Մուտք

Invalid username or password

Մոռացե՞լ եք գաղտնաբառը

Ռուսաստանցիների եկամուտները մինչճգնաժամային մակարդակին կհասնեն միայն 2022թ., իսկ կենսաթոշակները՝ երբեք. «Վեդոմոստի»

Վերադարձ լուրերի բաժին

Հեղինակ

B4B.am

Խորագրեր

ԵՏՄ

10:21 , 04 Հունիս 2017

Ռուսաստանցիների եկամուտները մինչճգնաժամային մակարդակին կհասնեն միայն 2022 թվականին, իսկ կենսաթոշակները մինչ 2035թ. չեն վերադառնա այդ մակարդակին, հայտնում է «Վեդոմոստի» թերթը՝ վկայակոչելով ՌԴ Տնտեսական զարգացման նախարարության կանխատեսմանը:

Թերթի տվյալով՝ մակրոկանխատեսման տարբերակում, որը հաշվարկված է մինչև 2035թ. և ենթադրում է Ռուսաստանի տնտեսական աճի ավելացում մինչև միջին համաշխարհայինից բարձր տեմպեր, ՌԴ Տնտեսական զարգացման նախարարությունը շարադրել է կենսաթոշակների գրեթե զրոյական աճ:
Տնտեսության աճի տեմպը ավելացնել է առաջարկվում զբաղված բնակչության թվի ավելացմամբ, ինչպես նաև ներդրումային միջավայրում աշխատանքի արտադրողականության և ակտիվության բարձրացմամբ:

Համաձայն ժողովրդագրական ցուցանիշների, որոնք արտացոլված են փաստաթղթում, կենսաթոշակային տարիքի բարձրացումը՝ կանանց համար մինչև 63 տարեկան և 65՝ տղամարդկանց համար, պետք է նպաստեն զբաղվածության աճին:

Միևնույն ժամանակ, «Վեդոմոստին» նշում է, որ բարեփոխումը կդառնա կենսաթոշակների մակարդակի աճի կտրուկ անկման պատճառ: Բանն այն է, որ դրանք աշխատավարձի համեմատ կնվազեն ընթացիկ 35%-ից մինչև 22%: Պլանի կատարումը կհանգեցնի նրան, որ բնակչության մեկ հինգերորդը ոչ միայն ոչինչ չի շահի, այլև հակառակը, կկորցնի՝ նրա եկամուտը կկրճատվի մյուսների համեմատ:

Ինչ վերաբերում է աշխատավարձերին և եկամուտներին, ապա մոտակա 20 տարում դրանք դանդաղ կաճեն, քան տնտեսությունը, որի աճը, համաձայն փաստաթղթերի, աննշան կլինի:
Եթե տնտեսական բարեփոխումները հաջողությամբ կյանքի կոչվեն, ապա տնտեսական աճը 2026 թվականին ՌԴ-ում կկազմի 3.5 տոկոս, այնուհետ մի քիչ կդանդաղի: ՌԴ Տնտեսական զարգացման նախարարությունում այդուհանդերձ, հուսով են՝ մինչ այդ համաշխարհային աճը ցածր կլինի:

Կանխատեսումից բխում է, որ քաղաքացիների իրական եկամուտները, որոնք վերջին 3 տարում նվազել են 10 տոկոսով, մինչճգնաժամային մակարդակին կհասնեն միայն 2022թ.:
Եթե համեմատելու լինենք 2016թ. հետ, ապա եկամուտները 20 տարում կավելանան 55%-ով, իրական աշխատավարձերը՝ 56.5%-ով, տնտեսությունը՝ 78%-ով, իսկ կենսաթոշակը՝ ընդամենը 2.5%-ով:

ՌԴ Տնտեսական զարգացման նախարարությունում կանխատեսում են, որ կենսաթոշակների աճը կսկսվի 2024 թվականից, մինչև 2022 թվականը այն իրական արտացոլմամբ կկրճատվի: Այդկերպ, անգամ 2035 թվականին կենսաթոշակները 4 տոկոսով քիչ կլինեն 2013թ. մինչճգնաժամային ցուցանիշներից:

ԱՄԵՆԱԿԱՐԴԱՑՎԱԾ ԼՈՒՐԵՐ

Պետդուման վավերացրել է ԵԱՏՄ-ի Մաքսային օրենսգրքի մասին պայմանագիրը

ՌԴ Պետդուման վավերացրել է Եվրասիական տնտեսական միության Մաքսային օրենսգրքի մասին պայմանագիրը, տեղեկացնում է ՏԱՍՍ-ը: Փաստաթուղթը ԵԱՏՄ-ի անդամ հինգ պետությունների՝ Ռուսաստանի, Բելառուսի, Հայաստանի, Ղազախստանի եւ Ղրղզստանի ղեկավարների կողմից ստորագրվել է 2017 թվականի ապրիլի 11-ին: Ենթադրվում է, որ օրենսգիրքն ուժի մեջ կմտնի մասնակից բոլոր հինգ երկրներից պայմանագրի վավերացման վերաբերյալ ծանուցումներ ստանալուց հետո: Պլանավորվում է, որ դա տեղի […]

ԵԱՏՄ տարածքում կստեղծվի փորձագիտական գրասենյակ՝ ԵԱՏՀ կոլեգիայի ղեկավարությամբ

«Արմենպրես»-ի փոխանցմամբ` այս մասին լրագրողներին տեղեկացրեց Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանը:

«Մենք պատրաստ ենք մասնակցություն ունենալ Իրանի հետ ազատ տնտեսական գոտու զարգացման գործում». Դմիտրի Մեդվեդևը՝ Մեղրիի ԱՏԳ-ի մասին

Եթե ԵԱՏՄ մեր բարեկամները ու գործընկերները ստեղծում են նման ազատ տնտեսական գոտի Իրանի հետ, մենք պատրաստ ենք մասնակցություն ունենալ դրա զարգացման գործում, այդ թվում նաև՝ այնտեղ հրավիրելով մեր ռուսական բիզնեսը