Մուտք

Invalid username or password

Մոռացե՞լ եք գաղտնաբառը

Սահմանադրական հանրաքվեի արդյունքները՝ ինֆոգրաֆիկայով

Վերադարձ լուրերի բաժին
EXCLUSIVE

18:57 , 08 Դեկտեմբեր 2015

Եվ այսպես, Կենտրոնական ընտրական հանձնաժողովը ամփոփեց 2015թ. դեկտեմբերի 6-ին կայացած՝ Սահմանադրության փոփոխությունների հանրաքվեի նախնական արդյունքները։

Ըստ այդմ, հանրաքվեին մասնակցելու իրավունք ունեցող 2,566,782 քաղաքացիներից քվեարկությանը մասնակցել են 1,303,221-ը կամ 50.77%-ը։

Սահմանադրական փոփոխություններին կողմ է քվեարկել 825,622 մարդ կամ քվեարկությանը մասնակցածների 63.35%-ը։ Փոփոխություններին ոչ է ասել 421,593 մարդ (32.35%)։ Անվավեր է ճանաչվել 53,323 քաղաքացի (4.03%)։

Արդյունքները՝ ըստ մայրաքաղաքի և մարզերի, այսպիսին են։

Ինչպես տեսնում եք՝ այո-ն ամենից շատ ձայն (տոկոսային հարաբերակցությամբ) հավաքել է Վայոց ձորի և Արարատի մարզերում։ Սահմանադրական փոփոխություններին ամենից քիչ կողմ են արտահայտվել Շիրակի մարզի և Երևանի ընտրողները։

Երևանում սահմանադրական փոփոխությունների հանրաքվեին մասնակցել է 392,119 մարդ (ընտրական իրավունք ունեցողների 46.36%-ը)։

Մասնակցածների 52.92%-ը կողմ է քվեարկել Սահմանադրության նոր նախագծին, 41.24%-ը՝ դեմ։

Ըստ Երևանի առանձին վարչական շրջանների՝ այո-ների քանակով առաջին տեղում Նուբարաշենն է (61.73%), որին հաջորդում է Դավթաշենը (60.95%)։

Այո-ն 50%-ից քիչ ձայն է հավաքել Աջափնյակ, Արաբկիր, Էրեբունի և Կենտրոն վարչական շրջաններում։ Շենգավիթում թեպետ սահմանադրության փոփոխություններին կողմ է քվեարկել քվեարկությանը մասնակցածների 54.59%-ը, սակայն այստեղ այո-ների քանակը քիչ է եղել քվեարկության իրավունք ունեցող քվեների 25%-ից։

Վերջում հիշեցնենք անկախությունից ի վեր Հայաստանում անցակցված սահմանադրական հանրաքվեների արդյունքները (2003 թվականին նախագիծը չի ընդունվել)։

ԱՄԵՆԱԿԱՐԴԱՑՎԱԾ ԼՈՒՐԵՐ

Կենսաթոշակային հեղափոխություն. Քայլ առաջին

Տնտեսագետ, ՀՀ վարչապետի խորհրդական Մեսրոպ Առաքելյանի հոդվածը՝ նվազագույն կենսաթոշակը 25.5 հազար դրամ սահմանելու նախաձեռնության մասին։

Քոչարյանական  «աճի» առասպելը. Տնտեսագիտության դոկտոր Աշոտ Մարկոսյանի վերլուծությունը

Տնտեսագետ ԱՇՈՏ ՄԱՐԿՈՍՅԱՆԸ B4B.am-ին է տրամադրել իր կատարած վերլուծությունը, որը վերաբերում է ՀՀ երկրորդ նախագահ Ռոբերտ Քոչարյանի կառավարման տարիներին գրանցված ու այդքան գովերգվող երկնիշ աճին

Օնլայն հարցման մասնակիցների 63%-ը գոհ է կառավարության գործունեությունից

B4B.am կայքում շարունակվում է օնլայն հարցումը, որով առաջարկում էինք գնահատել ամբողջ կառավարությանը և առանձին պաշտոնյաներին՝ 2.5 ամիսների գործունեության արդյունքներով։