Մուտք

Invalid username or password

Մոռացե՞լ եք գաղտնաբառը

Ռոբերտ Քոչարյանը կալանավորվեց 2 ամիս ժամկետով. Դատարանը բավարարեց կալանավորելու միջնորդությունը. Tert.am

Վերադարձ լուրերի բաժին

00:29 , 28 Հուլիս 2018

Երևանի ընդհանուր իրավասության դատարանի դատավոր Վաչե Մարգարյանը 7 ժամ տևած քննությունից հետո բավարարեց «Մարտի 1-ի» գործով մեղադրյալ, ՀՀ երկրորդ նախագահ Ռոբերտ Քոչարյանին կալանավորելու վերաբերյալ նախաքննական մարմնի ներկայացրած միջնորդությունը։ ՀՀ երկրորդ նախագահը կալանավորվեց 2 ամիս ժամկետով։ Այս մասին գրում է Tert.am-ը։

Այս մասին լրագրողների հետ զրույցում ասաց Ռոբերտ Քոչարյանի պաշտպաններից Արամ Օրբելյանը։ Կալանավորման հիմքերի, առաջին ատյանի դատարանի որոշումը բողոքարկելու շուրջ հարցերի վերաբերյալ փաստաբանն ասաց, որ կխոսեն առաջիկա մամուլի ասուլիսի ընթացքում։

Հիշեցնենք, որ Ռոբերտ Քոչարյանը հուլիսի 26-ին Հատուկ քննչական ծառայություն էր ներկայացել վկայի կարգավիճակով՝ հարցաքննության։ Նույն օրը 2008 թվականի մարտի 1-ից 2-ն ընկած ժամանակահատվածում Երևանում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով նախաքննության ընթացքում ձեռքբերված ապացույցների բավարար համակցության հիման վրա 2018 թվականի հուլիսի 26-ին ՀՀ պաշտոնաթող Նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետնախնական համաձայնությամբ տապալել է Հայաստանի Հանրապետության սահմանադրական կարգը։

Նույն մեղադրանքն է առաջադրվել նաև ՀԱՊԿ գլխավոր քարտուղար Յուրի Խաչատուրովին, ով մարտի 1-ին զբաղեցրել է ՀՀ պաշտպանության նախարարի տեղակալ պաշտոնը, նույն հոդվածով մեղադրվում է այդ ժամանակ պաշտպանության նախարար Միքայել Հարությունյանը, ով հետախուզվում է։

Նշենք, որ ՀՀ ՔՕ-ի 300.1-րդ հոդվածի 1-ի մասը սահմանում է՝ սահմանադրական կարգը տապալելը` Սահմանադրության 1-ից 5-րդ հոդվածներով կամ 6-րդ հոդվածի առաջին մասով նախատեսված որևէ նորմը փաստացի վերացնելը, որն արտահայտվում է իրավական համակարգում այդ նորմի գործողության դադարեցմամբ` պատժվում է ազատազրկմամբ` 10-15 տարի ժամկետով:

ԱՄԵՆԱԿԱՐԴԱՑՎԱԾ ԼՈՒՐԵՐ

Կալիֆորնիայում ձգտում են վերաբացել Հայաստանի հետ առևտրային գրասենյակը

Կալիֆորնիա նահանգի սենատում ներկայացվել է նահանգի և Հայաստանի միջև առևտրային գրասենյակի վերաբացման բանաձևը: Գրասենյակը փակվել էր նախկին նահանգապետ Առնոլդ Շվարցնեգերի կրճատումների քաղաքականության հետևանքով: b4b.am-ի փոխանցմամբ` այդ մասին հայտնել է Asbarez պարբերականը: Կալիֆորնիա նահանգի սենատի անդամ Էնթոնի Փորթանթինոն ներկայացրել է թիվ 302 բանաձևը, որով առաջարկում է վերաբացել Կալիֆորնիա-Հայաստան առևտրային գրասենյակը: Թիվ 302 բանաձևի համահեղինակն է սենատի անդամ […]

Հայաստանի և Բելառուսի փորձագետները ցանկանում են տնտեսական կապերի ընդլայնման հետազոտություն սկսել

«2019թ. Հայաստանը Եվրասիական տնտեսական միությունում ստանձնել է նախագահությունը: Այս տարին պետք է օգտագործել ամբողջությամբ՝ մեր երկրի շահերը ԵԱՏՄ-ում և դրանից դուրս ներկայացնելու համար: Մեր բելառուս գործընկերների հետ պայմանավորվել ենք փորձագիտական հետազոտություն սկսել՝ Հայաստան-Բելառուս տնտեսական և քաղաքական կապերի լայնամասշտաբ զարգացման համար, որը հնարավորություն կտա, օրինակ` Բելառուսի պետական մարմիններին, պետական ներդրումների մասնակցությամբ ներդրումային ընկերություններ ստեղծել` հայ-բելառուսական տնտեսական […]

Հայաստանի և Նիդերլանդների համար հեռանկարային է համագործակցությունը ՏՏ ոլորտում

Աշխատանքային այցով Մյունխենում գտնվող ՀՀ արտաքին գործերի նախարար Զոհրաբ Մնացականյանը փետրվարի 15-ին հանդիպել է Նիդերլանդների Թագավորության ԱԳ նախարար Ստեֆ Բլոկի հետ: ՀՀ արտաքին գործերի նախարարության մամուլի, տեղեկատվության եւ հասարակայնության հետ կապի վարչությունը b4b.am-ին տեղեկացրեց, որ երկկողմ առևտրատնտեսական կապերի առավել խորացման առնչությամբ՝ արտգործնախարարները որպես հեռանկարային ուղղություններ մատնանշել են տեղեկատվական տեխնոլոգիաների, գյուղատնտեսության, ինչպես նաև առողջապահության ոլորտները: ԱԳ […]