհրդարանը մերժեց եկամտային հարկի դրույքաչափը նվազեցնելու՝ «Ծառուկյան» դաշինքի նախաձեռնությունը

Ծառուկյան դաշինքն առաջարկում է ցածր աշխատավարձ ստացողների համար եկամտային հարկի բեռը թեթևացնել։